@@@السارق لابد ان يتوقف@@@

[ابرق الحرار]

بسم الله الرحمن الرحيم

السلام عليكم ورحمة الله وبركاته

نواجه في كل سنة سرقات للطيوروذلك لسهولة بيعها في الاسواق بابخس الاثمان وعلى ذلك نشتري ولكن لماذا لايوجد هناك تكاتف من الجميع مثال سوق الطيور اذا جلب الشخص طيره للبيع لماذا لايكون هناك شروط للبيع مثال ابراز بطاقة الاحوال ومن ثم تدون جميع بيناتها في سجل خاص بالبيع في ادارة السوق ومن ثم تتم عملية البيع وهذا يحد من السرقات بشكل كبير جدا

[Hamad18]

اقتراح تشكر عليه وبيض الله وجهك ياخوي
واحب اقولك يكفي المحل انه يكون مسئول
ويسجل بيانات الشخص البايع

[روق الرياض]

السلام عليكم
اخوي ابرق الحرار تشكر على هذا الموضوع واتمنى من اصحاب المحلات ان يتقيدو بتصوير البطاقه

[مقناص الكويت]

والله ياخوك جزاة السارق العقاب ولا مراح يتعدل
يبيع الطير في مكان ثاني عندنا بالكويت بسرقون الطيور ويبيعونها بسعوديه
والي ينسرق بالسعوديه يبعونه بالكويت لاكن حسبي الله عليهم ومايضيع شي عند ربك
والله يصلحهم ويهديهم ولاهنت علي الموضوع

[هصور]

والسارق بيعطي بطاقته ولابيعرف بنفسه !
ولاشريت طير بتطلب بطاقة احوال البايع هل بيعطيك ؟
اهل المحلات بيعطونك سند شراء طير لاشريت منهم ؟
كل ذامستحيل

[ابرق الحرار]

اشكرجميع الاخوان الذين تفاعلوا مع الموضوع الاخ (حمد18 وروق الرياض ومقناص الكويت وهصور)


ولنا عوده

[بو_غانم]

والسارق بيعطي بطاقته ولابيعرف بنفسه !
ولاشريت طير بتطلب بطاقة احوال البايع هل بيعطيك ؟
اهل المحلات بيعطونك سند شراء طير لاشريت منهم ؟
كل ذامستحيل

مافي شي مستحيل ياخوي.

موضوع البطاقه منطقي وقانوني.

وشو بينقص من الشخص لا عطاك البطاقه وسجلت بياناته.

فكرة جيده للحد من السرقه.

[عيد العازمي]

كلامه ١٠٠ /١٠٠

وتشكر عليه


وارجووو من الاخوان التعاون بهذا الموضوع


بالكويت عندنا ان باع الطير راعيه بالسوق لشخص بينهم اثبات للبايع والشاري


ويكون احسن اللي قاله اخونا لو يصير بسواق الصقور


اشكرك ياغالي على الموضوع الاكثر من رائع


تحياتي لك وللجميع

[دولاار]

كلاامك سليم اخوي ابرق
ولااكن اول مشكله ان سوق الطيور بالرياض لايوجد فيه شي اسمه اداره
مجرد محلاات وحراج كل صباح خميس وناس تجلب طيورها وناس تشتري
الشي الثاني اغلب الناس تستحي تطلب من البايع بطاقته الشخصيه
وهالمشكله اتوقع سبق وان طرح اخونا العضو انور نفس هالموضوع وتناقشو فيه اغلب الاعضاء
ومازالت نفس المشكله من غير حل
اتمنى في الايام المقبله ان شاءالله يتكاتفون جميع الصقارين في انهاء هاذي الضاهره السيئه

[(هزاع)]

اشكر الاخ العزير العضو ابرق الحرار
على اهتمامه باموال المسلمين من ايدي اللي مايخافون الله
موضوع يستحق الاهتمام
واذكر اول العام بالرياض ان احد الاخوه فقد طيره بالمدعى وابلغنى عنه من نعرف من الاخوه الصقاره
ويوم جاء الخميس الا الطير على كف رجال بالسوق ويعرضه للبيع والسوامه حوله وراعي الطير يعرف طيره مع انه فاك الحجل من ساق الطيروياخذه منه ويحصله شيء من التوبيخ
المراد
ان كل اماكن الحراج يوجد بها تسجيل اسم البائع ورقم سجله المدني وتوثيق البيع الا حراجات الطيور
ويمكن ان احد يتطوع بتقديم طلب للجهات المعنيه بتعيين مكتب للتسجيل بمقابل رسم رمزي مثل عند المحرج
والزام المحلات باعطاء المشتري منهم سند بيع
جزاك الله خير ياراعي الموضوع وجعله اللهم بميزان حسناتك

[جلاد الحباري]

ضاعت منا طيور وقضبت وراحت وسط الاسواق وياكثرها لكن اتمنى ان جميع محلات الطيور توثق بيانات البايع او اذا كان معرفه وبالشهود وفي الاماكن العامة اللي بيشتري طير وهو صقار بيعرف قيمته ويقدر ياخذ معلومات من الرجال اقل حاجه لوحة سيارته في اصعب الظروف والحرامي ما راح يعطيك اثباته نهائيا بتشوفه يتهرب او يقولك هونت من البيعه

[الشلاعي]

السلام عليكم ورحمه الله وبركاته
موضوع صراحه مهم ويشكر عليه اخونا ابرق الحرار

والله لايكثر الحراميه
صدقوني الحرامي بيلاقي حرامي مثله ويبيع الطير عليه

[انور العنزي]

السلام عليكم ورحمة الله سبق وان طرحت هذا الموضوع ويوجود تعميم من وزارة الداخليه لجميع اسواق السوداء والمزادات الخارجيه بطلب اثبات البائع وتسجيل بيانته وفي هذا حمايه وحفظ حق لشراي واتمنى ان تصل الرساله للمسئولين واجبار المحلات والمحرجين بوجود جهة معينه يتم فيها تسجيل بينات كل صاحب طير قام ببيعه فالسوق وفي حال وجود طير عليه شبهه وبدون بينات يغرم صاحب المحل ويعطيك العافيه اخي صاحب الموضوع

[عنيد]

هذا من المستحيلات مع فائق احترامي[/CENTER]

[رعد المطر]

نتمني من الجميع التعاون في تطبيق الفكره
وعندفقدان الطير يعمم عل المحلات ولوبرساله .
تشكر ياخوي وماقصرت واوافقك وبقوووه