المساعد الشخصي الرقمي

مشاهدة النسخة كاملة : سالفة الضبعه .. النبهاني


النبهاني
03/07/2013, 09:53 PM
بسم الله الرحمن الرحيم



السلام عليكم ورحمة الله وبركاته


سالفه قديمه



يسولف علي واحد ويقول بليلة من الليالي كنت مسير على رفيق لي



وكنا نسولف ونتسامر الى ما انتصف الليل يقول وانا استاذن من رفيقي ابي المسرا لهلي



المهم يقول سريت وبنصف الطريق نطحتني هكالضبعه ويوم اقبلت وانا الوذ لي بشجره
واقعد اناظر هالبليه وش هي شايلتن معه



يقول يوم قربت لي والا وش اشوف الشق والبعج



اشوف على ضوح القمر الضبعه شايلتن له جنازه ومتجهه للضلع ولا اميز الجنازه بلحيل
يا الله اميز الايدين والرجلين متعكفات



يقول جنس البارحه متوفيه عندنا عجوز ودافنينه بالمقبره



ومن اول المقابر ماهي مسوره مثل هالحين ولله الحمد



وهالضبعه جايه ونابشتن القبر الجديد وشايلتن الجنازه



يقول انا ما اقدر اسوي شي خفت من الضبعه تجدع الجنازه



وتعدي علي وتركت الضبعه الى ما عدت الضلع هي وجنازته



ويقول واروح للبيت وابي النوم هكالليله وعيا يجين النوم



من اللي شفته



وانتم ناموا ما عليكم الا العافيه



انتهت السالفه غفر الله لي ولكم




محبكم



النبهاني
قوافي ( أم نهار )
04/07/2013, 12:13 AM
عليكم السلام ورحمة الله وبركاته
حياك ربي ابو سالم
بعذره لو مانام ضبع ما ينمزح معه..
لو أناكان علوم ألا يامحوله من ذا الشجره لو اطمع اني باكل اوراقها لين يدوروني..
الله يرحم المشيوله والحمد لله انها ميته ولا كان انفضخ قلبها..
سمعت عن ناس ساكنين بعماره وشقتهم واحد من الشبابيك يطل على المقبره يقولون بالليل تخترش الله يعز السامعين الكلابه ونبش ونبيش بالقبور لين صارو ما ينامون من خترشتهم وطلعو ما كملو شهرين من العماره..
دمت بحفظ الله
تحياتي وتقديري واحترامي لشخصكم الكريم
..قوافي..
حمد69
04/07/2013, 11:20 AM
وعليكم السلام ورحمة الله وبركاته
هلا بابوسالم
نفس سالفة خويي، ما عليك... لاتصدق كل ما يقال ولا نصف ما تشاهد
تراى بتخرب على الربع آكلي لحوم الضباع.. وبكذا بتنتشر وبتتكاثر
يقول: صاحب المقطع ساقها الله علي ياه عليها مريقة..
الأمور طيبة نوم العوافي
النبهاني
04/07/2013, 02:09 PM
عليكم السلام ورحمة الله وبركاته

حياك ربي ابو سالم
بعذره لو مانام ضبع ما ينمزح معه..
لو أناكان علوم ألا يامحوله من ذا الشجره لو اطمع اني باكل اوراقها لين يدوروني..
الله يرحم المشيوله والحمد لله انها ميته ولا كان انفضخ قلبها..:D
سمعت عن ناس ساكنين بعماره وشقتهم واحد من الشبابيك يطل على المقبره يقولون بالليل تخترش الله يعز السامعين الكلابه ونبش ونبيش بالقبور لين صارو ما ينامون من خترشتهم وطلعو ما كملو شهرين من العماره..
دمت بحفظ الله
تحياتي وتقديري واحترامي لشخصكم الكريم

..قوافي..




هلا بقوافي هلا بفارسة القصه
هلا بنجمة الخيمه ومكشات
فعلا المقابر من اول قبل الاسوار تخترش شي يشاف وشي يسمع صوته بس
والله اني اتعجب من اللي حول المقابر
الله موسعه وش يحدنا على مجاورته لكن بالمدن معذورين
باكر الله يرحمنا برحمته نبي نسكنه
كل الشكر لنجمتنا
ابو صفوق
04/07/2013, 06:29 PM
ياحيا الله ابو سالم
ضبع ثم ضبع ثم ضبع ههههه والله من قرقشة العظام
نسمع عن مثل هالامور انه كانت تصير زمان
وبروح انام
مشكور يالغالي
ابو صفوق
النبهاني
04/07/2013, 09:14 PM
وعليكم السلام ورحمة الله وبركاته



هلا بابوسالم
نفس سالفة خويي، ما عليك... لاتصدق كل ما يقال ولا نصف ما تشاهد
تراى بتخرب على الربع آكلي لحوم الضباع.. وبكذا بتنتشر وبتتكاثر
يقول: صاحب المقطع ساقها الله علي ياه عليها مريقة..


الأمور طيبة نوم العوافي




هلا وغلا بخي حمد
والله انك صادق
يقولون حكي العاقل اجدع نصفه
وشلون اللي غيره مع جدي
بس لا تخاف كل شي عندنا يبي ينقرض
تبي الصراحه
امحق من مرقه
الله لا يحدنا
مشكور اخوي على الحضور
النبهاني
04/07/2013, 09:21 PM
ياحيا الله ابو سالم
ضبع ثم ضبع ثم ضبع ههههه والله من قرقشة العظام
نسمع عن مثل هالامور انه كانت تصير زمان
وبروح انام
مشكور يالغالي
ابو صفوق



الله يحييك ويبقيك ياخوي ابوصفوق
انا متاكد من اول به قرقشه
بس بيني وبينك ماهنا لحم مثل هالحين
الله يحمانا واياكم ويرحمنا برحمته الواسعه ولا يواخذنا
والله ياحنا في انعام ماتبي الا الشكر
انا اللي لك ممنون وشاكر للحضور المشرف
محمدالزبيدي
05/07/2013, 01:57 AM
لا حول ولاقوة إلا بالله

فعلا قصة تقشعر منها الأبدان

ومحزنة

رحم الله الميت

ورحمنا وإياك أخي. إذا صرنا إلى ما صاروا إليه

تحياتي لك
محمد الظاهري
07/07/2013, 07:42 AM
وشلون يجينا النوم الله يهديك
روعتني بالضبعه
لكن الحمدلله على النعمه الي منعمها الله علينا
وماقصرت ياغالي على السالفه
تحياتي
Al3rands
15/07/2013, 08:10 AM
عاد معروف عن الضبع انه يحب نبش القبور