المساعد الشخصي الرقمي

مشاهدة النسخة كاملة : ياراكب اللي نازح البعد يطويه***يطويه طي الصيعري للقماشي


تبوك C.T
04/07/2013, 08:31 AM
ياراكب اللي نازح البعد يطويه
يطويه طي الصيعري للقماشي
الى نطحته من قدام تبتلش فيه
الخط كنه مفترشها افتراشي
والى قفيته من ورا اكل مافيه
اما كذا تصميم والا بلاشي
يصلح لرجال بعيده هقاويه
ورزقه على الله ماتحرا المعاشي
لامن هاجوس القلق قام يكويه
وكبده تغشاها من المر غاشي
دارن يصبحبه ودارن يمسيه
رايه براسه مايحب النقاشي
وعلمه لامنه ماسِئل يحتفظ فيه
لاصار بالمجلس خطات الخباشي
صملٍٍِِ لاجاب العلم ولاهو موديه
والى فتشته راس مابه عراشي
ماهو خوي ليه ولاني مخاويه
بيني وبينه دشتن ماتناشي
خويي اللي لعتزيت اعتزي فيه
والى سمعني قلت يافلان شاشي
رجل حفظ دينه وحفظ مباديه
دمثن جنابه مثل وبل الرشاشي
ابمدح الطيب ولي حاجتن فيه
والا الردي لو عاش كنه ماعاشي


الشاعر: رجعان سالم الحربي
واحد درويش
04/07/2013, 08:51 AM
بيض الله وجهك

قصيده طيبه من رجال طيب

وأعجبتني القصيدة كاملة خصوصا منها هذا البيت رااااق لي

دارن يصبحه ودارن يعشيه .... رايه براسه مايحب النقاشي


والله من واقع تجربه أكثر الرجال المطانيخ مايحبون النقاش ولايبون يزعلون أحد .. اذا ماجازت له الأمور عطاها ظهره وسوى الي براسه وطررررب عمره ..
تبوك C.T
04/07/2013, 12:08 PM
بيض الله وجهك

قصيده طيبه من رجال طيب

وأعجبتني القصيدة كاملة خصوصا منها هذا البيت رااااق لي

دارن يصبحه ودارن يعشيه .... رايه براسه مايحب النقاشي


والله من واقع تجربه أكثر الرجال المطانيخ مايحبون النقاش ولايبون يزعلون أحد .. اذا ماجازت له الأمور عطاها ظهره وسوى الي براسه وطررررب عمره ..

ووجهك ابيض
في خطأ في الابيات الي انت كاتب
الصحيح:

دارن يصبحبه ودارن يمسيه**رايه براسه مايحب النقاشي
بن عويف
04/07/2013, 12:39 PM
دارن يصبحبه ودارن يمسيه ×
× رايه براسه مايحب النقاشي
وعلمه لامنه ماسِئل يحتفظ فيه ×
× لاصار بالمجلس خطات الخباشي

كفو وصح لسانك واعتلا شانك
يا رجعان قصيده قويه وجزله وفي راسها طناخة راس راعيها
علي الثاني
04/07/2013, 05:16 PM
صح لسان الشاعر رجعان الحربي
تسلم يا س.ت. تبوك اختيار موفق وذوق رفيع بيض الله وجهك على هالجزلة
ابوفوز
04/07/2013, 06:27 PM
صح لسانك قصيدة رائعة
واحد درويش
05/07/2013, 07:48 AM
ووجهك ابيض
في خطأ في الابيات الي انت كاتب
الصحيح:

دارن يصبحبه ودارن يمسيه**رايه براسه مايحب النقاشي





المعذرة على الخطأ الغير مقصود .. تحياتي لك ياشاعر
س.س.التميمي
23/07/2013, 08:42 AM
صح الله لسانك