#افضل فشق

[مكشاتي 33]

بسم الله الرحمن الرحيم
السلام عليكم ورحمة الله وبركاته
بما ان الموسم قد اقترب

فنود من اخواني المكشاتية طرح افضل فشق لهذا الموسم خاصة القميري

#فمنها نستفيد ونفيد

من واقع تجربتهم له
والسلام عليكم ورحمة الله وبركاته

[السسفير]

وعليكم السلام ورحمه الله وبركاته
بالنسبه لي انا اولا. كاكا الازرق
وثانيا. الفكتوري الموف
ثالثا. الارسي الاصفر سبعه ونص
رابعا. الجاكوار الاسود
هاذا ماعندي والسلام ختام

[al3rm]

يارجل اي شي ثور ماعاد حنا متشرطين السوق شحيح جداً ...

[ذيبان_]

انا اشوف ان p&b طيب وممتاز
والموسم اللي قبلة جربتة الشيدت 32 رقم 7ونص ممتاز بعد

[قلب الداهية]

الكاكا الأزرق سواء 6او 7.5
وعندك الفيوشي رقم 8 ابو صفره طويله بطل

[الشمروخي]

الخير جاي قبل الموسم بشهر بتحتار من كثر الانواع بأذن الله طبعاً شهر ١٠ هـ
ارشح كاكا وكلاسك ابو كاس مختوم يعجبني لانه مايختلف عن بعض عكس باقي الانواع فشقه طيبه وفشه داجه

[المتلولس]

عزالله ان هالايام الفشق نادر ومن ناحية افضل فشق الزين واجد بس العام جاء نوعية ارسي احمر 4 shot ٣٢g صفرته نيكل عزالله انه فشق صح بس كان صندوقة اغلى من الفشق ب٢٠٠ريال

[مكشاتي 33]

اشكركم ع التفاعل الجميل

[بيكال الوشم]

والله انا من ناحيتي ان كان لقيت ارسي اصفر ٣٢ ٧.٥ و لوه يفرق عن الفشق و الانواع الثانية ب ٣٠٠ ريال خذته
ولو لقيت TUNET ٣٢ ٧.٥ برضو نفس الحكاية بآخذه حتى لو زاد سعره عن الباقي
و عندك الريمنقتون الإيطالي اللي فشقته مثل فشقة الـ B&P

والله الموفق

[albikal]

من واقع تجربه كل بندق
يوجد فشق يتناسب معها

[مروي الظماء]

انا جربت الباترويوت والبروناغي 36/6ممتاز لاكن فام ابوغزال جربته مانفع راعيه يحلف انه اصلي والفشق لونه احمر لاكن الصفره عليها نجوم مدري هو الاصلي اولا . وياليت احد يفيدنا عن الاصلي الفام كيف اعرفه
وان شاء الله الموسم هذا خلطناها من كل نوع دستتين احسن من اشتري نوع واحد

[الشيخ الظريف]

انكم تتحدثون عن الغول والعنقاء وهل في السوق اي شيء

[مكشاتي 33]

الموسم هذا خلطناها من كل نوع دستتين احسن من اشتري نوع واحد


كلااامن سديد

[أبوصالح9]

اللي يبي الفشق الزين يشري اي نوع-- دسته وحده بس-- ويجربه على باروده اذا نفع ولا غيره

البواريد تختلف والمواصير تختلف والنظام يختلف - واللي ما اقتنع بكلامي يدور له اخوياء معهم بواريد تختلف عن باروده ويجربون نوعية وحده من الفشق ويشوفون اذا المخابيط نفس بعض ولا لأ- اذا هي نفس بعض تراي كمخه ولا اعرف بالرمي شي

فمان الله

[مكشاتي 33]

اللي يبي الفشق الزين يشري اي نوع-- دسته وحده بس-- ويجربه على باروده اذا نفع ولا غيره

البواريد تختلف والمواصير تختلف والنظام يختلف - واللي ما اقتنع بكلامي يدور له اخوياء معهم بواريد تختلف عن باروده ويجربون نوعية وحده من الفشق ويشوفون اذا المخابيط نفس بعض ولا لأ- اذا هي نفس بعض تراي كمخه ولا اعرف بالرمي شي

فمان الله


اي بالله كلام صحيح 100%
وكل بندق ووزنيته
شاكر لمرورك العطر


تحياتي لك

[ابونايف....]

الرمنتقن لاخظر 6/36والبيبي 6/36 المشكله يتغير الفشق هلموسم معك ممتاز والموسم الجاي يكون مغشوش مثل ماقلو الاخوان تجرب دسته وتحكم عليه

[الشاغور]

ميراج 36/6 الشفاف ابو صفره نيكل

[النادر999]

وعليكم السلام ورحمة الله وبركاته
كاكا الازرق 36/6 ولاتدور غيره

[مكشاتي 33]

الرمنتقن لاخظر 6/36والبيبي 6/36 المشكله يتغير الفشق هلموسم معك ممتاز والموسم الجاي يكون مغشوش مثل ماقلو الاخوان تجرب دسته وتحكم عليه


معك حق من 2 سنتين
ومتغير الفشق

[ابونايف....]

كم سعر الفشق الرمنتقن الاخضر 6/36

[بيكال الوشم]

للحين ماطب السوق شي
لا ريمنقتون ولا غيره

اصبر له شوي و بإذن الله انك بتشتري من الفشق ما لذ و طاب قبل الموسم لا تخاف

[أبوصالح9]

امس انا بالسوق ولاهنا شي من الفشق بس فشق خرازات ولاهوب ذاك الزود- بعد شهر ينزل الفشق بالسوق

[مكشاتي 33]

بأذن الله قبل الموسم بأيام يبي يجي

وكلن يبي يكبله كبة

بس الله يعيننا على امرين

1/ الاسعار
2/ ومايكون مغشوش

[الشمروخي]

الاسعار باذن الله اذا نزل السوق الايام القادمه لاحد يشتري من ابو سعر خيالي وبينزل غصب لان اول ماينزل بيصفقون العالم بالسعر بس ياليت ينسحب عليهم بالبدايه

[بيكال الوشم]

والله يالشمروخي انا راااايح فيها ماكل هوا

شاري الموسم اللي فات قبل اربع شهور تقريباً صندوقين فشق و راح منها ربع صندوق في القميري و الباقي راح في طيار
ولا بقي عندي الحين الا اربع دستات و مدري عني والله تاكلني يدي ودي اطلع ارمي من شهر و زود ما رميت و متردد اخاف ما ينزل في السوق شي او ينزل بغالي و اصير عندي هالأربع ديتات اتعبر بهن لين يفرجها الله يا بالموسم او بعد الموسم
العلم عند الله مار الله يكون بالعون

اخوك ....

[مكشاتي 33]

الاسعار باذن الله اذا نزل السوق الايام القادمه لاحد يشتري من ابو سعر خيالي وبينزل غصب لان اول ماينزل بيصفقون العالم بالسعر بس ياليت ينسحب عليهم بالبدايه


هلابك اخووي
وشاكر لمرورك

وقولك لاحد يشتري فعلا كويسة وممكن يصفون الاسعار
لكن عندك ناس الله يهديهم وانا اولهم ههههههه
مهب صابرين على قولت ( تحكهم يديهم )

وعالعموم الله يوفقك ويسهل ويرزق

[أبوسعد النادر]

اللي يبي الفشق الزين يشري اي نوع-- دسته وحده بس-- ويجربه على باروده اذا نفع ولا غيره

البواريد تختلف والمواصير تختلف والنظام يختلف - واللي ما اقتنع بكلامي يدور له اخوياء معهم بواريد تختلف عن باروده ويجربون نوعية وحده من الفشق ويشوفون اذا المخابيط نفس بعض ولا لأ- اذا هي نفس بعض تراي كمخه ولا اعرف بالرمي شي

فمان الله

كلام سليم يعطيك الف عافيه اخوي ابو صالح .

الله يجزاك الف خير ..

[وبر الديره]

ماعاد فيه اصلي كله مصنع حولك يابعدي...

[مكشاتي 33]

اولاً شاكر لكم التفاعل
وثانياً شاكر لكم المرور
والله يعطيكم العافية

[سحااب الريف]

Rc32
الاصفر

[مكشاتي 33]

شاكر لكم التفاعل
والله يعطيكم العافية