مزرعه ساره

[اللماع]

يا هل الجيرات أبي مزرعه ساره في الإمارات فيه طير من مزرعه ساره شلون الطيور الي تطلع منها

[ســـبــار ربــعـــه]

مرحبا أخوي

بالنسبه للمزرعه إلي تكلم عنها اسمها بلو فالكونز ومالكها البريدر مارك روب والله مدري عاد هو زوج ساره ولا خطيبها ولا البوي فرند مير الوكاد أنها المزرعه اشتهرت باسم ساره ستالكمان وقد أرسلت لها أيميل من شهرين وقالت أن طيورها كلها أنباعت وسلامتك

[اللماع]

لا هنت طال عمرك بس شنو تتصف المزرعة (سبق ارتفاع شجاعه )و إذا ما عليك أمر أبي رقمها و تسلم علي مرورك الطيب

[ســـبــار ربــعـــه]

مرحبا بك مرة أخرى

المزرعه من أفضل المزارع في جميع المزايا وتقوم باطلاق طيورها فالبريه وهي عمليه تسمى الوايلد هك وتشتهر بإنتاج الجير شاهين الأبيض
ماعليك إلا أن تكتب للشيخ قوقل:~


Blue falcons_mark rubb

وراح تدخل على موقع المزرعه وتجد صور الطيور والسلالات وطريقة التواصل معهم والله يوفقك

تحياتي

[اللماع]

الطيور تتم تفريخها و تربيتها بالإمارات ولا بالخارج

[لبيه يمنادي]

بسم الله الرحمن الرحيم

السلام عليكم ورحمة الله وبركاته

المزرعه طيبه وانتاجها طيب ومن افضل المزارع طال عمرك .... سبق وارتفاع وصيد ..

لاكن المهم الصقار المتمكن اللي يعرف كيف يتعامل مع الجير طال عمرك ... هذا اذا كان الطير فرخ ياخوي

اما اذا كان الطير قرناس ... فنصيحتي ما تشتري الا علي شرطين ::

١- ان تكون واثق من كلام الشخص اللي بتشتري منه وتعرفه انه صادق في كلامه معاك

٢ - ان تشتري علي شوف عينك للهدد مع التأكد من خلو الطير من بعض العذاريب المعروفه ( الصيحه - الكوشة - النقل - الارتفاع - التعليق - الخ ....)

ملاحظه ::: اسم المزرعة لا يكفي عشان نقول الطير ناجح ... فكم من الطيور تفشل بالرغم من انها من افضل المزارع مثل الفالكن سنتر / ومارا / وساره وغيرها من المزارع المشهوره والمعروفه ...

واذا حبيت تتأكد من كلامي تعال شهر ١٢ ميلادي سوق ندا الشباب في دبي وشوف كم من الطيور المصقورة والفاشله اللي يتم بيعها بأرخص الاسعار برغم من انها مشتراها كان غاالي جدا ..

تقبل تحياااتي

اخوك / بو مرشد

[قلب ذيب]

مازيد على كلام الاخوان سبار ربعه وابومرشد , الا ان مزرعة ساره مزرعه انجليزيه , ممتازه وطيورها غاليه
وتقولك انباعت الطيور علشان انت تسوم من خلال التيلفون , احضر معرض الصقور في ابوظبي وسوف تجد
طيور ساره معروضه وساره موجوده !
لكن ان هناك بعض المزارع عندما تبيع طيورها تقوم بشراء بعض الطيور من بعض المزارع التي لم تستطع تسويق طيورها !! وتقوم بعرضها باسمها ؟ لكن تلك الخطوه لايقبل عليها الا شخص يريد فقد سمعه .

[اللماع]

يعطيكم العافيه و ما قصرتوا

[خالدد العطاوي]

السلام عليكم يسعدني ان اشارككم الموضوع

بالنسبة لي وانا اخوك. صقرت جير شاهين من هالمزرعه


والله من السبق والطبوع الطيبه والشجاعه




وانا اقول من انجح المزارع




مير وين تلقا طيورها ههههههه تروح للشيوخ

[عاهد بن علي]

السلام عليكم ورحمة الله وبركاته
ساره كانت عندي قبل 3 شهور في قطر هي وامها زياره خاصه لمدة يومين
وقالت لي بأنها كتبت عقد مع شيوخ دبي لمده طويله
بان جميع انتاجها يكون للشيخ ولا ريشه تطلع لغير الشيخ
وهذا كلام اكيد 100%100
اشكركم

[اللماع]

الله يعطيكم العافية
انا جاني قبل فتره جير شاهين قرناس من مزرعه ساره مدري وش علومه و اول مره انقل جير لان طيري مات و الجير دوخني يقولون لازم وزن و مزرعه

[ســـبــار ربــعـــه]

السلام عليكم أخوي اللماع


ماعليه يارجال دامك شريته وكل الله سبحانه وتعالى وترا مأمن فرق بينه وبين الطيور ومسألة الوزن ماهو بالشكل إلي انت متصوره يعني مثله مثل الطيور الإصايل إذا ضعف مالحق وإذا اصتنع زياده عن اللزوم ما هد آليا نقلته افحصه فالمستشفى وعطه حلاوة العيد خله يحذف شبيكاه وتنقيز ونقل وجذب على الشلو من مسافات ابعد فأبعد لين يتطلق جناحه وشف رغبته هو يرغب الشقلاب ولا هدد الحمام وكثر له من التفريس خله يذبح حبش وفزن وبط يعني تسوي له رفرش (تحديث) مراجعه لما سبق فالموسم الماضي ثم مع أول قمرا خلك في قاع المقناص وفالك الناموس

[اللماع]

سبار ربعه لا هنت و يعطيك العافية
و اشكر مرورك و لي رجعه علي الموضوع يقولون الجير تدعيه له دعو خاص