المساعد الشخصي الرقمي

مشاهدة النسخة كاملة : لأهل الخبره،،،، فرس أفلت قبل شهرين لكن ضعيفه


هدد الشمال
05/07/2013, 03:43 AM
السلام عليكم

ياليت من عنده خبره يفيدن

انا عندي فرس انتاج عمره 8 سنوات
افلت بفلو قبل شهرين

ولكن تعاني من ضعف علماً اني اعطيته ابرة الدود
وابرة الملارياء

ولكن ماتغير شي الى الان ضعيفه

واكله الصبح برسيم والظهر برسيم والمغرب شعير



اتمنى الافاده من صاحب الخبره
الخيل عشقي
05/07/2013, 11:03 PM
وعليكم السلام


هل كررت عليها جرعة الملاريا بعد اسبوع ؟

وكذلك الدود هل كررت عليها ابرة الدود بعد اسبوع ثلاث جرعات

يعني تعطيها اليوم ابره وبعد اسبوع ابره وبعد اسبوع ابره


طبعا الجرعه عصار بالفم وعلى جوع وبعد الجرعه بساعتين يتم تعليفها


وطريقة تعليفك ممتازه لكن وش كثر تحط لها ؟


يمكن الكميه قليله ويجب زيادتها


هذا والله اعلم
هدد الشمال
06/07/2013, 07:04 AM
الله يعافيك ويجزاك خير

لا عطيته مره وحده

وبالنسبه للأكل البرسيم اعطيه تقريباً مقدار ٢٠سم من البلكه

والشعير نص سطل البويه
الخيل عشقي
06/07/2013, 12:07 PM
ماشاء الله

كمية العلف ممتازه ومابها خلاف


كرر عليها جرعات العلاج من ابرة ملاريا و ابرة دود , وان شاء الله تمارى الزود فيها


الله يبارك لك في حلالك امين
الرجل الحجري
07/07/2013, 12:06 AM
قطع بصل وثوم وفلفل اسود وتمر واخلطها جميعا
واجعلها على شكل كرات صغيرة ثم اعطها
اتوقع ان عندها ديدان