عندي مشكله بالبراوننغ الفيوجن تكفون الفزعه

[قنا]

السلام عليكم
صباح الخير
الله لايهينكم الي عنده حل لمشكلتي لايبخل بالحل
المشكله اذا حطيت بالمخزن اكثر من ثلاث فشقات ترجع الاجزاء لورا ولعاد ترمي الشوزن الا اذا صار بالمخزن طلقتين كل ماحطيت فشق اكثر بالمخزن ترجع الاجزاء ماتقفل علي بيت النار مع العلم ان المخزن 12 طلقه


تكفون وش السواة
توني شاري الشوزل وهالنشئ نكد علي :(

[مكشاتي 33]

يفيدونك اهلها ان شاء الله


للرفــــــــــــع

[الشمروخي]

لاتتنكد ولا شي مشكله بسيطه رح لاقرب مصلح او غير السبرنق حق المخزن

[ابونايف....]

عندك السبرنق ضعيف

[قنا]

غيرت السبرنق ومازالت المشكله الاجزاء ماتقفل ع حجره الطلقه

[ابو سلطانه]

تاكد من المخزن


المشكله في المخزن

[قنا]

المشكله ماهيب بالمخزن احس ان الاجزاء خفيفه كل ماتعبأ المخزن بالفشق تنفهق الاجزاء ورا وماتقفل على بيت النار

[ابو شخط]

عندي نفس المشكله وانا اخوك هذا الخد الي على جنب مايرد الفشقه

[اكستريما 2]

فك المخزن تحصل عود لونه ابيض بلاستيك جوت المخزن طلعها وعب الشوزن

[قنا]

ياخوك مافي المخزن " موغشيم للدرجة هاذي الله يسامحك " شئ والسبرنغ تم تغییره ع شور الشباب :) ونفس المشگله ماتغیر شئ الي باصل له العيب مصنعي في خفة الاجزاء اذا تعبأ المخزن "شنكار" الاجزاء السفلي الي يوقف الطاقات في المخزن يتم دفعه وماتقفل الاجزاء ع حجرة الطلقه!! اللي عنده براوننغ فيوجن او قولد هنتر (واجزاءها وحده تقريبا )ويعاني من هالمشكله يعلمني او انا الوحيد!!

[S3oDi]

ان شاء الله يفيدونك الاخوان

للـــرفع

[قولد هنتر]

السلام عليكم جميعا
الاخ الي تسال عن مشكلة عندك بالفيوجن والله اعلم عندك العيز الخلفي الموجود خلف الترباس يمكن مكسور او ا لسبرنق الي يدفع العيز والموجود داخل الخشاب الخلفي

[قنا]

العیز فگیته مافیه گسر او ای شئ بس السبرنق الي بالاخمس كيف اعرف انه جيم او فقد قدرته العمليه ثاني شئ اخوي السبرنق الي يدفع العيز موجود ينباع بالمحلات لاني اتوقع البلاء منه ك اخر حل وصلت له

[اناميين]

البراونق معروفة ام لكةيعني مستحيل تدبل
مرة مرتين تنظم الاطلاق والايام الباقية
ترمي طلقين وتلك معرووووووفة
افتك منها وخذلك ستوقر٢٠٠٠
قبل لايرتفع سعر الستوقر شفها ب ١٠ جديدة

[ابن كديميس]

البراونق معروفة ام لكةيعني مستحيل تدبل
مرة مرتين تنظم الاطلاق والايام الباقية
ترمي طلقين وتلك معرووووووفة
افتك منها وخذلك ستوقر٢٠٠٠
قبل لايرتفع سعر الستوقر شفها ب ١٠ جديدة


عقلك وين؟
تركي تقارنه بالبلجيكي .:eek:
الله يصلحك .

[ابن كديميس]

السلام عليكم .
اعرضها على محلات الصيانه يعطونك العلم الاكيد
والسبرنق تلقاه في محلات الصيانه اللي اعرفه قطع البراننيق متوفر
.

[الحاتمي2006]

السلام عليكم
خذ العلم من راسي وانا راعيها .. سابقا .. الحين بنللي طيرت شلوى
والله يومك توصف كني اشوفها بيدي
هذي طول الله عمرك يبيلك حاجتين
تخفف شريط المخزن
مو تغيره
لا قص منه بحيث يدف الاخيره ولا يطعج الاولى
وسبرنق الارجاع الخلفي طلعه ونظف مجراه
وشف السبرتق نفسه اذا كان متلوي او به عفطات
مبين اذا كان طابق من كثر الاستعمال
امسكه من اوله واخره بيديك الثنتين وشده لين يطول
وركب شوزنك
بعدها جرب بكل الطلقات
اذا تغير تلقيمها للفشق وصارت تلقم الخامسة مثلا او السابعه ( يعني تحسنت )
اقرب محل وخذ لك نابض خلفي جديد .... وبالتوفيق
انتظر ردك
اخوك ابو حاتم

[قنا]

البراونق معروفة ام لكةيعني مستحيل تدبل
مرة مرتين تنظم الاطلاق والايام الباقية
ترمي طلقين وتلك معرووووووفة
افتك منها وخذلك ستوقر2000
قبل لايرتفع سعر الستوقر شفها ب 10 جديدة

يبن الحلال قنيت الستوقر وفيها مشاكل مثل دستتين وتنظف في مقناص الجرجس فكيتها مرتين ونظفتها في يوم واحد وفي وسط المقناص ثاني شئ زر تجهيز الطلقه من بيت النار اخترب معي وفوقي جول رهو تخيل الموقف :( حلفت ماتمرح عندي وبعتها

[قنا]

ابن كديميس شاكر لك مرورك يالغالي

[قنا]

ابو حاتم عزلله انك عارف حجم معاناتي ومن كلامك عرفت انك مريت بنفس المشكله ورجال مجرب مو راعي سوالف وترجمات !! ياخوك فكيت النابض الخلفي ولقيت مافيه اي طعوج بس كنه مضغوط شوي من الاستخدام شديته وطبقت الشوزن صارت تقبل خمس بالمخزن والسادسه بيت النار بدون رجوع الجزء السفلي من الاجزاء رغم ان المخزن باقي يتسع لخمس طلقات اخري بس اذا زودت اكثر من خمس ترجع المشكله الاوله يعني برائيك اﻻكب للمخزن سسته " لينه خفيفه " مو اصليهه الي تجي شديدة شوي !! الله لايهينك يبو حاتم ويجزيك خير حلبت نصف مشكاتي باقي النصف وسؤال اخير الحين اذا شديت النابض الخلفي كم ياخذ استعمال تقريبا كم طلقه وترجع مشكلته يطول ولا دسته دستين ويرجع .!!! وشاكر لك مشاركتك يالنشمي

[الحاتمي2006]

ياهلا بك الغالي
دام صار معك مثل ما توقعت
اول شي تقص من شريط المخزن ( الين تشوفه يالله يدف الاخيره ) او تحط واحد اخف ضغط
ولكن لو اني مكانك اقص من الاصلي لانه يطول على نفس قوة الارجاع لفترة اطول من المقلد
وثاني شي
بالنسبه للسبرنق او نابض الارجاع الخلفي
فانا افضل انك تروح تاخذ واحد جديد واتوقع ان نابض ام خمس القديمة يركب عليها ( اذا ماني متوهم )
بالنسبة للوقت اللي ياخذه النابض الخلفي عشان يرجع لنفس مشكلته ، ابي تمد النابض لاقصى درجه وتركبه واذا شفتها تلق م الفشق كله اسحب الاجزا وخلها يوم او يومين وشف بعد المدة ذي تلقم الفشق كله ولا لا اذا لقمت فارجع فكه ومده ثاني مرة وطبق شوزنك لاني اتوقع انها راح تمشيك موسم واذا رجعت نفس مشكلتها مالك الا تغير النابض الخلفي وتخفف الامامي
لازم تحط براسك شي واحد
انه يكون نابض الارجاع الخلفي اقوى من دفع نابض المخزن ولكن الشغله هذي بالتناسب بحيث انه ما يكون قوي حيل ويكسر عليك او يطعج المنظم
وغير كذا
اول شي تجربه
انك تغير الخلفي وثاني شي تبدا تقص او تخفف نابض المخزن
بانتظارك
ابو حاتم

[فا111ول]

بعد اذنك ياصاحب الموضوع

ابو حاتم لو سمحت ابي شورك بشوزن ونشستر sx3 العاديه والا برونق ماكسوس الجديده وهل بهن مشاكل
تنصح بهن والا لا انا معي فرانشي وودي ابيعه .

[الحاتمي2006]

ياهلا بك الغالي
الونشستر خفيفه وسريعه وقليله اعطال ورميها حار
والماكسوس مو بعيده عنها لكن الافضل ونشستر ومن بعدها الماكسوس

[فا111ول]

يعطيك العافيه
لكن الونشستر افضل من الاكستريما 2

[قنا]

بحیث انه مایگون قوی حیل ویگسر ویطعج المنظم ؟! قصدگ منضم الغاز واذا هو وش علاقته بسبرنق الارجاع او سبرنق المخزن لیت تفیدنی بعلاقتهم وبالنسبه لتغییر سبرنق الارجاع راح اغیره وا فگه وادور بالمحلات نفس مقاسه واذا لقیت من المودیلات الاخری اقوی وآطول شئ يتوافق مع قوة دفع سبرنق المخزن يكون افضل بدون ماقص من شريط المخزن ولا اشرائيك !؟ نبي علاقته التناسبيه تكون شبه متوافقه بدون جبع وقص لاضرر ولا ضرار :) وراح اوافيك بالاخبار واعطیگ علم ودرجه التحسن ان وجد واخيرا الله لايهينك يبو حاتم وابيض وجه

[الحاتمي2006]

بحيث انه مايگون قوي حيل ويگسر ويطعج المنظم ؟! قصدگ منضم الغاز واذا هو وش علاقته بسبرنق الارجاع او سبرنق المخزن ليت تفيدني بعلاقتهم وبالنسبه لتغيير سبرنق الارجاع راح اغيره وا فگه وادور بالمحلات نفس مقاسه واذا لقيت من الموديلات الاخري اقوي وآطول شئ يتوافق مع قوة دفع سبرنق المخزن يكون افضل بدون ماقص من شريط المخزن ولا اشرائيك !؟ نبي علاقته التناسبيه تكون شبه متوافقه بدون جبع وقص لاضرر ولا ضرار :) وراح اوافيك بالاخبار واعطيگ علم ودرجه التحسن ان وجد واخيرا الله لايهينك يبو حاتم وابيض وجه

لا الغالي
المقصود المنظم اللي يخلي الطلقه تنزل من المخزن عشان يلقمها الترباس والمنظم ماعليه خوف
سو اللي قلت لك عليه ورد لي خبر والله يحييك

[قنا]

ابو حاتم ولایهونون باقی الربع شدیت السبرنق الخلفی وررگبته ثم رگبت سبرنق مخزن 9 مع العلم ان مخزنی یشیل 10 وضبط معی 100% والحمدلله

[ماجستر]

من هو الي لاعب عليكم ويبعكم الاستوقر بها القيمة بصراحة سوق سودا ها الاسلحة الكل يضع السعر الي في راسة والمشكلة ها الشباب الي بس ياخذ منهم ولا يعرف كم سعرها اصلا حرااام والله

[بوجهام]

اخوي ارسلي ررقمك انا عندي نفسها

[قنا]

ماجستير سلامات شكلك غادي وش ستوقر وسعر مبالغ فيه موضوعنا عن البراوننغ ومشكله فيها ماجبنا طاري اسعار او بيع وشرا الله يصلحك ركز شوب ')

[قنا]

بو جهام مافهمت قصدك بوجود نفسها عندك !؟ هل تقصد ان عندك نفس المشكله وبتستفسر ولا وشو بالضبط عشان اقدر اساعد او اخاﻻج عمري :)