المساعد الشخصي الرقمي

مشاهدة النسخة كاملة : الله على اللي يطرد الهم حسه***لاقام سواقه يعد التروسي


تبوك C.T
07/07/2013, 09:26 AM
الله على اللي يطرد الهم حسه
لاقام سواقه يعد التروسي
لعشه في نمرتن ثم جسه
يفز لو كان الجلنط محبوسي
والى احتزم بحزام امانه ومسه
ودارن كفراته بروس العكوسي
يوصل غريبن حاله البعد نسه
من دون حيانه نبن الطعوسي
ومثله وقلبي كل همن يحسه
والهم كنه بالضمير مغروسي
بدس ما بالقلب وازريت ادسه
وبجلس ولاكن ماقويت الجلوسي
على اللذي محدن خفيه يجسه
ولا واذنت لهروج خطو اللسوسي
خطوا الخسيس الي عسا الله يخسه
اللي تخرج من خبيث الدروسي
ونفسه مطاوعته على كل هسه
ودايم لسانه بالقضى تقل موسي
وخلي يدين اهل الدنس ماتمسه
نفسه رفعها عن ضعاف النفوسي
حبه بمكنون الضماير احسه
غرون عليه اطراف كبدي يبوسي
اشكي لبو عزام منه المحسه
حكيم مثله تنشكي له حسوسي
يجيلي منه الخبر او يعسه
مبطي ماجتني من طرفه عسوسي

رجعان سالم الحربي
واحد درويش
07/07/2013, 11:07 AM
بيض الله وجهك يارجعان وصح لسانك ياحربي

شاعر متمكن وقدرة فائقة على اختيار المفردات

ماشاء الله تبارك الله
واحد درويش
07/07/2013, 11:53 AM
يشرفني أن أرد ردا متواضعا على قصيدتك الرائعه

درويش وده ابدو (ن ) يعسه

ماشافه الراعي عنه محبوسي

دونه بعيد المدى ما يمسه

غير اشهبن حطت فيه الفلوسي

يكويك يالحربي شي تحسه

يبان لو كثرت عليك اللبوسي

مخطر (ن) للوقت حامي مجسه

العلم ضاع ولا لفت به عسوسي

ماكل هس(ن) يصيب ابمهسه

ولا كل رجل يجيب العلم مقيوسي

وجد حالي يوم ان الغبن مسه

بين اربع الحيطان صار محبوسي

توه صغيرن مايعرف المخسه

حاميه ربه عن صغير الدنوسي

ياكبر الخطا يومني اعسه

اجيه غدرا والشوف مخلوسي
تبوك C.T
07/07/2013, 12:37 PM
بيض الله وجهك يارجعان وصح لسانك ياحربي

شاعر متمكن وقدرة فائقة على اختيار المفردات

ماشاء الله تبارك الله

شرفني ردك واطراءك وصح بدنك


يشرفني أن أرد ردا متواضعا على قصيدتك الرائعه

درويش وده ابدو (ن ) يعسه

ماشافه الراعي عنه محبوسي

دونه بعيد المدى ما يمسه

غير اشهبن حطت فيه الفلوسي

يكويك يالحربي شي تحسه

يبان لو كثرت عليك اللبوسي

مخطر (ن) للوقت حامي مجسه

العلم ضاع ولا لفت به عسوسي

ماكل هس(ن) يصيب ابمهسه

ولا كل رجل يجيب العلم مقيوسي

وجد حالي يوم ان الغبن مسه

بين اربع الحيطان صار محبوسي

توه صغيرن مايعرف المخسه

حاميه ربه عن صغير الدنوسي

ياكبر الخطا يومني اعسه

اجيه غدرا والشوف مخلوسي





ابيت اكثر من رائعه وان شاء الله ارسلها للوالد باسمك
علي الثاني
07/07/2013, 10:10 PM
احسنت يارعي تبوك اختيار رفيع وصح لسان الشاعر رجعان
ويوجد حرفان سقطا سهوا احدهما في الشطر الاول من البيت الثاني ( ق )
والاخر في الشطر الاول من البيت الاخير ( ب )
وعز الله انة شاعر عذب المفردات تحياتي للجميع
واحد درويش
08/07/2013, 02:35 AM
شرفني ردك واطراءك وصح بدنك



ابيت اكثر من رائعه وان شاء الله ارسلها للوالد باسمك


الشرف قربك انت وامثالك ..
ولدي ملاحظة : يبدولي ياصبي حرب انك عمري من بعض المفردات التي وردت في قصيدتك .

ووالنعم فيك سواء اصاب درويش ام لم يصب
تبوك C.T
13/08/2013, 11:01 PM
الشرف قربك انت وامثالك ..
ولدي ملاحظة : يبدولي ياصبي حرب انك عمري من بعض المفردات التي وردت في قصيدتك .

ووالنعم فيك سواء اصاب درويش ام لم يصب

عوفي

قصيدتك وصلت للوالد واشاد فيها
ريف النشاما
14/08/2013, 12:32 AM
مشاء الله ... أبيات رائعة وجميلة ومعاني راقية


صح لسانك يابو حرب وصح لسان مجاريك

الكلام أنواع ... أعلاه منزلة كلام الله (إلا بذكر الله تطمئن القلوب)

ثم يليه كلام الناس ،، وهو أنواع ... كلام جميل ،، وكلام قبيح

والشعر جزء منه .. كلام ومعاني ، الجميل منه .. يجد له موضعا بالقلب .. فيسري بالعروق ... فتتلذذ به الروح .. فيحدوا به اللسان طربا


شكرا من الأعماق