سحاب نجد راعي شقراء
07/07/2013, 07:34 PM
السلام عليكم ورحمه الله وبركاته
وهذي اهديها للغالين ال رايق وراعي العجراء وخوي مخباته ولكم كلكم الله لا يحرمني منكم جميع:D
لحد يقول اما سراجين ولا ضلمى هههههههههههههههه انا مثل سحاب الصيف الا جيت جيت جميع هههههههههههههه وش اسوي لو ما احبكم ما سولفت عليكم هههههههههههههه اقول تغانمو ما جامني والله اني ذا اليومين ارقل مدري وشلي فيني قبلي احلم اني طايح في قليب ههههههههه وخاف ان الدعوا واصله وهذا الي انا اقوله ماجاكم مني مغنم على قوله الاولين ههههههههههههههه
ذكرت شي خل اعلمكم به تذكرون يالغالين منول يوم الحوسه في تعليم البنات ايام المرشد يومه رئيس تعليم البنات كان منول التعيين او النقل يعني تبي تنقل اختك او زوجتك او بنتك من جنوب الرياض لشمال الرياض او تبي تعينهن في الرياض كان من سابع المستحيلات الا برشوه وذكر مره ونا في مجلس حان ران من الرجاجيل قال واحد للثاني يبوفلان تراي لقيت الي يبي ينقل اختك من حفر الباطن للرياض بس بشرط قال ابوي انت وشو بس الشرط قال انه يقول ب 17 راتب من رواتبها يوم تقلبت وجيهنا ونحن مالنا دخل حسبنا الله وكفا ويضيق صدري انا ذيك الليله زود لاني شاري بيت في شمال الرياض وبنتي تدرررس في جنوب الرياض ومن بكرا انعزمت عند ابو حيمد وكيل الحرس كان تذكرونه ومن ضمن السواليف قال انا عجزت انقل بنتي للمدرسه الي جنب بيتي يوم ضاق صدري زود كنهم متسلطين علي هههههههههههههه وبحل بالبنت كل يوم من اقصا الشمال لقصا الجنوب ونتم خابرين الرياض وش كبره كنك مسافر ورابع يوم ويتصل علي واحد من اخواني الكبار يعنني صغير هههههههههههه وقالي ترا عندي بكرا عشا وبيك تجي قلت ان شاء الله وروح من المغرب ونا عكوز بكوز في كل شرب مركوز ههههههههههههه يعني نشبه المهم وناجالس اسولف مع اخوي مابعد جا احد جبت طاري البنت ومدرستها قال اليله يبي يجي واحد لو يصخره الله لك كان تشوف العجايب قلت منهو قال واحد من ربعي ويلقبونه ابونوره قلت في بالي ابا اقوله كم بيت لعل الله يصخره لي وروح اتمشا في الحديقه ونا ماعلمت اخوي بشي وعربد لي كم بيت وخليهن في بالي قلت ان لقحت ولا ماضرها الجمل المهم يوم تعشينا ونجلس انتسامر سواليف وتعليق ونا الي اقول طول بطني ابونوره قال سم قلت اسمع يوم سكت المجلس كله ابا اقولكم بعض القصيده مهوب كلها قلت من عرض القصيده وهذي الي جابت العيد في وجهي هههههههههههههه
تكــفا يـبـو نوره حــياتي حسيره
افــزع فــزعلك والين قـد خلقها
انخاك يراعـي الفعـول الستيره
نخوا الغريق الي يجاذب نفسها
لي مطلبن ودي يتحقق مسيره
انخاك يوم الحال كلن جحدها
ويجزاك عني والين مالي غيره
الي رفع سبعن وسبعن بسطها
طبعن هذي مقتطفات من القصيده الي مثل وجهي ههههههههههههه والزبده في الموظوع هذا كله يوم قلت تكفا يبو نوره حياتي حسيره
افزع فزعلك والين قد خلقها
وهو الي يشوش وينطل علي شماغه وعقاله ويظربني عقاله مع وجهي وهو ماقصد طبعن يوم بغيت اصيح هههههههههههههههههههههههه وهو يقولي اطلب ونا ابونوره وتحامل على نفسي قلت ياسحاب خل الصياح بعدين ههههههههههههههه ثمن قلت ابي انقل بنتي لمدرسه بشمال الرياض ونت خابر الاصابه الي في ظهري مهيب بسيطه ولا اتحمل المشاوير قال عطني اسم المدرسه وهذا الكلام كان يوم الثلاثا وباشرت بنتي السبت الي بعده في المدرسه الي ابي قولو ماشاء الله تبارك الله هههههههههههههههه نرجع لرمضان وذكرياته
اذكر منول ما تزين الالعاب والسباحين الا في الليل في رمضان ترانا منول نسبحن على بعظنا وحنا صغار الا اجتمعنا في الليل نقعد نسبحن كل واحد يجيب سبحونه وتلقانا منصتين ما يقاطع احد الثاني ونتفاعل مع السبحونه كنا عايشينها بكامل حواسنا تصدقون الاسبحن احد منا عن اهل بسم الله يعني الجن بعض المرات نقعد نصيح من الخوف من يودينا لبيوتنا ههههه ما الله حدنا على ذاالسباحين ولا جينا نروح لبيوتنا نقعد انتجاسر وشلون انتجاسر يعني يجسر بعضنا بعض ونصير متماسكين بيدينا والقوي هو الي يروح اخرنا لبيتهم وضعيف الاخير مانسمع الاركضه في السكه وهو يصيح طول بطنه من الخوف ههههههههههههه وهذا اكثر شي في رمضان ولا نلعب شرعد بعد ما كبرنا شوي تصدقون من هبالنا ان انحن وحنا نلعب شرعد ما يردنا بعض المرات الا المساجد الله لا يواخذنا وهذا طبعن مهوب زين المساجد للعباده مهيب للعب بس حنا بزور ما ندري اذكر مره قد دخلت مسجد وهم يصلون وركضي ويحجروني اهل المسجد بس فكني الله ونحشت تراي بزر بزرت عيون العدو هههههههههه اصبرو ابا اعلمكم بشي قبل انسا اكيد كلكم تعرفون المحلبيه ذيك الصفرا اصلن مانعرفها الا في رمضان هههههههههههه انتم تدرون ان انحن ناكلها بيدينا مانعرف الملاعق ههههههههههه والله العظيم اني اذكر كنا مجتمعين نسولف قال واحد تصدقون ان اهل الرياض ماياكلون الا بملعقه ونحن نقول قل والله وهو يحلف ويقول هذا كلام اخوي محمد الكبير توه جاي من الرياض ويعلمنا هههههههههههههههههههه وذكر منول الناس يخافون في الليل سكيك ظلمى ماتشوف يدك وبعض الناس ويبي يذكرونها بعض الغالين الا صارو يمشون في ها السكيك وهو لحاله تلقاه من زود الخوف يغني وهو يمشي علشان يجسر روحه مع الغنى ههههههههههه وذكر مره سمعت واحد يغني وتوزا ورا خشبه حقه الكهرب لان منول ما فيه مواصير للكهرب لا ما فيه الا خشب هذا بعد ما تطورنا بعد المهم وتوزا ورا ذيك الخشبه وهو جاي يمشي ويغني من يمي وكلخ عليه والله العظيم انه ناقز وطايح على بطنه ويقعد يون له شوي ويقوم ويلا حقني يبي يطقني بس انحشت وخليته وهو حي يرزق الان الله يعطيه طوله العمر والصحه ويمتعبه متاع الصالحين بس والله مدري عنه بعد ذا الترويعه كنه عندي استخف ههههههههه
وذكر امي جعلها في الجنه وبيي وخيي وجدي ونا بعد وش زودي ههههههههه وكل مسلم الا جا حول اذان المغرب في رمضان تعطيني امي اكل اوديه لعود في صبخه السالم وتعطيني بعد اكل لعجوزين كل يوم اروح اوديه لهم وذكر تقول لي امي جعلهافي الجنه الي في يمينك لفلانه والي في يسارك لفلانه والي معلق في رقبتك لفلان مابقا الا اني امشي على اربع من كثر الحمول تصدقون رغم الحرص اتلخبط بعض المرات وعطي كل واحد حق الثاني انسا وش اسوي لان بعظهن ماله ولا سن وبعظهن يصير باقي من سنونها واحد ولا اثنين ويقرق طبعن لحمه الحاشي او الغنم عن الدجاج هذا الي يفرق اكلهن ولا طقيت على العجز يقولن من عند الباب اقول انا يقولن يالله تحييه ادخل ونا امك الباب مجافا دزه ودخل والقاهن قويعدات على مصلا هن جعلهن في جنات عليين ترا مهنب مع بعض لا كل وحده في بيت وذكر بعد الا دخلت عليهن قالن خذ ذا المويعينات تصغير مواعين لان عندنا كلش الحمد لله صغير ومملوح واالاولين يقولون كل صغير مملوح الا فرخ الداب حتا والله فريخ الداب وش ملحه وهو صغير جعله يموت وتقول العجوز خذ ذيولي مويعيناتكم وذكر عند كل وحده حبل ممسوك في الغمى يعني في السقف ومربوطن فيه مثل شغيه النباطه نسميه المحجان وشوله المحجان نعلق فيه زبيل خوص ونحط فيه الي نخاف عليه من القطو او شين يلحسه ولا ذاك قالت حط الي معك علقه في المحجان ثمن اقعد اظحك وتقول وش فيك قلت ما اطوله انا صغيير وتقعد تظحك هي بعد وتقول ايه نسيت انك ما تطوله والله انك تقوا بدع ياوليدي وهي تظحك الناس منول ما ينسون بعظهم ويتعاوننون ويتزاورون الا ابطو عن بعض والله الناس الا هلحين والخير فيهم بس اشغال الدنيا الهتهم
ولا الخير ان شاء الله في الجميع
ابا اطلبكم طلبه تدعون لي تراي بحاجه ولو شفتوني اسولف الله اعلم بي الله لا يحرمكم الاجر ويغفر لي ولكم ووالدينا وكل مسلم ويجمعنا جميع في الفردوس الاعلى من الجنه
واخر دعوانا
لااله الا انت سبحانك اني كنت من الظالمين
وهذي اهديها للغالين ال رايق وراعي العجراء وخوي مخباته ولكم كلكم الله لا يحرمني منكم جميع:D
لحد يقول اما سراجين ولا ضلمى هههههههههههههههه انا مثل سحاب الصيف الا جيت جيت جميع هههههههههههههه وش اسوي لو ما احبكم ما سولفت عليكم هههههههههههههه اقول تغانمو ما جامني والله اني ذا اليومين ارقل مدري وشلي فيني قبلي احلم اني طايح في قليب ههههههههه وخاف ان الدعوا واصله وهذا الي انا اقوله ماجاكم مني مغنم على قوله الاولين ههههههههههههههه
ذكرت شي خل اعلمكم به تذكرون يالغالين منول يوم الحوسه في تعليم البنات ايام المرشد يومه رئيس تعليم البنات كان منول التعيين او النقل يعني تبي تنقل اختك او زوجتك او بنتك من جنوب الرياض لشمال الرياض او تبي تعينهن في الرياض كان من سابع المستحيلات الا برشوه وذكر مره ونا في مجلس حان ران من الرجاجيل قال واحد للثاني يبوفلان تراي لقيت الي يبي ينقل اختك من حفر الباطن للرياض بس بشرط قال ابوي انت وشو بس الشرط قال انه يقول ب 17 راتب من رواتبها يوم تقلبت وجيهنا ونحن مالنا دخل حسبنا الله وكفا ويضيق صدري انا ذيك الليله زود لاني شاري بيت في شمال الرياض وبنتي تدرررس في جنوب الرياض ومن بكرا انعزمت عند ابو حيمد وكيل الحرس كان تذكرونه ومن ضمن السواليف قال انا عجزت انقل بنتي للمدرسه الي جنب بيتي يوم ضاق صدري زود كنهم متسلطين علي هههههههههههههه وبحل بالبنت كل يوم من اقصا الشمال لقصا الجنوب ونتم خابرين الرياض وش كبره كنك مسافر ورابع يوم ويتصل علي واحد من اخواني الكبار يعنني صغير هههههههههههه وقالي ترا عندي بكرا عشا وبيك تجي قلت ان شاء الله وروح من المغرب ونا عكوز بكوز في كل شرب مركوز ههههههههههههه يعني نشبه المهم وناجالس اسولف مع اخوي مابعد جا احد جبت طاري البنت ومدرستها قال اليله يبي يجي واحد لو يصخره الله لك كان تشوف العجايب قلت منهو قال واحد من ربعي ويلقبونه ابونوره قلت في بالي ابا اقوله كم بيت لعل الله يصخره لي وروح اتمشا في الحديقه ونا ماعلمت اخوي بشي وعربد لي كم بيت وخليهن في بالي قلت ان لقحت ولا ماضرها الجمل المهم يوم تعشينا ونجلس انتسامر سواليف وتعليق ونا الي اقول طول بطني ابونوره قال سم قلت اسمع يوم سكت المجلس كله ابا اقولكم بعض القصيده مهوب كلها قلت من عرض القصيده وهذي الي جابت العيد في وجهي هههههههههههههه
تكــفا يـبـو نوره حــياتي حسيره
افــزع فــزعلك والين قـد خلقها
انخاك يراعـي الفعـول الستيره
نخوا الغريق الي يجاذب نفسها
لي مطلبن ودي يتحقق مسيره
انخاك يوم الحال كلن جحدها
ويجزاك عني والين مالي غيره
الي رفع سبعن وسبعن بسطها
طبعن هذي مقتطفات من القصيده الي مثل وجهي ههههههههههههه والزبده في الموظوع هذا كله يوم قلت تكفا يبو نوره حياتي حسيره
افزع فزعلك والين قد خلقها
وهو الي يشوش وينطل علي شماغه وعقاله ويظربني عقاله مع وجهي وهو ماقصد طبعن يوم بغيت اصيح هههههههههههههههههههههههه وهو يقولي اطلب ونا ابونوره وتحامل على نفسي قلت ياسحاب خل الصياح بعدين ههههههههههههههه ثمن قلت ابي انقل بنتي لمدرسه بشمال الرياض ونت خابر الاصابه الي في ظهري مهيب بسيطه ولا اتحمل المشاوير قال عطني اسم المدرسه وهذا الكلام كان يوم الثلاثا وباشرت بنتي السبت الي بعده في المدرسه الي ابي قولو ماشاء الله تبارك الله هههههههههههههههه نرجع لرمضان وذكرياته
اذكر منول ما تزين الالعاب والسباحين الا في الليل في رمضان ترانا منول نسبحن على بعظنا وحنا صغار الا اجتمعنا في الليل نقعد نسبحن كل واحد يجيب سبحونه وتلقانا منصتين ما يقاطع احد الثاني ونتفاعل مع السبحونه كنا عايشينها بكامل حواسنا تصدقون الاسبحن احد منا عن اهل بسم الله يعني الجن بعض المرات نقعد نصيح من الخوف من يودينا لبيوتنا ههههه ما الله حدنا على ذاالسباحين ولا جينا نروح لبيوتنا نقعد انتجاسر وشلون انتجاسر يعني يجسر بعضنا بعض ونصير متماسكين بيدينا والقوي هو الي يروح اخرنا لبيتهم وضعيف الاخير مانسمع الاركضه في السكه وهو يصيح طول بطنه من الخوف ههههههههههههه وهذا اكثر شي في رمضان ولا نلعب شرعد بعد ما كبرنا شوي تصدقون من هبالنا ان انحن وحنا نلعب شرعد ما يردنا بعض المرات الا المساجد الله لا يواخذنا وهذا طبعن مهوب زين المساجد للعباده مهيب للعب بس حنا بزور ما ندري اذكر مره قد دخلت مسجد وهم يصلون وركضي ويحجروني اهل المسجد بس فكني الله ونحشت تراي بزر بزرت عيون العدو هههههههههه اصبرو ابا اعلمكم بشي قبل انسا اكيد كلكم تعرفون المحلبيه ذيك الصفرا اصلن مانعرفها الا في رمضان هههههههههههه انتم تدرون ان انحن ناكلها بيدينا مانعرف الملاعق ههههههههههه والله العظيم اني اذكر كنا مجتمعين نسولف قال واحد تصدقون ان اهل الرياض ماياكلون الا بملعقه ونحن نقول قل والله وهو يحلف ويقول هذا كلام اخوي محمد الكبير توه جاي من الرياض ويعلمنا هههههههههههههههههههه وذكر منول الناس يخافون في الليل سكيك ظلمى ماتشوف يدك وبعض الناس ويبي يذكرونها بعض الغالين الا صارو يمشون في ها السكيك وهو لحاله تلقاه من زود الخوف يغني وهو يمشي علشان يجسر روحه مع الغنى ههههههههههه وذكر مره سمعت واحد يغني وتوزا ورا خشبه حقه الكهرب لان منول ما فيه مواصير للكهرب لا ما فيه الا خشب هذا بعد ما تطورنا بعد المهم وتوزا ورا ذيك الخشبه وهو جاي يمشي ويغني من يمي وكلخ عليه والله العظيم انه ناقز وطايح على بطنه ويقعد يون له شوي ويقوم ويلا حقني يبي يطقني بس انحشت وخليته وهو حي يرزق الان الله يعطيه طوله العمر والصحه ويمتعبه متاع الصالحين بس والله مدري عنه بعد ذا الترويعه كنه عندي استخف ههههههههه
وذكر امي جعلها في الجنه وبيي وخيي وجدي ونا بعد وش زودي ههههههههه وكل مسلم الا جا حول اذان المغرب في رمضان تعطيني امي اكل اوديه لعود في صبخه السالم وتعطيني بعد اكل لعجوزين كل يوم اروح اوديه لهم وذكر تقول لي امي جعلهافي الجنه الي في يمينك لفلانه والي في يسارك لفلانه والي معلق في رقبتك لفلان مابقا الا اني امشي على اربع من كثر الحمول تصدقون رغم الحرص اتلخبط بعض المرات وعطي كل واحد حق الثاني انسا وش اسوي لان بعظهن ماله ولا سن وبعظهن يصير باقي من سنونها واحد ولا اثنين ويقرق طبعن لحمه الحاشي او الغنم عن الدجاج هذا الي يفرق اكلهن ولا طقيت على العجز يقولن من عند الباب اقول انا يقولن يالله تحييه ادخل ونا امك الباب مجافا دزه ودخل والقاهن قويعدات على مصلا هن جعلهن في جنات عليين ترا مهنب مع بعض لا كل وحده في بيت وذكر بعد الا دخلت عليهن قالن خذ ذا المويعينات تصغير مواعين لان عندنا كلش الحمد لله صغير ومملوح واالاولين يقولون كل صغير مملوح الا فرخ الداب حتا والله فريخ الداب وش ملحه وهو صغير جعله يموت وتقول العجوز خذ ذيولي مويعيناتكم وذكر عند كل وحده حبل ممسوك في الغمى يعني في السقف ومربوطن فيه مثل شغيه النباطه نسميه المحجان وشوله المحجان نعلق فيه زبيل خوص ونحط فيه الي نخاف عليه من القطو او شين يلحسه ولا ذاك قالت حط الي معك علقه في المحجان ثمن اقعد اظحك وتقول وش فيك قلت ما اطوله انا صغيير وتقعد تظحك هي بعد وتقول ايه نسيت انك ما تطوله والله انك تقوا بدع ياوليدي وهي تظحك الناس منول ما ينسون بعظهم ويتعاوننون ويتزاورون الا ابطو عن بعض والله الناس الا هلحين والخير فيهم بس اشغال الدنيا الهتهم
ولا الخير ان شاء الله في الجميع
ابا اطلبكم طلبه تدعون لي تراي بحاجه ولو شفتوني اسولف الله اعلم بي الله لا يحرمكم الاجر ويغفر لي ولكم ووالدينا وكل مسلم ويجمعنا جميع في الفردوس الاعلى من الجنه
واخر دعوانا
لااله الا انت سبحانك اني كنت من الظالمين