محمد الظاهري
08/07/2013, 11:06 AM
بسم الله الرحمن الرحيم
السلام عليكم ورحمة الله وركاته
اخواني
اعضاء وزوار ومشرفين منتديات مكشات
حياكم الله في سالفه من سولفنا للمؤروث
هاذي السالفه رواها احد الروات المعروفين والمقلين في الاعلام
لااطيل عليكم واترككم مع هالسالفه
واتمنى انها تحوز على رضا الجميع
يقولن كان فيه رجال وماصفاله بالحياة الا اخوه اصغر منه
والصغير حياته على التجاره وهو يصرف على اخوه الكبير
يروح للشمال واكثر مايروح للعراق كان يسمونها النهرين ويتاجر بكل شي
والله مرزقه ومقدر عليه رزقه
مرت السنسن والصغير يلح على اخوه الكبير ويقوله تزوج ياخوي وانا اتكفل بكل شي
رفض الرجال لكن اخوه اصر الا تتزوج وتكمل نص دينك
وافق الرجال واخوه الصغير قام يشتغل زياده ويسافر ويجمع الفلوس لخوه
والحمد لله جمع الي كتب له الله وتزوج الرجال وبيتهم واحد وعاشو حياتهم والتاجر الصغير هو الي يصرف بأمور البيت وامور اخوه وزوجته
ومرت السنسن وورها سنسن والزوجه كل يوم تكره اخو زوجها وفيها حقد زايد عليه
عشان ساكن بالبيت معهم بس الرجال ما جاه عيال على ما اذكر بالروايه انه ماجاه شي
من عيال
وفيه يوم من الايام قال الرجال انا ابي اسافر كم اسبوع واجي
وانتبهي لفلان مع انه جال كبير قالت ان شالله وتروح وترجع لنا بالسلامه
ومن هاك اليالي راحت الزوجه يوم اخوه واغوها الشطان
لكن الرجال عصب عليها وطردها من غرفته وهي خافت وراحت
وبعد كم يوم وصل زوجها وهي خافت من اخوه انه يعلم زوجها لكن هي الي راحت وقالت له
اخوك الي فيه مافيه هاذا مصار وهذا مصار
عصب الرجال على اخوه ويروح يمه ويضربه وطرده من البيت لكن الصغير سكت
مايبي يخرب بيت اخوه وطع من البيت
وهو ضايق صدره ما يدري وين يروح وفي يوم من الايام بوسط السوق
والا هاك القافله الي تشد على ركايبها تبي العراق وهو يعرفهم حسب تجارته للعراق ويعرف كم
واحد من تجارته وهو يروح معهم للعراق ويوم وصلو للعراق ويروح لخويه من التجار ويعرفه
عز المعرف ويعلمه بالسالفه كلها بالي صار بينه وبين اخوه
وبعد كم يوم يخطب من خويه وزوجه
ورزقه الله بالعيال وكبرو
وخوه الثاني يدري انه بالعراق وانه تزوج وصار من اكبر التجار وعنده عيال يسمع الكلام من القوافل الي تروح وتجي للعراق
وهوكل يوم حالته اردى من الي قبلها وجلس على بصاط الفقر من يوم طرد اخوه هو الي كتن يصرف على اخوه والبيت
وفيه يوم من الايام تهاشو الرجال وزوجته وتقوله حنا على فقر دور لك شي تشتغل فيه وهو صار شايب
قال وين اشتغل الله يذكر فلان بالخير ياليتني ما طرته
قالت ايه والله انا وين بليته بنفسي وكذبه (قالتها عفويه )
انتبه الرجال لكلامها وقال وش تقولين
قالت ما اقول شي وهو الي يضربها لين قالت الحقيقه
قالت فلان ماجاني ولا قرب لي انا الي رحت وهو طردني وعلمته بالسالفه كلها
والا الرجال الي انصدم من نفسه وظلم اخوه طلق زوجته وطرتها من البيت
وهو يروح يسئل تجار الديره متى تروح قافله للعراق يبي يروح عند اخوه ويتسامح منه
قالو له ماحولك مراح قبل كم يوم مشت القافله ويبيلك شهرين على ما يروحون ويبون يقعدن لهم كم يوم وعقبها يجون
انقهر الرجال من الي سوها باخوه
وبعد شهرين جت القافله وهو يشغل كبيرهم متى روحتكم الثانيه يا الربع
قال تونا جايين من العراق اذا خلصت البضاعه الي عندنا نجتمع ونقرر متى الروحه
وبعد سنه قرر كبير القافله انه يبي يروح والرجال راح معهم يبي اخوه الي ظلمه
ويوم وصلو بغداد بالمساء يسئل عن اخوه لكن ما احد يعرفه زين
وهوينام هاك الليل عند واحد
ويوم اصبح الصبح يدخل السوق ويسئل واحد عن اسم اخوه وقال ايه فلان اعرفه قال اسئلك بالله تعلمني وينه ابي اشوقه قال وش تشوف
قال اخوي قال سمعت انه توفى اليوم الصباح ويبون يصلون عليه عقب صلاة الظهر بالمسجد الفلاني
والا الرجال الي يصيبه صدمه ما يدري وش يسوي والمسجد بعيد عن السوق
وهو يروح لها مشي ويسئل عن المسجد ويوم وصل للمسجد ولا خلصو من الصلاة وطلعو الجنازه
وو ينطحهم ويسئل واحد من الي يمشون بالجنازه ويقول من الرجال هاذا قال هاذا فلان بن فلان
وطلع اخوه
وهو الي يطيح عليهم واخذوه عيال اخوه وما يدرون انه عمهم هالرجال
ومن بكره قام من الصدمه الي فيه وعلمهم انه اخوه وانه هو عمهم وعلمهم بالسالفه كلها
لكن فيه قصيده طويله تتكلم عن سالفتنا واحدثها قالها اخوه ويرثي فيها عن اعز من فقد
واعذروني اذا حصل اي تقصير بالسالفه
كتبتها لكم على عجل
واتمنى انها تحوز لكم
وانتظروني بسالفه قادمه بأذن لله
محبكم
مــــــــــحمــــد الظــــــاهـــري
السلام عليكم ورحمة الله وركاته
اخواني
اعضاء وزوار ومشرفين منتديات مكشات
حياكم الله في سالفه من سولفنا للمؤروث
هاذي السالفه رواها احد الروات المعروفين والمقلين في الاعلام
لااطيل عليكم واترككم مع هالسالفه
واتمنى انها تحوز على رضا الجميع
يقولن كان فيه رجال وماصفاله بالحياة الا اخوه اصغر منه
والصغير حياته على التجاره وهو يصرف على اخوه الكبير
يروح للشمال واكثر مايروح للعراق كان يسمونها النهرين ويتاجر بكل شي
والله مرزقه ومقدر عليه رزقه
مرت السنسن والصغير يلح على اخوه الكبير ويقوله تزوج ياخوي وانا اتكفل بكل شي
رفض الرجال لكن اخوه اصر الا تتزوج وتكمل نص دينك
وافق الرجال واخوه الصغير قام يشتغل زياده ويسافر ويجمع الفلوس لخوه
والحمد لله جمع الي كتب له الله وتزوج الرجال وبيتهم واحد وعاشو حياتهم والتاجر الصغير هو الي يصرف بأمور البيت وامور اخوه وزوجته
ومرت السنسن وورها سنسن والزوجه كل يوم تكره اخو زوجها وفيها حقد زايد عليه
عشان ساكن بالبيت معهم بس الرجال ما جاه عيال على ما اذكر بالروايه انه ماجاه شي
من عيال
وفيه يوم من الايام قال الرجال انا ابي اسافر كم اسبوع واجي
وانتبهي لفلان مع انه جال كبير قالت ان شالله وتروح وترجع لنا بالسلامه
ومن هاك اليالي راحت الزوجه يوم اخوه واغوها الشطان
لكن الرجال عصب عليها وطردها من غرفته وهي خافت وراحت
وبعد كم يوم وصل زوجها وهي خافت من اخوه انه يعلم زوجها لكن هي الي راحت وقالت له
اخوك الي فيه مافيه هاذا مصار وهذا مصار
عصب الرجال على اخوه ويروح يمه ويضربه وطرده من البيت لكن الصغير سكت
مايبي يخرب بيت اخوه وطع من البيت
وهو ضايق صدره ما يدري وين يروح وفي يوم من الايام بوسط السوق
والا هاك القافله الي تشد على ركايبها تبي العراق وهو يعرفهم حسب تجارته للعراق ويعرف كم
واحد من تجارته وهو يروح معهم للعراق ويوم وصلو للعراق ويروح لخويه من التجار ويعرفه
عز المعرف ويعلمه بالسالفه كلها بالي صار بينه وبين اخوه
وبعد كم يوم يخطب من خويه وزوجه
ورزقه الله بالعيال وكبرو
وخوه الثاني يدري انه بالعراق وانه تزوج وصار من اكبر التجار وعنده عيال يسمع الكلام من القوافل الي تروح وتجي للعراق
وهوكل يوم حالته اردى من الي قبلها وجلس على بصاط الفقر من يوم طرد اخوه هو الي كتن يصرف على اخوه والبيت
وفيه يوم من الايام تهاشو الرجال وزوجته وتقوله حنا على فقر دور لك شي تشتغل فيه وهو صار شايب
قال وين اشتغل الله يذكر فلان بالخير ياليتني ما طرته
قالت ايه والله انا وين بليته بنفسي وكذبه (قالتها عفويه )
انتبه الرجال لكلامها وقال وش تقولين
قالت ما اقول شي وهو الي يضربها لين قالت الحقيقه
قالت فلان ماجاني ولا قرب لي انا الي رحت وهو طردني وعلمته بالسالفه كلها
والا الرجال الي انصدم من نفسه وظلم اخوه طلق زوجته وطرتها من البيت
وهو يروح يسئل تجار الديره متى تروح قافله للعراق يبي يروح عند اخوه ويتسامح منه
قالو له ماحولك مراح قبل كم يوم مشت القافله ويبيلك شهرين على ما يروحون ويبون يقعدن لهم كم يوم وعقبها يجون
انقهر الرجال من الي سوها باخوه
وبعد شهرين جت القافله وهو يشغل كبيرهم متى روحتكم الثانيه يا الربع
قال تونا جايين من العراق اذا خلصت البضاعه الي عندنا نجتمع ونقرر متى الروحه
وبعد سنه قرر كبير القافله انه يبي يروح والرجال راح معهم يبي اخوه الي ظلمه
ويوم وصلو بغداد بالمساء يسئل عن اخوه لكن ما احد يعرفه زين
وهوينام هاك الليل عند واحد
ويوم اصبح الصبح يدخل السوق ويسئل واحد عن اسم اخوه وقال ايه فلان اعرفه قال اسئلك بالله تعلمني وينه ابي اشوقه قال وش تشوف
قال اخوي قال سمعت انه توفى اليوم الصباح ويبون يصلون عليه عقب صلاة الظهر بالمسجد الفلاني
والا الرجال الي يصيبه صدمه ما يدري وش يسوي والمسجد بعيد عن السوق
وهو يروح لها مشي ويسئل عن المسجد ويوم وصل للمسجد ولا خلصو من الصلاة وطلعو الجنازه
وو ينطحهم ويسئل واحد من الي يمشون بالجنازه ويقول من الرجال هاذا قال هاذا فلان بن فلان
وطلع اخوه
وهو الي يطيح عليهم واخذوه عيال اخوه وما يدرون انه عمهم هالرجال
ومن بكره قام من الصدمه الي فيه وعلمهم انه اخوه وانه هو عمهم وعلمهم بالسالفه كلها
لكن فيه قصيده طويله تتكلم عن سالفتنا واحدثها قالها اخوه ويرثي فيها عن اعز من فقد
واعذروني اذا حصل اي تقصير بالسالفه
كتبتها لكم على عجل
واتمنى انها تحوز لكم
وانتظروني بسالفه قادمه بأذن لله
محبكم
مــــــــــحمــــد الظــــــاهـــري