المساعد الشخصي الرقمي

مشاهدة النسخة كاملة : رديتر السيارة يعبي هواء


مسافر بلا عنو
09/07/2013, 02:12 AM
بسم الله الرحمن الرحيم

كل عام وأنتم بخير بمناسبة قدوم شهر رمضان المبارك

عندي مشكلة في الهايلوكس ظهرت قبل أربعة أيام وهي

لما امشي بالسيارة مشوار بسرعة 100 إلى 120 ترتفع حرارة السيارة على الربع وفي البلد ماترتفع مع أنها قبل فترة ما كانت ترتفع أبداً علماً اني مغير الرديتر قبل ثلاث أشهر أصلي وكااااااالة

المهم رحت للمكانيكي قالي السيارة مافيها شيء كل شيء تماااام

قالي المشكلة إن الرديتر عندك يعبي هواء فقط ولما احط يدي على خرطوش الماء اللي فوق اللي يدخل في الرديتر احصله قاااااااسي شوي وينفجر

السؤال :: كيف أقضي على هذه المشكلة في السيارة علماً ان السيارة هايلوكس 97
ابو ساره العنقري
09/07/2013, 02:38 AM
هلا بك اخوي

اول شي تاكد من البلف يفتح ويقفل كويس ولا لا

وشيك علي غطا الاديتر يمكن يهرب هوا والافضل تغيره اصلي

وعبي المويه نفس طريقتي شف كتبتها بموضوعي تحت موضوعك مباشره
مسافر بلا عنو
09/07/2013, 08:24 AM
هلا بك اخوي

اول شي تاكد من البلف يفتح ويقفل كويس ولا لا

وشيك علي غطا الاديتر يمكن يهرب هوا والافضل تغيره اصلي

وعبي المويه نفس طريقتي شف كتبتها بموضوعي تحت موضوعك مباشره

قرأت الموضوع الله يبارك فيك

بس كيف عبيت الرديتر ماء هل بالجالون أو بالخرطوش يعني بالماء المندفع من الصنبور
ابو ساره العنقري
09/07/2013, 10:18 AM
لا عبيته بالجالون ووسع صدرك عليه يبيله وقت

وكل شوي هز الخرطوش علشان يدخل الما ويطلع الهوا تدريجي
أبو اريام
09/07/2013, 12:18 PM
ياخي فيه مشكله الكل يغفل عنها وما ادري هل هو صحيح او لا
اللي هي تركيب البلف
البلف يجي فيه فتحه صغيره في الطرف ووضعها بالاتجاه الخاطئ يسبب تبخير وهواء وعلى حسب ما سمعت ان الفتحه لازم تكون في الأسفل
اللي عنده معلومه عنها يفيدنا
العمرالحزين
11/07/2013, 03:14 AM
أخي الكريم عندك مشكلة في المروحة
المروحة اذا هي تماتيك فيه زيت خاص تلقاه في الوكاله صغير مثل معجون الاسنان
اشتري علبتين 30 ريال وفك المروحه والتماتيك وصب العلبتين وادعي لي.
شايب حرب
11/07/2013, 06:13 AM
شيك على سير المروحه يمكن محلول
محمدعبدالمجيد
11/07/2013, 01:35 PM
ممكن من وجه الراس انت عب الرديتر موية فل وخ الرديتر مفتوح وشوف اذا تطلع فقاعات هوا عبي موية وخل بالك طويل يعني حول 5 دقايق كل ما نقص زيده اذا الفقاعات ما راحت يكون وجه الراس ينسم ويحتاج فك الراس وتغيير الوجه
Fahood4800
13/07/2013, 07:12 AM
نفس كلام محمد عبد المجيد والله اعلم اذا القربه دايم تتعبا ويخلص المويه الي في الاديتر بستمرار اكيد وجه راس
المستحيل277
14/07/2013, 02:19 AM
هلا اخوي اسمع اشتر لك غطا. اصلي للديتر واذا وقفت موترك تبي تنام فك الغطا القديم واحذفه واليا شبعت نوم عبي الديتر ماء وركب الغطا الجديد وفالك البيرق