مرض السويرج

[الوعل2]

اخواني الكرام .. السلام عليكم ورحمة الله وبركاته


فيه مرض منتشر بالصقور يسمونه مرض السويرج وهو مرض في ريش الطير هل يوجد له علاج او احد عالج طيره من السويرج ياليت يفيدنا بمعلومات دقيقه وصحيحه ومجربها بنفسه ..لكي يستفيد الجميع




والله ولي التوفيق ومشكورين

[قنا النفود]

تاكد من حاله المدهنه انا كانت سليمه او يبيله دق والعلف ان كان فيه نسبه شحم زايده

[الوعل2]

مرحبا اخوي قنا المدهنه سليمه
والعلف ممتاز مافيه شحم ومنوع علفها
(جربوع،جرثي،حمام بري،سمان)
مافيه اي ظرر

[قلب ذيب]

السويرق . هو نقص الكالسيوم ( الحديد ) عند الطير , من الافضل عرض الطير على البيطري .

[جلاد الحباري]

تاكد من حاله المدهنه انا كانت سليمه او يبيله دق والعلف ان كان فيه نسبه شحم زايده



الله يرحم والديك ترى فاهم الموضوع خطأ المدهنه مالها شغل بالمرض ,,,,,,

يعتبر مرض السويرق من اصعب الامراض التي واجهت الصقاقير بل عجزت عن حله وقيل ان هناك اجتهادات من الشيبان الاولين انك ترش الطير يوميا على ظهر ونحره بماء البحر وفيهم اللي قال تعطيه جرو ثعل ما بعد فتح وفيهم اللي قال صد قنفذ وأصلخ جلده وقالوا امور واجد ولكن حكم التجربه هي التي تفصل هذه الفوارق والمرض بعضه يجيب برص كامل وبعضه يطيح الريش ويلويه تقل حامسه بنار وانا اتوقع ان كان فيه حل لهذا المرض فهو لايتعدى شخصين اولهم العويدي والثاني الدكتور البراء عثمان

[عبدالرحمن بن ذياب]

السويرق : هو مرض نقص الكاليسوم من جسم الطير
ولو تلاحظ ان الطيور اللي تصاب بها المرض بيتيات
ما تلاقى وحش أصيب به و السبب ( أشعة الشمس )
فهي مصدر الكالسيوم الأول المقوي للجلد و العظام و الريش في كل الكائنات
إذا الطير معزول عن الشمس بتلاقي فيه مرض السويرق ( السويرج )
ويا ليتك مصور لنا ريشة الطير نشوف و نعطيك العلم الأكيد
و سبق لمشرفنا القرناس المهاجر أن أصيب طير من طيوره بمرض السويرق
بسبب عدم تعرضه يومياً لأشعة شمس كافيه خلال فترة مقيضه





بالفعل السويرق 90% من اسبابه



هو عدم توفر الشمس وعدم تنوع العلف
وكذلك العين لهادور في هذا الشي
وهو يشبه السرطان أعاذنا الله وإياكم منه .. لآعلاج له


كان عندي طير قديم قرنسته بإحدى غرف الشقه :good2:
( لاشمس فيها بارده 24ساعه وإ 12 شهر ) من زود المحبه والحرص ههههه


لكن تفاجئت بالكارثه في نهاية القرنسه
رجع الريش يطيح من جديد وهكذا كلما طلعت طاحت
ماخليت مدينه ولاطبيب إلا جيته وفي الأخير مات وهو ماطار


لكن فيه رجال اذكره اول ماحس انه السويرق
اطلق الطير وصراحه تحسن لأني لقيته وطرحته
لقيت ريشه طلع دفعه واحده سبحان الله
لكن مدري بيتم وإلا لا .. لأني فكيته من وقته
والطيور في خلاها ماتصاب بهذا المرض


هذا مالدي .. وشكراً لصاحب الموضوع :)

[الوعل2]

مسا الخير

عندي صور للطير اللي اصيب بالسويرج بس ياليت احد ينزلها لي يراسلني علي جوالي من شان ارسلها له واتس اب وهو ينزلها
وثانيا ابي رقم الدكتور البرا عثمان ..تكفوووون

[عبدالرحمن بن ذياب]

رقم الدكتور موجود بأعلى القسم في موضوع مثبت تواصل معه
و رقمي ابرسله لك على الخاص

[جلاد الحباري]

فيه طريقة سألت واحد من الربع ويقول نجحت معه وهي حاجتين
الاولى تسبح الطير بماء البحر وتتركه لين ينشف بالمره وبعدها تبخ عليه ماء صافي ولازم ماء البحر يوصل للجناح من بطن وقفى
الثانيه لابد من وجود فيتامين مساعد مع العلف

هذي من واقع تجربه من شخص ابخصه مضبوط واذا تبي رقمه ارسله لك وتاخذ العلم من راسه والله يوفقك

[الوعل2]

سلام عليكم ورحمة الله وبركاته اخوي بيض الله وجهك ولاهنت علي كل حال وانت مصدق وكلامك ثقه بس ياليت ترسلي رقمه استفسر عن امور تخص المرض هذا..ولاهنت علي كل حال