المساعد الشخصي الرقمي

مشاهدة النسخة كاملة : غيرت لديتر المكيف وبعدها صار حآآآآآآآآآآر - الموتر هايلوكس


abu.abdallah
09/07/2013, 02:20 PM
بسم الله الرحمن الرحيم

السلام عليكم ورحمة الله.. حياكم الله إخواني الأعزاء المكشاتيين..

الله يعدي عني وعنكم الشر حصل لي حادث بسيط بمقدمة السيارة مما سبب في كسر لديتر المكيف ولديتر المكينة والحمدلله على كل حال.

غيرناهن وعبيناهن وعبيت فريون بقرابة 300 ريال، لكن للأسف الشديد المكيف جدا سيء ومايبرد زين وخصوصاً وانت واقف، وخبركم هالمكيف مع حر الرياض مايوقي ابد،، كرهت الموتر صراحة (:

ماهو الحل؟ ووين أفضل محل لتزبيط المكيفات وتعبئة فريون محترم؟ وماهو أفضل نوع للفريون؟ وهل سترجع السيارة لمثل حالة الوكالة؟

جزاكم الله خير والمعذرة ع الاطالة...

* ملاااااحظة: الموتر هايلوكس 2007 ، واللديتر تجاري -مع اني اظنه مايفرق-

والله يحفظكم
اسدهم
09/07/2013, 02:34 PM
طيب نقول ممكن من الرديتر عشانة تجاري رح لتشليح وتحصل بس..... انت يوم تعبي الفريون. عبيت زيت. حق المكيف
.. PATROL ..
09/07/2013, 04:08 PM
مالها دخل اذا كان الرديتر تجاري او اصلي
SGL
10/07/2013, 12:51 AM
وعليكم السلام ورحمة الله وبركاته والحمدلله على السلامة أخوي
أبيك تتأكد هل الفريون الي حطه أمريكي ولا صيني إذا صيني الله يعينك روح عبيه من جديد فريون أمريكي ثاني شي أبيك تشيك ممكن يكون الفريون ناقص أو زايد وشيك على كلتش المروحة شوفه شغال تمام ممكن يكون خرب بعد الحادث وذا كله مضبوط شوفلك كهربائي تمام وخله يكشف على الحساسات واحد يركب على ماأعتقد في علبة الفريون الي شكلها مثل أنبوبة الغاز وفي حساس يركب عند رديتر المكيف بس مدري موجود في الهايلكس ولا ماهو موجود
شايب حرب
10/07/2013, 02:21 AM
افضل نوع فريون الامريكي

اعتقد ان المشكلة من الاديتر التجاري لانه يسخن

ركب اديتر حق الوكالة جديد او من التشليح وان شاء الله تنحل المشكلة
راعي الرود
10/07/2013, 03:41 AM
راديتر المكيف ماله دخل تجاري ولا اصلي كلها تأدي نفس الغرض من تجربه على 3 سيارات اغير تجاري ولا فيه الا العافيه ولو تشتري واحد من التشليح ماتستفيد لانك بيكون متوصخ من جوا و اهم نقطه في راديتر المكيف النظافه من الداخل

بس انت يمكن مع الحادث صار بما انه وصل للراديتر تأثرت خراطيش المكيف اللي طالعه من راديتر المكيف بعضها ممكن حصل فيه تنسيم

اول شيء لازم تقيس مستوى الفريون دامك توك معبيه رح ورشه وخله يعاير الفريون ناقص ولا مضبوط اذا زين فالمشكله ماهي تنسيم

و شغل المكيف و حط يدك على ماصوره البارد اللي جايه من الكمبرسر تأكد هي بارده ولا لا