المساعد الشخصي الرقمي

مشاهدة النسخة كاملة : طلب المشوره باختيار برادو أو باثفاندر. 2013


المشط
10/07/2013, 02:54 AM
السلام عليكم ورحمة الله وبركاته ،،

مبارك عليكم الشهر وجعلنا الله وإياكم من صوامه وقوامه وتقبله منا ومنكم بذنب مغفور وعمل مقبول اللهم آمين .

الكتاب من العنوان شوركم يالربع بما أن اسعار السيارات متجه لنزول. محتار بين
برادو 2013 اليحيى v6 ولو حصل الكويتي بعد احسن و باثفاندر الجديد 2013
وحسب بحثي بالنت وجدت السلبيات والايجابيات وقلبت مخ ، طبعا هدفي الأساسي سيارة تخدمني ولينة المراتب وليست بوعره بالخطوط وبجودة وبعمر وقطع غيار ووكيل قوي ، عيب النيسان الوكيل والسيارة جديدة وأكيد بها عيوب مصنعية خاصة CVT والتعليق إذا سخن. ، والبرادو ارتفاعه ما عجبني وعيبه سعره المرتفع لكن موووتر ويجيب سعر بالبيع ويكفيك سمعته . شووورك
هل بتقوى نيسان بالوكيل الجديد وتنافس أبو جميل تويوتا ؟
رجاء خاص من الأخوة ترك التعصب على جنب
للمعلومية أخوكم موب راعي طلعات بر كثير ولا هوب راعي هبال ومقاوم شغل شيبان بالسياقه

وفي أمان الله وحفظة .
..D7oom
11/07/2013, 04:39 AM
مبارك عليك الشهر اخوي

بالبدايه انا مثلك كنت ناوي اشتري سياره وفكرت بالبرادو وماعجبتني ركبتها ولا الفورتشنر (فورتنر)
والي بعتها باثفندر واخيرا شريت لاندركروزر.

لاكن انت ليش ما حطيت خيارات لك غير الباث والبرادو ؟

عموما البرادو افضل لان الباث مشاكله اكثر وقطع غيارالبرادو ارخص وابوجميل افضل من غيره.
AbdulAZiz M
15/07/2013, 12:12 PM
اول شيء السيارتين فئتين مختلفتين

الباثفيندر من فئة crossover ،، سيارة مدينة اكثر شيء
البرادو luxury suv سيارة رياضية للطرق الوعره

البرادو امتن واجود وارخص قطع غيار ،، بالإضافه إلى أن القطع متوفرة في الوكالة والتشليح بعكس الباثفيندر سيارة جديدة قد تكون قطعها غير متوفرة حالياً في الوكالة ،، والتشليح اكيد غير موجودة

الباثفيندر قد يتفوق في الراحه في السفر والعزل
ksaboss
15/07/2013, 01:27 PM
الباثفايندر الجديد ركبته قبل فترة. الموتر تغير كثيييير و صار من السيارات اللي تميل للفخامة و النعومة غير الموديلات السابقة لدرجة اني رجعت خلف السيارة اتأكد من الاسم هو باثفايندر او سيارة ثانية.

اقصد بكلامي انك ما تقارنة بالبرادو لكن تقارنة بالمازدا سي اكس و الفورد ايج

تلقى على اليوتيوب مقطع لحسن كتبي تقارن فيه بين الباث الجديد و المازدا و سيارة ثالثة نسيتها يمكن تستفيد من المقطع

بالتوفييييق
ابو حسان الجنوبي
15/07/2013, 02:31 PM
من واقع تجربة الباثفيندر الجديد فاشل بمعنى الكلمة

والوكيل أسواء

سيارتي نيسان واعرف معنى كلامي هذا زين

خذ البرادو ونصيحة وارد الكويت لا تفوته الي يجي أسبيرة علاق
شاص
15/07/2013, 02:50 PM
البرادو أفضل .. وإذا وصلت سعر البرادو ليش ماتفكر بالباترول SE طبعا 320 حصان أو فكر بالتاهو أرخص منهم
المشط
19/07/2013, 01:04 PM
بيض الله وجيهكم يالنشامى
المسافرالقديم
19/07/2013, 08:17 PM
البرادو طال عمرك وان كان يعيبه ارتفاعه وخطورته ،، وان قدرت تضغط على نفسك اكثر وتشتري لاند حتى لو مستخدم استخدام خفيف افضل من البرادو لن البرادو عيبه سرعة الانقلاب ، وانا والله بنفسي اللي شايل سواق برادو منقلب جهة النعيرية ومسعفه وموديه للمستشفى
او مثل ما قالو الشباب اشتر لك تاهو ، له معي سنتين ، عز الله انه موتر ، في الخط مريح وفخامة وخربات قليلة ومكيف ثلج وفوق هذا منظره احسن من البرادو وسعره طيب ويمسك سعره