مشكلة في قير الباترول

[nasser99]

انا عندي مشكلة في قير الباترول فتك موديل 2009
عند ما اوقف واحط القير على P ما يظهر على الشاشة الي في الطبلون ( احيانا )وف هذه الحاله لازم ارجع القير R او N وبعدين اعشق ب P وبعدين يظهر على الشاشة ، واذا طفيت الموتر والP ما ظهر على الشاشة وجيت اشغله بعدها ما يشتغل لازم ارجع القير على N واشغل يشتغل .( للمعلومية القير ما فتح والدفرنس القدام جته ضربت حصاه وسببت طعج فيه وغيرة الجرم حق الدفرنس )
وياليت تدلوني على ورشة بالقصيم اروح تحل لي هالمشكلة

[ابوسند9]

اخوي
مسئلة ان الاوضاع مره تظهر على الشاشه ومره لا ,,لا تخاف ما عندك مشكله الفتك كله كذا وانا سيارتي من سنين كذا
اما قولك ان احينا ما يشتغل اذا كان بوضع p ولازم ترجعه ل n حاول بهذي الحاله وهو بوضع p انك تدق القير بيدك للامام من شان التامين وتسمع صوت القفل وتجرب
اما الدفرنس ماله دخل بالمشكله وعلى العموم الطعج يتعدل مهما كان الطعج بدل تغيير الجرم ويكلف بحدود 400 ريال
طبعا اذا تبغى ورشه بالقصيم عندك ورشة محمد العثيم ببريده او يوسف الخضير بتشاليح بريده
وعلى العموم القير عندك سليم
والله يسهل امرك