اسعد الله صباحكم .. لاهنتو رأيكم يهمني في مشكلة في الشاص

[راعي طخيمان]

السلام عليكم ورحمة الله وبركاته
وشهر مبارك على الجميع جعلنا الله واياكم من المقبولين

لاهنتو يالربع عندي مشكلة في الشاص 2010 الا وهي كنت ماشي ومالي من الشيطان طاري و وتفاجأت الا وطلع صوت بدون اي مقدمات صوت طقطقة في جهة الكفر الأمامي الايمن وما يطلع هالصوت الا اذا لفيت يمين واسمع صوت طق طق طق الين اعدل الدركسون
طبعا ما يطلع صوت وانا واقف فالو تكرمتو اهل الخبرة ودي اعرف وش المشكلة هل هي من الرمان او الركب علماً اني صارلي فترة طويلة ما شحمت ... لاهنتو الله يجزاكم عني خير

[Abukhaled-503]

والله اعلم يالغالي انه من الذراع رح مكان ماحوله احد وخل الموتر يمشي بواحد وانزل ترصد له

[راعي طخيمان]

جعل ربي يحييك حياة طيبه الموتر وهو يمشي ما فيه الا العافية
لكن وقت ما الف الطارة يمين يطلع صوت الطقطقة
حتى امشي على مهدي ومسرع على مطب او بطناج ما يطلع له حس

[sgl2002]

طيب بالدبل يطلع الصوت اكثر؟

اخاف واحد من العكوس

[Fahood4800]

شيك علي فحماتك اذا الصوت خفيف وذا قوي اشبك دبل وديور يمين يسار اذا زاد فهي واحد من العكوس وقبل اي شي مر الميزان خل يفحص الاذرعه والراميمن اذا كويسه بالتوفيق ون شاء الله بسيطه