المساعد الشخصي الرقمي

مشاهدة النسخة كاملة : ماصورة منتريال ياباني


ابوحسام9
12/07/2013, 01:36 AM
يشباب مبروك عليكم الشهر عندي استفسار عن ماصورة منتريال ياباني 32 وشرايكم فيها من جميع النواحي ارجو من لدية الخبرة افادتي لان فية ماصورة وخايف تروح علي ولكم مني جزيل الشكر
بيكال الوشم
12/07/2013, 02:31 AM
اول شي اول شي
كم سعرها ؟
و هل هي كروم او ستيل ؟
و هل هي نظيفه او اخت الجديدة او مكدودة ؟

محد يقدر يفيدك الا بعد جوابك على هالأسئلة

و من ناحية المواصير فالمواصير فيه من المنتريال شي مسكت و شي ما يسوا ١٠٠٠
ماهي كل ماصورة منتريال وخر عن دربها يا بعدي

اخوك ....
ابوحسام9
12/07/2013, 05:15 AM
ياخوي الماصورة استيل ونضيفة لاكن السعر مااعلم عنة
المتلولس
12/07/2013, 06:05 AM
الكروم افضل من الاستيل نصيحة لاتاخذ ماصورة مستعمله الا انت مجربها
بيكال الوشم
12/07/2013, 12:55 PM
ما شاء الله
طيب ما ينقصك الا تجربها ، ان كانها مرهمه على شوزن من قبل و الترهيم يطبق على شوزنك فركبها على شوزنك انت و جربها لا تجربها بشوزن غيرك

لا تشتري قبل تجرب و تشوف تنظيم الحلبي
اول شي جربها على لوح فلّين على مسافة لا تقل عن ٣٥ متر و شف تنظيمها وشلون
و بعدها جربها على جيلون ٤ لتر على مسافة ٣٥ متر و شف كم حلبيه تخترق الجيلون مع ان هالشي لا يدل على حرارة الماصورة لكن من باب الإحتياط .
لكن التجربه الفعليه الحقيقية بعد ما تشوف تنظيمها على لوح فلّين يليه التجربه على ( اللحم )
رح لمقطاع حمام و جربها على الطير
ان كانها اطربتك فتوكل و ان كانها ما اطربتك فالمواصير واجد .
فالتجربة على لوح الفلّين تفيدك عن الماصورة و حلبيها وين يروح هل هو يهفي او يزم او الترهيم مهب مضبوط تلقاها تحذف يمين ولا يسار .

و سعرها يا بعدي ما يتعدا ٧٥٠٠ الا ٨٠٠٠ اذا هي نظيفة بالحيل
والله الموفق .

اخوك ....
فتى باريس نجد
12/07/2013, 01:51 PM
اخوي شف عن ضوق الماصوره ترى الضيقه صعب تمسك هواه
ابوحسام9
13/07/2013, 04:30 PM
اشكر اخواني على تشريفكم ولكم مني جزيل الشكر
وتقبل الله منا ومنكم صيام هذا الشهر