لكل صاحب خبرة بالقوارب أرجو الدخول

[عشقي البحر]

السلام عليكم ورحمة الله وبركاتهاسعد الله أوقاتكم بكل خير


مابي أطول عليكم لأكن حاب استفسر عن شيء ويا ليت تفيدوني
أنا عندي بوووت الظاعن 24 قدم وعرضه مترين طبعا البوت طبقتين وعليه ماكينة 75 ياماها لأكن المشكلة الي عندي كنت بركب عليه ماكينة 75 ثانية لأكن فيه أصحاب لي قالو لي ما يصلح حدك تركب عليه 40 ياماها وإذا ركبة عليه ماكينتين 75 تسوي لك مشكله ويطفشك بالموج يكون البوت محمل من ورى


وأخير ياليت ماتبخلون علي برأيكم هل اركب 75 أو 40


ودمتم بأتم صحة وعافية

[تاري الرايس1]

أخي الكريم انا ماهو صاحب خبره لكن جواب لسؤالك أقدر أفيدك أنه لدينا الضاعن 24 من المويدلات الحديثه مركبين عليها عدد 2 85 ياماها وجدا ممتازه على البوت وماهو على كلامهم تثقل على البوت بالخلف الزبده ركب مكينه ثانيه 75 وصدقني راح يعجبك الله يوفقك

[صاحب الجردي]

أخي أنا عندي الفارس 24 وهو معروف بأنه تقريبا تقليد للضاعن، ويختلف في الوزن بشي بسيط. أنا مركب مكينة واحدة 75 ولكنها فورستوك (مارينر)، وزنها تقريبا 200 (جرم كبير) والأمور تمام. ومكينتك ال 75 وزنها تقريبا 110 كيلو، يعني مكينتين 220 كيلو وهذا الفرق ما يعتبر كبير بالنسبة لطفوية البوت، وأيضا سيتم تعويضه الوزن الإضافي بالقوة الإضافية الجديدة. يعني الفرق حيكون معاك في الوقفة وليس في المشي..إذا كان بوتك مع أغراضك المعتادة نازل كثير في الوقفة، فلا بد من الحذر، إذا لا..إذن ما عندك مشكلة...هذه وجهة نظر...وأترك الرأي للخبراء..

[بدر12]

كلام الاخوان مافيه قصور ثنتين ٧٥ تدخل و تطلع مبسوط
و اقولك حاجه انا مخربها عندي نفس حجم طرادك عليه ٢٠٠ و ماشتكي منه ابد

[عشقي البحر]

الله لايهينكم وبيض الله وجيهكم ماقصرتو لأكن للمعلومية البوت الي عندي من الموديلات القديمة ثانيا المشكلة الي تكلمو عن الشباب أن ما فيه مسافه كبيرة بين البحر والبوت من الخلف عشان كذا قالو إذا ركبتها البوت راح يدخل عليك موج البحر إذا كنت متقفي الموج ومشكووورين

[wafi6556]

ما شاء الله اهل البحر والحراريف كلهم بموضوعك
مسيتو بالخير الكل والجميع ومبارك الشهر
ومن زمااان ماشفت معرفك ياخواجه ياراعي المارينر...وش لونك طيب
وكيف حالك يبو علي...تصدق نسيت شكلك
وقوه يالشرقاوي
بقي احد:D

اخوي عشقي بحر...انا اغشم واحد فيهم لكن بتفلسف عليك تحملني
الشغله مجربه كثير وحتى على قوارب 24 طبقه وحده والأمور زينه
لكن كأني فهمت من كلامك ان بوتك اصلاً نازل من الخلف...ما ودي اقلب راسك
لكن اقترح عليك تاخذ معك خبير ويوقف على القارب قبل تسوي شي عشان لا تخسر كثير
وان انت من جده ندلك على واحد ثقه ان شاء الله
او تصور القارب صوره جانبيه وصوره خلفيه وصوره شخصيه وملف علاقي واسدحها بالموضوع وان شاء الله الشباب يفيدونك على بينه وانت تقتنع وتسوي الشغله مرتاح
تحياتي

[BO Abdullatif]

ما شاء الله اهل البحر والحراريف كلهم بموضوعك

او تصور القارب صوره جانبيه وصوره خلفيه وصوره شخصيه وملف علاقي واسدحها بالموضوع وان شاء الله الشباب يفيدونك على بينه وانت تقتنع وتسوي الشغله مرتاح
تحياتي



هههههههههههههههههههههههههههه
الله يصلحك لمن قريت ملف علاقي جاني الهم لأني على وشك أخلص أوراق البوت الجديد وخايف من قضية الملف................

الله يجعلنا وإياكم من عتقائه من النار في هذا الشهر الكريم تقبلوا مروري

[الوعب]

اخوي كان عنده ٢٠ قدم الضاعن موديله قديم .. كان مركب عليه مكينه ٨٥ و هذا المقاس مناسب جدا لهذي المكينه
ال ٢٤ يركبون عليه مكينتين ٨٥ و هذا شائع جدا عندنا

بالنسبه لك انت ركب مكينه ثانيه ٧٥ و باذن الله ماراح تشوف الا الي يسرك

[الواهج]

85x85
او
75x75

[عشقي البحر]

يعطيكم ألف عافيه وماقصرتووو

[( ابو سدين )]

اخوي عاشق البحر
هذا رابط مصنع الضاعن و المصنع موصي بعدد 2 / 70 فور استروك او 1/140 فور استروك

http://www.aldhaencraft.com/24feet.html

تحياتي للجميع

[م/عبدالله]

السلام عليكم ورحمة الله وبركاته

اخوي لا تحتار ولا شيء

24 قدم .طبقتين .. عرض 2 مترين .... 75 محركين
24 قدم طبقتين ... عرض 170 ..... 40 محركين يكفيه
توكل على الله ...

[عشقي البحر]

الله لايهينك يا م .عبدالله وبيض الله وجهك ووجه الرجال الي أدلو برأيهم