غير البواجي وصارت السيارة تنتع (تقطع) [الأرشيف]

مشاهدة النسخة كاملة : غير البواجي وصارت السيارة تنتع (تقطع)

حمد الغامدي

13/07/2013, 08:49 PM

السلام عليكم ورحمة الله وبركاته
مساء الخير

يا أخوان امس رحت لمركز بنده قبل العصر وطفيت السيارة من نوع صني 2011 اشتريت الأغراض يوم طلعت .. جيت اشغل الموتر ما شتغل يدق السلف مره واحده بعدها لازم اطفي وارجع اشغل حاول كذا مره ولا اشتغلت
شريت لي بواجي 4 حبات ب 60 ريال وركبتها بيدي لأن المكانيكي قد نبهني عليها وقلي البواجي تعبانه المهم غيرتها وما اشتغلت السياره اخذت بطارية اخوي حتى هو عنده صني واشتغلت السياره لكنها تقطع بقووووه اذا شغلت المكيف تنطفي واذا عشقت تنطفي والله اني كرهت السيارة

لاهنتم يا رجال ياليت اللي يعرف لنا الحل قبل لا أوديها لأصحاب الورش ويلعبوا في السيارة يعطينا حله

دمتم بخير

0راعي الجبيل0

13/07/2013, 09:04 PM

الله يعينك
طيب اذا شغلت السيارة افصل البطارية وشوف هي تبقى شغالة او تطفي
اذا طفت مشكلتك من الدينمو او المنظم حقه فاصل الكهرباء عن السيارة

تم الإرسال من جهازي GT-I9300 بواسطة تاباتوك 2

يكفيني نظرة

13/07/2013, 11:49 PM

اذا الدينمو سليم واذا انت مركب اضافات بالكهرب (زنون -او انوار او اي شي ) شله النيسان حساس من ناحية الكهرب..

رسلان الوايلي

14/07/2013, 12:06 AM

يفيدونك الاخوان

أحمد محمد1429

14/07/2013, 03:01 AM

لا تحوس وتوجع رأسك البواجي مضروبه غيرها بتايوتا إو إن جي كي

حمد الغامدي

14/07/2013, 03:57 AM

لا تحوس وتوجع رأسك البواجي مضروبه غيرها بتايوتا إو إن جي كي

الله يعطيك العافيه فعلا البواجي كانت مضروبه بالعربي مقلده ومغشوشه

escape_man

14/07/2013, 04:01 AM

تاكد من رقم البواجي اذا نفس شد البلد او لا

تاكد من تركيبها مضبوط . حلها واربطها برفق

تاكد ان الكويلات مكبوسة عليها صح

حمد الغامدي

14/07/2013, 04:11 AM

الحمد لله يا إخوان .. انحلت المشكله وبذكر لكم حلها ، عشان اللي مر علي ما يمر على غيري

وديت السياره لميكانيكي متمكن شغال بشركة تويوتا وعند محل يشتغل فيه من بعد الدوام إلى الليل
شرحت له المشكله انها طفت السيارة وغيرت البواجي ببواجي جديده وما اشتغلت وغير البطارية لكن السياره تنتع إلخ ...

قال لي مين قلك تغير البواجي ؟ :mad: (علما ان السياره توها ماشيه 40 ألف )
قلت له انا من راسي !:D
قال شفت الونيت حقك ؟ :mad: (لأن عندي ونيت 92 وضبتها عنده)
قلت له إيوه :eek:!
قال حدك الونيت . المهم انه قشع أم الجبه وخنقتني العبره وبغيت ابكي :j
وقال لي هذي السيارات الجديده يلي معتمده على الكمبيوتر بشكل أساسي لا تعبث فيها ! لأني حتى انا صلاحياتي في تصليها محدوده وبعدها إذا مازبطت اقول لك ودها الكمبيوتر وسو لها فحص
المهم انه رجع بواجي بلدها عليها وصلح لها برمجه وشغل الموتر .. ورجع الموتر مثل ما كان من يوم ما شريته .

للمعلوميه قال لي البواجي الأصليه لا تشتريها إلا من الوكاله أو من مراكز البيع المعتمده من قبل لوكيل وسعر البواجي الأربع بـ 200 ريال .

وسلامتكم

حمد الغامدي

14/07/2013, 04:13 AM

تاكد من رقم البواجي اذا نفس شد البلد او لا

تاكد من تركيبها مضبوط . حلها واربطها برفق

تاكد ان الكويلات مكبوسة عليها صح

الله يعطيك العافيه .. شاكر لك مرورك
البواجي لما قارنت بينها تفرق عن بعض بشيءءءء
لولا أن بواجي بلدها مبين فيها آثار الأحتراق لما استطعت التمييز بينها وبين المقلده

حمد الغامدي

14/07/2013, 04:16 AM

للمعلوميه يا شباب :
قال لي لا تغير بواجي بلدها حتى يطلع الزيت علهيا ويخربها أو تمشي السياره 300 ألف كيلو عندها تذوب شمعات الإحتراق حقت البواجي لازم تغيرها
وإذا جيت تغيرهالازم تفصل الأصبع السالب حق البطاريه
يعني قبل 100 الف كيلو لا أحد يغير البواجي
وكل واحد وكيفه

escape_man

14/07/2013, 11:30 AM

تغيير البواجي البلاتينيوم يكون تقريباً بـ 120 الف

وما ينصح انك تخليها مثل ماقالك المكنيكي اكثر من هالمدة لانها ممكن تنشف او تحلي السنة فيها

ومعاد تنفك الا بالمخرطة.

استعرض قوقل وتلاقي كثير من الاخوان اهمل تغيير البواجي واضطر انه يفكها بالمخرطة

حمد الغامدي

14/07/2013, 05:24 PM