درويش فقير مال .. ولكنه غني نفس .. رغم جهل الجاهلون .. وزين البنات المزايين

[واحد درويش]

******


قالت شاعر وفارس ومزيون

لاشك مالك مايشتريلك جريده

وواجد الي بالحديدة يعيشون

لاشك ماعندك يالسنافي حديدة

قلت أنا والله ماني بمحزون

ماهمني صفو الحياة الزهيدة

قسمة الله والعواريف يدرون

من قديم الوقت ماهي جديدة

المال مايرفع مقام الدوون

لاصار ماله بالعلوم المجيدة

وبالمال كني مقيد ومسجون

يوم الحساب النار دايم وقيدة

عندك خبر مال كسرى وقارون

جاب المصايب والحياة النكيدة

ددسني تسوى ثمانين مليون

وربعي هل الطالات ماهي بليده

باحتدام الوقت دايم يشيرون

وروس الروس وارياهم سديدة

وماهمهم قول اللي يقولون

والراس شامخ بالرياح الشديدة

الفرق واضحن للي يشوفون

حنا نبيد المال وانتم عبيده






العبد الفقير لله فقط درويش

[قوافي ( أم نهار )]

السلام عليكم ورحمة الله وبركاته
المال مايرفع مقام الدوون .....لاصار ماله بالعلوم المجيدة
قصيده مميزه والحكمه نبضها بارك الله بك اخي الكريم..
تحياتي وتقديري واحترامي
..قوافي..

[واحد درويش]

يكفي القصيدة شرفا ... مرور أمثالك عليها

أما الحكمة ... فهي ضالتنا وضالة كل ذي لب ..

تحياتي لك ولكل مكشاتي ب اسمه ... بلا قيود ولا رتوش

واحد درويش

[قلب ذيب]

درررررررررررررويش
صح لسانك
قصيده جميله معبره .

[واحد درويش]

درررررررررررررويش

صح لسانك
قصيده جميله معبره .



يامرحبا ياقلب ذيب ..

صح بدنك .. مرورك عطر الصفحة ياغالي