وش الحل مع صاحب المحل

[الضباوي]

السلام عليكم ورحمة الله وبركاته
مساء الخير
مبارك الشهر على الجميع
في العام الماضي قبل رمضان عام 1433هـ
اشتريت ثلاجة ايكو 40 لتر من محل رحلات مشهور في مدينة ..
قال الشبك الحديد حق الثلاجة غير موجد وان شاء الله شهر بالكثير يبي يجي خل رقمك عندنا
انتهاء رمضان لعام 1433هـ يعني راح شهر وزيادة مريتهم قال ما جاء شي اصبر شوي
وكل ما جيت لم المحل قال ذا الكلام اخر مره قبل شهرين تقريباً كلمة المدير حق المحل قال اربعة ايام بالكثير وهو عندك وانه جاي بالمطار ودق على واحد وحاول يستغفلني انه موجود بالمطار وش صار على الشبك حق الثلاجة ذاك سلك معه وانا مشيت معه
ابي امشي الامور واحول اعطيه فرصه
وحاولت اضغط عليه قلت لا تضطرنا نكتب في مندى مكشات ونشوه سمعت المحل قل
لا وما تاصل خل رقمك وبالكثير الخميس موجود يعني بعد اربعة أيام مريته السبت الي بعده ولم اجد شي وكملت اكثر من شهرين ولم يجي شي و قبل رمضان بيومين كمل سنه
من اشتريت الثلاجة .
س ) هل يحق لي ذكر اسم المحل لكي يفقد مصداقيته ؟ ام لا

[الخولاني]

سنة ولا حل موضوعك؟
نعم اكتب عنه لكي نحذر منه

[تميم2222]

اذكر ابوه. بعد. التاجر ماينفع معه الاخلاق. مادام وعد واخلف وعده حقه وماجاه. الا اذا عوضك. بشي

[ابأ محمد]

أخوى كان الله فى عونك

تجار جشعين واستغللين لابعد حدود الا من رحم ربي

هذا تلفون شكاوى وزارة التجاره انت جرب وانت قاعد ببيتك دق عليهم

8001241616

[ابو طاهر]

انا اشوف نعم اكتب اسمه

لانه اذا ما لقا شيء يوقفه عن المماطله بيستمر على حال المماطله

[مكشاتي111]

وعليكم السلام

ياخي هذا يكذب عليك ويستغفلك وزود على ذلك يماطل

افضحه ولاتشاور احد

[الحربي حاتم]

إفضحه ولا تتردد ! هذا من باب الفائدة لإخوانك حتى لايقعون فيما وقعت فيه , وأستغرب من إدارة مكشات اللي تمنع مثل هذا وتعتبره من باب التشهير , وحق المواطن وين راح يعني كلكم مع التاجر مافيه أحد مع المستهلك لادولة ولا حماية مستهلك ولا نظام التجارة , خلوكم مع المستهلك يامكشات على الأقل

[شمس المغيب]

مرت سنه ....ماشاء الله عليك تبارك الله

اذكره لكي يرتدع ويحسن من مستوى خدمته ويعرف انه لايقدمه لناس الا عمله واخلاصه له

وهذا ليس من التشهير بل من التحذير منه ولتاجر حق الرد وتبيان الموقف

[المهند تمير]

ارسل له رابط هذا الموضوع كفرصة أخيرة

[بايكال]

كلام اﻷخ المهند تمير افضل حل

[أبو جراح11]

من حقنا عليك أن
تحذرنا منة
لنتجنبة
ونهجرة
فيحسن معاملتة ويستفيد الجميع
نحن
وهو
والمجتمع
أو يترك المجال للأصلح
==========
يجب أن يكون هذا اسلوبنا الجديد مع التجار
أما وزارة التجارة
فلو فيها شمس طلعت أمس00

[escape_man]

سبق وكتبت موضوع في محل حاول يستغفلني ويزيد من قيمة الاجر فوق القيمة المتفق عليها بالعقد

طلعت منهم المبلغ باسلوب تعنيف لا يوجد فيه تجريح وانما بحجة قوية تخليه ما يقدر يلف ويدور معك

وهذا تفصيل لسالفتي معهم مع ذكر اسم المحل

http://www.gmctruckclub.com/vb/showthread.php?t=1954

والطرق واجد الي تقدر تطلع فيها حقك سلمياً وترفع ضغط قبيلك وانت مرتاح

[الضباوي]

مساء الخير اشكر كل باسمه
ومن ثقتي بكم نشدتكم
ولكن لو جاب الشبك هل هو حل
لم ارا من المشرفين تعليق !!
الا يحق لاخواني اعضاء مكشات معرفت صاحب المحل كي يحذرو من التعامل معه
مع اصدق و اوفاء كلمات الشكر لكل من انارني برايه

[الرحال2222]

اذكرة
ان لم يكن لتشهير فلتحذير اخوانك المسلمين منة والتعامل معه بحذر او مقاطعتة ان استمر باستغفال المسلمين

ما اظن هناك اي مشرف للمنتدا او مسلم يرضي بان يصير علية مثل اللي صار عليك
هذا استغفال واكل حرام بدون وجه حق
اذا ما جاب الشبك فخلة يخصم حقة وان لم يفعل اشتكية بالشرطة مو بس بالمنتدا وكل يوم روح سو لة حفلة والله يخاف على سمعة المحل ويرجع لك حقك
احنا بديرة ما تاخذ حقك فيها الا بطلوع الروح فلا تسكت عنة

[ابأ محمد]

مساء الخير اشكر كل باسمه
ومن ثقتي بكم نشدتكم
ولكن لو جاب الشبك هل هو حل
لم ارا من المشرفين تعليق !!
الا يحق لاخواني اعضاء مكشات معرفت صاحب المحل كي يحذرو من التعامل معه
مع اصدق و اوفاء كلمات الشكر لكل من انارني برايه

أخوى عطيتك الحل

امس شكيت على التجاره من مماطلت موسسه المنيع للاجهزه الكهربائه لى مده وهم يماطلون فينى بسبب مكيف اسبلت واليوم والله دق على السعودى بكبره المسؤل وقال ايش المشكله وعلمته وقال ابشر

لارحت ولا جيت شكوه باالتلفون وانت عقب وراءه باالتلفون بس :good:

[رح هس]

حياك
يا رجال اسدح اسم التاجر واسم محله...هذا من الغش واللعب

[أبو ذيب 77]

عطنا الاسم
وش تبي بالمشرفين تنتظر ردهم
منهم مداهنين لبعض المحلات
خذ رائي الاعضاء هم الصوت المسموع وأهل الحق

[web]

عطنا الاسم
وش تبي بالمشرفين تنتظر ردهم
منهم مداهنين لبعض المحلات
خذ رائي الاعضاء هم الصوت المسموع وأهل الحق

الله يهديك
بعض الردود الغير مسؤوله حقيقه هي احد اهم الاسباب لعدم رغبة ادارة المنتدى لمثل هذه المواضيع .
اتمنى في مثل هذه المواضيع عدم الخروج عن النص او اترك الموضوع مو لازم المشاركه فيه .

تقبل الله منكم صيامكم وقيامكم وجميع من يقراء ...

وجزاك الله خير ياصاحب الموضوع واتوقع مافيها شي دامك صبرت سنه غيرك ثاني يوم منزل الموضوع .
وانصحك بالاتصال بوزارة التجاره لامانع من التجربه في ضل تعاونهم وتحسين خدمتهم خلال الفتره الماضية.

[قلايد الخيل]

اقول والله انك طيب بزياده ولا لو غيرك دق راسه وبلغ الشرطه عليه

[-الساري-]

متاااااااابع :

[ابو البر]

يا وسع صدرك وسعاااااااااااااااااااااااااااااااااااااااااااه

[سحاب حائل]

من وجهة نظري تذكر أسمه فتنفع اخوانك بعدم التعامل مع هالأشكال كله كوم واخلاف الوعد كوم ثاني , ولو اعطاك الشبك ماهو حل يعني معطلك سنه من شان شبك ؟؟ وانت بترضى يعني !!!! اشوف انك تلزمهم بإرجاع الثلاجه كامله بعد كدك له سنه وتستلم فلوسك كامله وتشري جديده بشبكه هذا اقل حقوقك .


صدقني من يأكل حق الناس سيفضح اما منك او من غيرك وهل سؤالك خايف يلغى الموضوع ام ماذا ؟؟

طبعا لاخلاف من التشهير بهؤلاء ومانعلم شروط المنتدى مع انه منتدى غني بمشرفين يظهرون الحق دومآ ..


الله معك وشف وزارة التجاره واطلب بإرجاع فلوسك وتعويضك ايضآ ..

[راعي الرود]

اقول ماشاء الله عليك بس سنه كامله صابر و تطارد ورى حقك اللي دفعت حقه ولا استلمته ..

[وهج الحياة]

بالنسبة لمن يقول لماذا المنتدى ما يرضى بالتشهير فالسبب واضح لأنه ممكن يقاضيه راعي المحل بتهمة التشهير والابتزاز وستكون القضية قانونية ويحتاج فيها اثبات وجود واثبات نفي وتطول المشكة والاجراء الامثل هو الشكوى لوزارة التجارة حيث سيكون التثبت من وزارة التجارة نفسها وبهذا تحمي نفسك وغيرك من الاشكالات القانونية

[tabtab055]

اخوي الله يعينك ..لاتترك حقك يضيع ارفع شكوى لوزاره التجاره ولا بد يكون عندك دليل على المحل مثل فاتوره الشراء يكون مسجل بها معلومات كامله مختومه من المحل ومذكور ملاحظه عدم وجود الشبك في الثلاجه لانه ممكن ينكر انك شريت الثلاجه بدون الشبك...الله يفرج همك انت ومن يقرأ ردي

[كيشان]

أخوي الضباوي
شهر مبارك على الجميع
مريت عليهم قبل أيام وأخذت منهم شبك الثلاجه ويقولون حاليا متوفر

[رسيس نجد]

ما صاير ان شاء الله الى كل خير في هالشهر الفضيل 0

[الضباوي]

السلام عليكم ورحمة الله وبركاته
ابشركم تم استلام شبك الثلاجة
شكراً لك من شاركني بقتراح
هذا ما عهدته عن رجال مكشات
جزيتم خير

[ابوسعدبدر]

مبروك وجرب الشبك لايصير ماهو بنفس المقاس . شكلك خرشتهم ويمكن تابعوا الموضوع والحمد لله انه جاء .