وش افضل طريقة للتعامل مع هالموقف

[hussien18]

السلام عليكم ورحمة الله وبركاته..
ياشباب انا قبل شهر شريت لي كابرس اس اس 2011 استلمه ماشي 41346 الف كيلو.. وقال لي عليه بس هدرز و كت باك وماجاه اي تعديل او شي اخر ابد ...
واليوم كنت اتصفح في النت شفت سيارتي معروضه في منتدى وعليه قطع كثيير وتعدييييل جااااااااااااامد وعداد السياره منزل كثير للاسف ( كام, هدرز, كت باك , طرمبة زيت, بواجي واسلاك رياضيه, فلتر انتيك VCM , ومبرمجه, واشياء ثانيه ماعرفها )
وشفت الممشى 107 الاف كيلو متر!!!!!!!!! وتأكدت من السياره وضاق صدري نفس اللون و اللوحه و الديكور من داخل عندي كسر بسيط وشفته موجود بالضبط في الصوره... وكل هذي الاشياء مستحيل تكون صدفه.. وانا ضايق صدري ومدري وش اسوي... شورو علي وش اسوي

[ابو فهد...]

قل الهم اجرني في مصيبتي واخلف لي خير منها
بعدين يوم تشري مافحصت انكنت مافحصت افحص وتاكد
ثمن دق على راعيها وكلمه

[عز الرفيق]

عليك ب حمايت المستهلك ان لقيتهم

[..D7oom]

لا بارك الله فيه من غش مسلم. وترى الناس هذي منتشره بالحراج يوم جيت ابيع سيارتي يقولي مصري تعال انزل لك العداد وتبيع سيارتك بالسعر الي تبيه يوم قلت له حد الله بيني وبين الحرام ياخي كم بتكسب 5 الف 10 او 20 او 30 البلاء كلها بتصير حرام.


الله يعينك اخوي

[تميم2222]

البيعان بالخيار مالم يتفرقا. اذا كان شارط لك الموتر. وقال انه شد بلد. وما رجع. تقدر ترجعه له. اما اذا مادخل بينكم. شروط. فيخلف الله

[الحازمي com]

نصيحه بيع سياره صدقني بتطلع لك مشاكل مال لها اول ولا ثاني
و دوار لك موتر احسن منه ترا كابرس سيئ معروف في خربات
بيعه و اشتري لك فورد تورس و لا افالون و افضل لك من الكابرس تعبان

[أبو اريام]

تبي العلم
رح لمركز المعلومات واطلب منهم اخر فحصين حقات الفحص الدوري وبتحصل ممشى السياره مسجل فيه وبعدها وانت عند نفس مركز المعلومات أشتك المعرض قل لهم هذي أوراق الفحص مبين كم ممشاها وهذا المعرض باعنيها ومرجع عدادها

[راعي الرود]

اذا كان شارط لك الموتر احفظ الصور بجهازك و مر مركز المعلومات و الوثائق استخرج كافه الاوراق الخاصه بالسياره برنت و فحص دوري و عليك بالمحكمه ياخوي

والله ناس عجيبه تغش اخوك المسلم عشان وصخ دنيا

لا تسكت عن حقك هذا غش ولازم اي واحد من النوعيه الوصخه هذي يتأدب ويعرف ان الله حق

و بالمحكمه اطلب ان الموتر يرجع له و فلوسك ترجع لك ولا تسكت عن ريال واحد فلوس المعقب ونقل الملكيه و التأمين والفحص طلعها من عينه جعلها تنفضخ

الله لا يوفقه ولا يوفق كل هالاشكال الغشاشين .. صارو الغرب عندهم امانه اكثر مننا !!

اهم شيء تأكد كم عدد ملاكها السابقين عشان مايجحدك لازم تكون عارف تفاصيل الموتر كامله

[الشهابة]

إذا كان آخر واحد بايعك السيارة يدري عن كل اللي فيها و هو اللي مغيرها و غشك فيها فتفاهم معه بالحسنى و إذا ما طاع لا تتعب معه و استقبل القبلة بعد صلاتك و اقتص منه بالدعاء و الموتر ان كان خاطرك طاب منه بعه و الله يبدلك بأحسن منه

[أبوشريدح]

حسبي الله ونعم الوكيل
الله يخلف عليك بخير

[MSAN]

قابل البايع.. وخذ حقك بيدك..!