يااهل السوابر افيدوني

[سعد العطاوي]

السلام عليكم ورحمة الله يالربع عندي شوزن بنلي بلاك ايقل 2 وناوي اركب ماصورة
ومثل مانتم عارفين سبطانة البلد ماتصلح للمسافات
البعيده وخاصه للكرك ومعروض علي ماصورة
(( بلجيك مشجره القديمه بدون جسر )) ابي رايكم فيها
وعن حرارت الرمي والسوق .. وشكراً لكم

[شمالي 44]

وعليكم السلام ورحمه الله وبركاته

بإمكانك تركيب وصله مكان التشك وتسوق معك

مجربها بالبنلي عندي وزينه

من ناحية تغيير السبطانه أرى إن مافي أفضل من شد بلادها

وقد يفيدك غيري سبق وغير سبطانه

وسلامتك

[صمت الجروح]

اذا الماصورة استيل ابعد عنها

[بيكال الوشم]

السلام عليكم و رحمة الله و بركاته

اخيي العزيز مواصير البلاجيك اكثر من اصابعك
و ماهوب دليل انها تصير حارة و تسوق علشانها من ام شجرة
و فيه شي من ام شجرة طيب و يستاهل
يعني بالعربي محد يقدر يفيدك الا نفسك انت بذاتك تاخذها و تجربها و تشوف تنظيمها و تجربها على الطير اهم شي
لأن فيه مواصير ما تخرق الجيلون ابو ٤ لتر حق الزيت لكنها على لحم الطير سم و احر من الأسيد

بغض النظر هل هي ستيل او كروم اهم شي تاخذها و تجربها و تشوف تنظيمها بلوح فلين او جدار و بعدها تجربها على لحم الطير من مسافات معقولة او بعيدة شوي

اخوك ....

[شمالي و الهوا غربي]

اذا الماصورة استيل ابعد عنها

طيب ياطويل العمر ممكن توضح لنا ماهو وجه الاخلل في الاستيل؟؟
لكي تعم الفائدة.

[الشمروخي]

الستيل يعني ترمي ستيل وتجي كروم ترمي ستيل ويجي كروم عادي الكروم معناه ضد الصداء والعاديه عاديه
والرمي حسب ضوق الماصوره وصناعته صح او لا

[ابوسليمان33]

الستيل مع كثر الرمي تجدر ييعني يصير فيها نمش من داخل اما الكروم تعيش اطول مدة وبالنسبة للبلاجيك انواعها كثير عليك بالبلجيك اللي تجي كتابتها دقاقة وماصورتها ضيقة وتجي كروم وكل هذا ولازم تجرب على جالون على بعد 40 متر وشف نظمها وحرارتها وتجربها على طير

[سعد العطاوي]

يعطيكم العافيه ماقصرتو والي جرب يفيدنا لتعم الفايده

[ابن كديميس]

الستيل يعني ترمي ستيل وتجي كروم ترمي ستيل ويجي كروم عادي الكروم معناه ضد الصداء والعاديه عاديه
والرمي حسب ضوق الماصوره وصناعته صح او لا

وعليكم السلام .
صح كلامك اخوي الشمروخي
الماصوره يكتب عليها كلمة كروم وأستيل ونوع ثاني يكتب عليه أستيل بدون كروم وهذي عاديه ماهي مطليه من الداخل بس مكتوب انها ترمي فشق الاستيل .ونوع اخر يكتب عليه اسبشل وهذي من القديمات قبل ظهور فشق الاستيل ان كنت ماني غلطان .
والماصوره اذا عليها كتابة كروم معناه مطليه من الداخل بالكروم تحميها من الصداء وتقلل التخدش من الداخل مع الوقت.واذا كانن نفس بعض بالتضويق القطر ومن قدام والطول تفضل الكروم على العاديه .
وكلمة استيل ان الماصوره ترمي فشق مصنوع من الاستيل ماعندها مشكله سواء كتب عليها كروم او لم يكتب .

وبالنسبه للاستفسار الا خ سعد العطاوي .
اول شي تاكد من نظافة الماصوره .
ومواصير بالبلاجيك فيهن اختلافات وبذكرهن لك .
رمي الماصوره يحكمه ضوق قطرها وضوقها من قدام .
حرارة رمي تتركز على ضوق القطر بالدرجه الاولى وثانيا يجي التضويق من قدام وثالثا الطول.
وبعد مدى الرش تتركز على الضوق من قدام بالدرجه الاولى .
يعني لو عندك ماصورتين نفس بعض بضوق القطر وضوقهن من قدام يختلفن وحده اضيق من الثانيه بيكون فيه اختلاف بمدى الرش مثل التشكات بتكون الاضيق افضل في تجميع الحلبي
ونفس الطريقه اذا اختلف ضوق القطر تختلف حرارة الرمي كلما كانت اضيق كانت اقوى حراره وليس ابعد مدى رش .
والطول في الماصوره ياثر بس تاثيره ماهو اكثر من ضوق القطر والضوق من قدام .
وفيه مواصير ثلاثين انش تجدها اضيق قطر واضيق من قدام من 32انش بتكون افضل من اثنين وثلاثين .و اذا كانن نفس بعض افضل 32 انش بالرش من 30انش.

[المتلولس]

الاستيل اكثر مشكله لها تنشب الفشقه غير الكروم ماتنشب ابد المفترض راعي الاستيل ينظفها باستمرار علشان الانشاب