ياصقاقير مكشات الأعزاء أرجو الدخول للأهمية القصواء

[العبرود 502]

السلام عليكم ورحمة الله وبركاته 00000
مساء الخير جميعا
ادعوا من الله ان يجعله موسم خير وبركه على الجميع أمابعـــــــــــد0000000
عندي طير ياصقاقير شريته العام فرخ من صديق لي
الطير 18 وربع *18 ادهم
الطير ماتعلم على الحمامه الا بعد جهد جهيد
اطوفه ب 3 أيام يارجاجيل افك برقعه يتفلا
تعلم لكن وشو عقبه المهم الطير يوم هديته مايطير زين يالله يالله يطير لو امشي على رجلي سبقته الطير لامن طار جنحانه الثنين الموس والنايفه والطويله والرابعه تفرد عن باقي الجناح ولا يبين الا لمن طار وديته المستشفى قالو معه دود رئه نسبه بسيطه ونقص فيتامين وعالجته وعديته ومامن زود اتصلت على العويدي قال يمكن من المهاد يوم طرح الطير واحد من الشباب قال يمكن اذا قرنس يرجع طبيعي ف تكفووووووووووووووووون تكفون الرد العاجل ياصقاقير
قرنسته ذا السنه وتو ماحذف الموس قبل 20يوم الطير غااااااااااااااالي علي بالحيل فأرجو المساعده جزاكم الله خير جميع وأسف ع الإطاله أخوكم /العبـرود502

[ولـد الدوادمي]

اخوي يسعدني ان اكون اول من رد على موضوعك ومشكلتك

لاكن والله اني مبدتى ولا اقدر افيدك

لاكن لدي الحل دق على واحد من الشباب 0505861012 يقاله المري قله المشكله الي عندك وقله اني جايك من طرق ولد الدوادمي

وإنشالله انه راح يعلمك الحل وبيطيب إنشالله طيرك ولا تخاف

وارجو اني افدتك ولو بالقليل

اخوك ولد الدوادمي

[سرهيد1]

أخوي قد يكون طيرك مضروب ابرة هيئة حماية الصقور ( سايتس )

هذه ابرة يحقنها العاملين في تلك الهيئة في الصقور التي يتم القبض عليها , وخاصية تلك الابرة انها تضرب عصب الجناح بضعف شديد تسبب الم شديد للطير في حالة محاولته الطيران .

والفائدة المرجوه من مثل هذا العمل حتى يحاربوا تجارة الصقور الوحوش واستخدامها للصقارة , وجعل الصقور الوحوش لا تستخدم سوى للتفريخ أو التهجين في المراكز والتي لا تستدعي طيران الطيور .

وجعل القناصين يتجهوا لصقور التفريخ والتهجين جبرياً بعد عمل هذا التصرف .

وهذا الموضوع حدث لعدد ما يقارب من 40 صقر جير العام الماضى تم جلبها للأمارات في محاولة لغش المشترين , ولكن المحاولة فشلت بعد أن تم الكشف على الصقور وتبين حقنها بتلك الابرة .

والله تعالى أعلم

[طارق الحربي]

اخي سرهيد

بكذا يقضون على الطيور مايحمونها

[ابرق العزاف]

يمكن الطير ما كمل القرنسه

والريشه اللى ذكرتها تبي تطيح اصبر ايام وشف

[@قرناص@]

أيه صادق أخويي باسل

[عاشق البسيتين]

كلام اخوي باسل صح يمكن ماحذف زين ولاتخلي الطير وتاكد لايصير فيه ملوع من كثر الهد على الحمام

[كحيلان 502]

الـعبرود ...

والله بـصراحه أخوي مـشكلتكـ غريبة لاكـن أعتقد أن كلامـ أخوي سـرهيد أقرب لصواب ...

.

أتمنى لـ طيركـ الشفا العاجل ...

.

أخوكـ كـحيلان 502

[سرهيد1]

اخي سرهيد

بكذا يقضون على الطيور مايحمونها

اخوي طارق صدقت

ولكن هذا لا يهمهم

هل تتوقع ان هيئة ( السايتس ) وضعت بالفعل لحماية الصقور ...؟؟؟؟؟؟؟؟؟؟؟

هههههههههههههههه البشر لم يتم حمايتهم فكيف وهم يدعون حماية الصقور !!!!


على كل حال وحتى لو غضب من غضب من كلامي هذا فهي الحقيقة التي لا يقدر على نفيها عاقل

السايتس هي عبارة عن هيئة قامت على ايدي اصحاب مراكز انتاج الصقور في الاسر , وذلك لانهم بعد ان بذلوا كثير من الاموال في مراكزهم وانتجوا الصقور المفرخة والمهجنه ولم يجدوا لها زبائن كثر بعد ان اكتشف الناس عوار تلك الصقور المهجنة .

لجاء اصحاب تلك المراكز الى انشاء هيئة تعنى بحماية الصقور الوحوش !!!!!! وذاك والله الكذب المحض

وقاموا بدعمها من اموالهم الخاصة في البداية

ونشر معلومات عنها في كل مكان

مظهرين للناس وجه الحمامة ويخفون عنهم وجه الغراب

وكان الهدف الرئيس لهم هو قفل الباب على الصقور الوحشية وجعل تجارتها مثل تجارة المخدرات

وفي المقابل فتح الباب امام صقورهم المنتجة في الاسر كي يسيطروا على تجارة الصقور في الخليج العربي ذو المبالغ الطائلة التي يسيل لها لعابهم

واليوم

ها نحن نرى التضييق على مالكي الصقور الوحشية يوم بعد يوم من لدن تلك الهيئة حتى يجبروا الناس على شراء منتجهم من الصقور جبرياً

وهم يخاطبوا الدول بشكل رسمي كي تساعدهم بالتضييق على ملاك الصقور الوحشية بذريعة المحافظة عليها


وللأسف لا يزالوا يجدوا اذانً صاغية من بعض المسؤلين في بلداننا ولم يتم كشف لعبتهم حتى اليوم

رغم أن هذه الهيئة النتنة تقوم بأتهام حكامنا بأنهم هم من يقوموا بتجارة تلك الصقور ويكيلوا لهم تهم قذرة على مواقع الانترنت وفي الاجتماعات الدورية لهم بشكل علني وبجيح .

ولا ندري حتى متى تستمر هذه القصة من غير حسيب ولا رقيب

والله تعالى من وراء القصد

[العبرود 502]

أخوي ولد الدوادمي مشكوووووووووور مشكور وانا اخوك كفيت ووفيت

سرهيد الله لا يهينك وانا باعرضه على العويدي ومشكور وماقصرت

باسل مافهمت قصدك كيف ماكمل قرنسه؟

عاشق البسيتين شكرا لمرورك لكن الطير انا شاريه فرخ كيف من القرنسه ولا فيه ملوع
كحيلان502 لا هنت يالذيب
طارق الحربي . قرناص شكرا لمروركم

[العبرود 502]

ولد الدوادمي مشكور وانا اخوك كفيت ووفيت
سرهيد ماقصرت طال عمرك والطير باعرضه على العويدي
باسل كيف ما كمل قرنسه مافهمت؟ الطير شاريه العام فرخ
قرناص . طارق الحربي شكرا لمروركما
كحيلان 502 لاهنت يا الذيب

[ولـد الدوادمي]

حق وواجب وانخك

هاه بشر عساك كلمت الرجال ؟

[القناص الغبر]

اخوي علاجه عندي انشالله
كان عندنا طير الله اسلمك نفس حالته كان طيرك يفرق ريشه عن الباقي
هذا الطير الله اسلمك الي عندنا شليناه من المقيض وريشه اسووق وقمنا ندعيه
لاكن ريش الطير خضر ولين
فالريشه لانت من تحت من عند الجذور وبدى الريش يفرق
واذا فرق الريش يوجع الطير خاصه اذا ارتفع ولاحتى يقدر اطير
فوديناه عند البيطري (وشكلنا ريشه) يعني جمع الريش الي يفرق بخيط من عند
جذرة الريشه من تحت وربطه مع الطوايل الي ماتفرق العاديه الي هي الطويله الثالثه
والرابعه
ومن عقبها ماشالله عليه قام ريشه مايفرق وتعدل طياره ورجع مثل اول واحسن
واذا تحتاج اي استفسار ثاني حاضرين
لايردك لالسانك
وتقبل تحياتي (القناص الغبر) من قطر

[العبرود 502]

يامرحبا باهل قطر كلهم الله لا يهينك القناص مشكور طال عمرك وماقصرت والضاهر ماله إلا كذا باسوي الطريقه وارد لك خبر
ولد الدوادمي اتصلت على الرجال وماقصر الله لا يهينك

[العبرود 502]

أخوي القناص تكفى ماقلتلي كم جلس الطير وانت رابطه مع الريش السليم؟
الرجاء الرد السريع وشكرا

[سماء نجد]

مساء الخير على الجميع
شف ( مشة الريش ) المنفرز إذا به طراوه اولين اصبر عليه مع الطيار يعصب الريش
== شف اذا معك واحد تعرفه رابط طيره بنفس المربط شف معه نفس المشكله ولا لا
لاحول ولا قوة إلا بالله
الله يشافي طيرك وتهد وانت مستانس

[القناص الغبر]

السلام عليكم
اخوي قعدنا رابطينه طول الموسم لين وقت المقيض
يوم جينا انقيضه فكيناها
واسمحلي اخوي اني طولت عليك في الرد
وتقبل تحياتي اخوك (القناص الغبر)