المساعد الشخصي الرقمي

مشاهدة النسخة كاملة : شرح لفصائل الصقور وطريقة تهجينها فالمزارع واسمائها.


بو_غانم
15/07/2013, 04:22 PM
السلام عليك ورحمة الله وبركاته

شحالكم يا أعضاء مكشات وتقبل الله طاعتكم.

عندي توضيح مبسط لأنواع الصقور التي يتم وتفريخها وتهجينها فالمزارع الأجنبية، لكي تعم الفائدة.

انا بحط لسته لأشهر انواع الصقور التي يتم تفريخها وإنتاجها في المزارع، وهالانواع الي بحطها هي بيور غير مهجنه. ( مثال: حر من حر = حر ).

وطبعا في انواع أخرى يتم تفريخها، لكن انا ذكرت الشائع استخدامها.

1- جير (Gyr Falcon)

2- وكري (Lanner Falcon)

3- شاهين ( Peregrine Falcon) ( وله انواع مختلفة مثل سكوتش و ولش و بيلز ..الخ )

4- باربري ( Barbary Falcon)

5- حر (Saker Falcon)

6- باريرا (Prairie Falcon)

طبعا جميع الأنواع السابقه موجوده فالطبيعه (وحش) و يتم تفريخها فالمزارع وبيعها (بيور) بدون تهجين لمن يرغب. او يتم تهجينها حسب الرغبة.

الحين خلونا نتكلم كيف يتم تهجين بعض هالأنواع.

بندا بالجير حيث يتم تهجينه مع جميع الأنواع السابقه وهو الأشهر ، وسوف اتكلم عنه في هذا الموضوع.


-جير * وكري = جير وكري
واسمه الاجنبي Gyr/Lanner

-جير * شاهين = جير شاهين
واسمه الاجنبي Gyr/Peregrine

-جير * باربري = جير باربري
واسمه الاجنبي Gyr/Barbary

-جير * حر = جير حر
واسمه الاجنبي Gyr/Saker

-جير * باريرا = جير باريرا
واسمه الاجنبي Gyr/Prairie

و يوجد أيضاً تهجين ثلاثي ويسمى Tribed ، وهو تهجين ثلاث فصائل:

مثال بسيط:
يتم تهجين الشاهين مع الحر ف ينتج : شاهين حر.
ثم يتم تهجين الجير مع شاهين حر ، ف ينتج جير شاهين حر. والاسم الاجنبي Gyr*Pere/Saker
وطبعا التهجين الثلاثي له انواع مختلفة أيضاً.


وأيضاً ما ننسا ان التهجين يمكن تغيير نسبة التهجين بزيادة او نقصان، يعني تكون نسبة
التهجين 1/4 او 50/50 او 3/4 ....الخ ( يحتاج شرح مفصّل في موضوع مستقل).


الي عنده اي استفسار عن التفريخ او التهجين او انواع التهجين انا حاضر.

تحياتي لكم
مجهم
15/07/2013, 05:42 PM
مشكور وجزاك الله خير بو غانم وبيض الله وجهك
وتقبل الله طاعتك
راعي جلمود
15/07/2013, 06:44 PM
تحياتي لك اخي العزيز بوغانماللي اعرفه عن الهجين انه لايمكن الانتاج منه لان الهجين جير بشاهين او بحر عقيم
سبحان الله اذا اختلفت الفصيله في الزوج فالناتج عقيم في كل الكائنات
ياليت تتأكد من معلومة الثلاث فصائل
بو_غانم
15/07/2013, 06:59 PM
مشكور وجزاك الله خير بو غانم وبيض الله وجهك
وتقبل الله طاعتك

العفو اخويه، ويهك ابيض

منا ومنكم، مشكور عالمرور.
مودع الخلان
15/07/2013, 07:20 PM
جزاك الله خير

فيه ملاحظة تزاوج الحر مع الشاهين عقم ماتنتج الا مع خلطات الجير
بو_غانم
15/07/2013, 07:21 PM
تحياتي لك اخي العزيز بوغانماللي اعرفه عن الهجين انه لايمكن الانتاج منه لان الهجين جير بشاهين او بحر عقيم
سبحان الله اذا اختلفت الفصيله في الزوج فالناتج عقيم في كل الكائنات
ياليت تتأكد من معلومة الثلاث فصائل

هلابك راعي جلمود ، الله يسلمك الهجين مب كله عقيم.

اولا الجير حر غير عقيم ، الذكور والإناث.

ثانيا الجير شاهين الذكر غير عقيم، أما الأنثى عقيمه.

ف اذا كنت تريد 3/4 جير شاهين ، لا تستطيع تهجين بيور جير ذكر مع انثى جير شاهين (50/50) لان الانثى عقيمه، ولكن تقوم بتهجين جير شاهين (50/50) ذكر مع بيور جير أنثى.
ويكون الناتج جير شاهين 3/4.

واذا كنت تريد 1/4 جير شاهين، تهجن ذكر جير شاهين (50/50) x انثى شاهين ويكون الناتج جير شاهين 1/4.

أما بخصوص التهجين الثلاثي فأنواعه كثيره منها:


جير حر x شاهين

جير شاهين x حر

جير شاهين x وكري

جير باربري x حر

والأمثلة تطول في انواع كثيرة أخرى..

وأزيدك من الشعر بيت في تهجين رباعي لأربع فصائل مع بعض.

وكل هالطيور الناتجة موجودة وتباع فالسوق وتصيد وماعليها كلام.

تحياتي لك
بو_غانم
15/07/2013, 07:32 PM
جزاك الله خير

فيه ملاحظة تزاوج الحر مع الشاهين عقم ماتنتج الا مع خلطات الجير

وياك ياخوي

مثل ما ذكرت للأخ راعي جلمود، مب كل التهاجين عقيمه.

الشاهين x حر ينتج عنه شاهين حر، والذكر غير عقيم.
راعي جلمود
15/07/2013, 07:54 PM
شكراً اخوي بوغانم للتوضيح
الوالي 999
15/07/2013, 08:02 PM
حر شاهين ماقد شفته ابد

وش السبب في عدم وجوده بالسوق
بو_غانم
15/07/2013, 08:23 PM
شكراً اخوي بوغانم للتوضيح

العفو يالغالي




حر شاهين ماقد شفته ابد

وش السبب في عدم وجوده بالسوق

الشاهين حر موجود وبكثرة في أوروبا خصوصا بريطانيا.

واحتمال أجيب منهم فروخ هالموسم للإمارات من بريطانيا.

عشان يتعرف عليهم السوق.

هذي صورته :

http://img16.imageshack.us/img16/1265/hqaa.jpg

http://img11.imageshack.us/img11/8524/o7qq.jpg

http://img199.imageshack.us/img199/8027/2avm.jpg
خالد العطااوي
15/07/2013, 08:39 PM
ماقصرت يبو غانم وااله يعطيك العافيه
ولاهي غريبه عليك
استفدنا. منك كثير ..
وحببتني في صنف من الجيره بزياده وانت خابرها هههههه
والله يوفقك ويوفق الجميع ..
قلب ذيب
15/07/2013, 08:54 PM
جزاك الله خير يابوغانم على هذا الشرح الوافي والمفيد .
ولاشك ان الكثيرين من الزوار والاعضاء سيستفيدون من هذا القرير الوافي وانا اولهم
اتمنى لك التوفيق وفي انتظار كل ماهو جديد لديك .
تحياتي
جرناس دبي
15/07/2013, 09:32 PM
السلام عليك بوغانم
أسمحلي على هذي المداخله المختصره


لتوضيح البسيط في موضوعك يالنشمي



كل تهجين فيه عرج شاهين
مع سلاله ثانيه يكون الذكر منتج
والأنثى عقيم.


وكل تهجين من نفس السلاله
ونوع مختلف يكون منتج من الطرفين
الذكر والأنثى.


مثال:- كل تهجين الحر مع الجير منتج من الطرفين
وكل تهجين وكري مع جير منتج من الطرفين.


إذا دخل عرق الشاهين في أحدا
هذه التهاجين تكون الأنثى عقيم.
هذا مقصد بوغانم


والسموحه منك يابوغانم


صحيح في بريطانيابعض المزارع
تعمل هذه الخلطه حر مع شاهين
ومن المزارع مزرعة ماره


وتسلم على الموضوع


تحياتي لك
(هزاع)
15/07/2013, 10:12 PM
حياك الله اخوي بوغانم
موضوع يستحق المتابعه والتهجين علم كل ماله يطور
اشكرك على فتح هذا الموضوع لاستفادة الاخوان
ومنكم نستفيد
وموضوعك يستاهل التقييم
http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gif
بو_غانم
16/07/2013, 02:19 AM
ماقصرت يبو غانم وااله يعطيك العافيه
ولاهي غريبه عليك
استفدنا. منك كثير ..
وحببتني في صنف من الجيره بزياده وانت خابرها هههههه
والله يوفقك ويوفق الجميع ..

الله يعافيك الغالي

هههه وانشهد انه صنف خطير ، منور ويوفق الجميع



جزاك الله خير يابوغانم على هذا الشرح الوافي والمفيد .
ولاشك ان الكثيرين من الزوار والاعضاء سيستفيدون من هذا القرير الوافي وانا اولهم
اتمنى لك التوفيق وفي انتظار كل ماهو جديد لديك .
تحياتي


وياك يالشيخ، ما قصرت

امين وياك ان شاء الله



السلام عليك بوغانم
أسمحلي على هذي المداخله المختصره


لتوضيح البسيط في موضوعك يالنشمي



كل تهجين فيه عرج شاهين
مع سلاله ثانيه يكون الذكر منتج
والأنثى عقيم.


وكل تهجين من نفس السلاله
ونوع مختلف يكون منتج من الطرفين
الذكر والأنثى.


مثال:- كل تهجين الحر مع الجير منتج من الطرفين
وكل تهجين وكري مع جير منتج من الطرفين.


إذا دخل عرق الشاهين في أحدا
هذه التهاجين تكون الأنثى عقيم.
هذا مقصد بوغانم


والسموحه منك يابوغانم


صحيح في بريطانيابعض المزارع
تعمل هذه الخلطه حر مع شاهين
ومن المزارع مزرعة ماره


وتسلم على الموضوع

تحياتي لك

الله يسلمك، اشكرك عالمرور والمشاركه، ما قصرت




حياك الله اخوي بوغانم
موضوع يستحق المتابعه والتهجين علم كل ماله يطور
اشكرك على فتح هذا الموضوع لاستفادة الاخوان
ومنكم نستفيد
وموضوعك يستاهل التقييم
http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gif http://www.mekshat.com/pix/upload03/images124/mk17809_12222bg2.gif

الله يحييك، ما قصرت وبيض الله ويهك.
أبو أمين
16/07/2013, 05:39 AM
ابو غانم مبارك عليك الشهر

الاكيد ان كلامك انت وابو حمدان " بيور فايده بالنسبه لي " ههههه ولا مهونه فالربع

تحياتي للجميع
راكااااان
16/07/2013, 12:14 PM
بيظ الله وجهك يابو غانم عزالله كفيت وفيت عساك ذخر للخيمه ونستفيد منك كل ماهو جديد اتمنا لك التوفيق في كل خطوه تخطيها بارك الله فيك وفي خبرتك في هذه المجال ,,,
طاسان
16/07/2013, 03:16 PM
السلام عليكم ومبروك عليكم الشهر
ابو غانم عندي سؤالين :
س1/ هل يوجد تهجين بين الشاهين الجبلي والوكري(بابري / لنر)
س2/ هل اللوان الحجول لها دلاله معينه في الخلطه
بو_غانم
16/07/2013, 03:48 PM
ابو غانم مبارك عليك الشهر

الاكيد ان كلامك انت وابو حمدان " بيور فايده بالنسبه لي " ههههه ولا مهونه فالربع

تحياتي للجميع

علينا وعليك يا ابو امين

هههه الله يبيض ويهك، ما قصرت


بيظ الله وجهك يابو غانم عزالله كفيت وفيت عساك ذخر للخيمه ونستفيد منك كل ماهو جديد اتمنا لك التوفيق في كل خطوه تخطيها بارك الله فيك وفي خبرتك في هذه المجال ,,,

ويهك ابيض يا راكان،

امين وياك ، مشكور عالدعوات الطيبه.


السلام عليكم ومبروك عليكم الشهر
ابو غانم عندي سؤالين :
س1/ هل يوجد تهجين بين الشاهين الجبلي والوكري(بابري / لنر)
س2/ هل اللوان الحجول لها دلاله معينه في الخلطه

وعليكم السلام، علينا وعليك

1- نعم يوجد تهجين باربري لنر.

2- الوان الحجول مالها علاقة فالخلطة.

تحياتي لك
راكااااان
16/07/2013, 04:03 PM
بوغانم توضيح بسيط وانا متاكد انك نسيت هذه الامر بنسبه للحجول الألوان تدل على شركات المنتجه والرقم الي موجود على الحجل هذه سجل المدني لطير ههههههه عندما تتصل على شركه المنتجه وتسئل عن طير يطلب منك الرقم الموجود على الحجل حينها جميع بيانات طير تطلع من خلطه وانتاج وعمر وتصدير الى اخره ,,
بو_غانم
16/07/2013, 04:17 PM
بوغانم توضيح بسيط وانا متاكد انك نسيت هذه الامر بنسبه للحجول الألوان تدل على شركات المنتجه والرقم الي موجود على الحجل هذه سجل المدني لطير ههههههه عندما تتصل على شركه المنتجه وتسئل عن طير يطلب منك الرقم الموجود على الحجل حينها جميع بيانات طير تطلع من خلطه وانتاج وعمر وتصدير الى اخره ,,

مرحبا راكان

صحيح الرقم الي فالحجل (ring number) هو تعريفي للطير.

لكن هو يسال اذا لون الحجل له دلالة عالخلطة او التهجين.

تحياتي لك
النااااااادر
16/07/2013, 06:43 PM
تقرير رااائع

بارك الله فيك
yahoo
17/07/2013, 12:40 AM
سؤال اخي العزيز
ليش العرب ماينتجون مثلا حر مع حر او شاهين مع شاهين
شنو المشكلة ليش الانجليز يفهمون والعرب هم اهل الطيور مايعرفون
شنو المشكلة
بو_غانم
17/07/2013, 12:55 AM
تقرير رااائع

بارك الله فيك

مشكور اخويه، لا هنت.


سؤال اخي العزيز
ليش العرب ماينتجون مثلا حر مع حر او شاهين مع شاهين
شنو المشكلة ليش الانجليز يفهمون والعرب هم اهل الطيور مايعرفون
شنو المشكلة

مرحبا ياهو

ينتجون العرب الله يسلمك، ومزارع الانتاج في ازدياد ماشالله، في الامارات وبعض دول الخليج. وفي هذا المنتدى اتوقع اكثر عن شخص من أهل مزارع الانتاج في الامارات.

صح بشكل عام الانتاج في دول الخليج بدأ متاخر، لكن المهم انه الواحد يجتهد ويحاول.

تحياتي لك
شاهين2
17/07/2013, 10:16 AM
معلومات قيمه وجديده بالنسبه لي بارك الله فيك يابو غانم ما قصرت
ابوهمام5
17/07/2013, 11:02 AM
بو غانم الله يحفضك بس هل فيه خلطات من الحر والشاهين مع صقر المارلين ومهو صقر المارلين.
دمت بصحه وعافيه.
بو_غانم
18/07/2013, 04:30 AM
معلومات قيمه وجديده بالنسبه لي بارك الله فيك يابو غانم ما قصرت

مشكور وما قصرت ياخويه ، لك ودّي.


بو غانم الله يحفضك بس هل فيه خلطات من الحر والشاهين مع صقر المارلين ومهو صقر المارلين.
دمت بصحه وعافيه.

هلا يا بو همام

الي اعرفه فيه:

جير x مارلن

شاهين x مارلن

شاهين مارلن x مارلن

باربري x مارلن

المارلن او الميرلين احد أصغر انواع الصقور( مشابه لحجم الشبوط) ، ووزنه بين 150 و 250 جرام.

يعيش غالبا في أمريكا الشمالية واوروبا وبعض مناطق آسيا.


هذي بعض الصور للشاهين مارلن ( ويسمى بيرلين Perlin):

http://img196.imageshack.us/img196/9945/wa49.jpg

http://img692.imageshack.us/img692/8239/mtb7.jpg

http://img571.imageshack.us/img571/6933/0fcz.jpg

أتمنى اني افدتك ، تحياتي لك.
عبدالرحمن بن ذياب
19/07/2013, 01:46 AM
علمك غانم و وافي يبو غانم ولو دعمت الموضوع من الأول بالصور
كان تثبتت المعلومة عندنا صح ولكن لا هنت و بيض الله وجهك
واسمح لي بالرد على أخوي ياهو..


سؤال اخي العزيز
ليش العرب ماينتجون مثلا حر مع حر او شاهين مع شاهين
شنو المشكلة ليش الانجليز يفهمون والعرب هم اهل الطيور مايعرفون
شنو المشكلة


العرب منتجين فيه اثنين عندنا بالسعودية
الأول الاخ احمد الجداوي مبتدأ و هذي ثاني سنة يفرخ الوكارى وموقعه جنوب القنفذه
و الثاني بدر العرادي وهو احد اعضاء مكشات و انتج هذي السنة هالفرخ

http://im38.gulfup.com/fkLbZ.jpg


http://im38.gulfup.com/n8llC.jpg

وبامكانك الدخول على صفحته الشخصية و مشاهدة مزرعة العرادي بالتفصيل
و شكراً
محمد الفهيد
22/07/2013, 08:49 AM
- باربري ( Barbary Falcon)

- باريرا (Prairie Falcon)

يعطيك العافيه يابوغانم

يرجى التوضيح الفرق بين الفصيلتين .. وتقريبا قياساتها كم توصل