المساعد الشخصي الرقمي

مشاهدة النسخة كاملة : نصيحة محب لأي شخص معه لاندكروزر من 2008 وفوق ..


بر وعزبة
16/07/2013, 12:29 AM
السلام عليكم ورحمة الله وبركاته

حيا الله المكشاتيين حيالله الشباب
شهر مبارك علينا وعليكم .

الحمد لله على إني لحقت على سيارتي قبل تخبيط القير بأيام قليلة
الصراحة كانت البداية في إني بعد كل مطب أو لفه لما ادعس البنزين
ما يدعس على طول ويتأخر في الدعسه وبعد المشورة قالوا لي لازم تنظف
الثيرتل حق الدعسه وقمنا بالتنظيف ولكن المشكلة لم تحل وقال لي كهربائي
حسبي الله ونعم الوكيل بواجي مع إنني غيرتها قبل ثلاث أشهر وقمت بتغيير
البواجي ...
ونفس المشكلة لم تحل وتعرفون الواحد بالصيف ومع الحرارة ماله خلق إنه يشوف
تحت السيارة والمهم رحت ورشة قريبه من البيت وفحصتها كمبويتر وقالوا لي

حساس القير رقم أربعة وثلاثة وحساس التايمن الي بالمكينة لكنني شكيت
بالموضوع فقلت اروح لواحد ثاني افحصها وهي ورشة شلنجر الي بالصناعية القديمة
وفحصت الموتر وقالوا هالمرة حساس القير وحساس الشكمان وبعدها نزل السوري وقال
يمكن الضفيرة حقت السيارة هي المشكلة ..
قلت بعدها أكيد في طبخة علي ولهفة سريعة وقلت ياولد خلني أروح لورشة ثانية
افحصها وبعد ما طلع معي الكهربائي قال لازم نرفع السيارة وبعدها نحدد ..

المهم الذييب أول ما رفعنا السيارة شاف صوفة القير فيها تهريب وقال هي المشكلة
وفيه تهريب وهي سبب المشاكل في السيارة طبعاً فلبيني الجنسية مسلم وامين ..

بعدها قال لازم ننزل القير ونغير الصوفة وتغير الفلتر حق القير مع إنني ما مشت حوالي
30 ألف من تغييره له وقال هي سبب المشكلة قلت اكيد قال أكيد ولاتدفع حتى تشوف السيارة
تشتغل قدامك ..
وجيته من بكره وتم تغيير الفلتر والزيت وتغيير الصوفة 70 ريال أصلية وقيمة الشغل
كامل مع تنزيل القير والفلتر والزيت 1200 ريال ..
وبعدها ولله الحمد والمنة الأمور تمام وقمت بالفحص بالكبيوتر ولا طلع أي شيء
وراحت التقطيع الي كان بالسابق ..

نصيحتي لكم
الجيوب الجديدة ما فيها عيار زيت لذلك انتبه عندما يكون فيه تهريب ولو كان
بسيط لن القير غالي ويمكن يخبط القير بسبب عدم وجود زيت مثل ما حصل لي بالضبط ..

وجزاكم الله خيرا
دمتم سالمين
hassan-55
16/07/2013, 01:01 AM
الله يجزاك خير ورحم الله والديك
الله يعوضنا وياكم خير
يكفيني نظرة
16/07/2013, 03:20 AM
رحم الله والديك ..
بس ابسألك وش سبب التهريب؟؟
برادو 99
16/07/2013, 03:38 AM
شكله كان تنديه ولا بتشوف أثر الزيت على الارض

Sent from my GT-I9100G using Tapatalk 4 Beta
خالد العطااوي
16/07/2013, 03:40 AM
الله يوفقك يالغالي ,,
المتلولس
16/07/2013, 04:00 AM
مشكور يالغالي على النصيحة
هاوي
16/07/2013, 05:12 AM
الله يجزاك خير ورحم الله والديك
الله يعوضنا وياكم خير
escape_man
16/07/2013, 05:28 AM
القير لازم يغير زيته ويغير الفلتر او ينظف اذا هو حديد مثل النيسان .. للتماتيك كل 80 الف كيلو

ويتم تعييره كل 40 الف اذا هو ناقص او لا

هذا كلام الوكالة ومنها تتفقد الصوف والتهريبات

شاكرين لك على النصيحة القيمة
كريزي نت
16/07/2013, 06:01 AM
نعم صحيح اذا كان زيت القير ناقص غالب يتأخر الدعس وخاصتن اذا عشقت على الريوس ودعست دواسة البنزين على طول تلاحظ يتأخر مايدعس ثم فجأة ترجع ريوس بسرعه < اذا صار كذا لااازم تزود الزيت او تغييره اذا هو ماشي كثير . وشكراً
..D7oom
16/07/2013, 06:01 AM
بارك الله فيك ويعوض عليك بخير
ابوسند9
16/07/2013, 08:12 PM
الله يجزك خير وكثر الله من امثالك
سراي-01
17/07/2013, 02:13 AM
رحم الله والديك
abu juod
17/07/2013, 02:31 AM
الله يجزاك بالخير على التوجيه والنصيحة
والله يعوض عليك فيما دفعت واتمني توضح أسم الورشة مع الموقع
تحياتي لك ..
بر وعزبة
17/07/2013, 04:50 PM
رحم الله والديك ..
بس ابسألك وش سبب التهريب؟؟


سبب التهريب صوفة القير الامامية ..
وتهريبها كان بسيط ..