عاجل مشكلة في مكينة البرادو 6 سرندل..

[بدران9]

السلام عليكم..
امس ماسك خط الرياض الطايف السريع...
السيارة برادو 6 سرندل 2003

سمعت صوت طقة احسب اني واطي شي... ونزلت وماكان فيه شي..

كملت الخط الا الموتر طفى فجأه بعد عشر دقايق تقريبا وكان مفور...

المصيبه يوم فتحت الكبوت لقيت المروحة متكسرة وشاقة الرديتر وقاطعة كم لي معها...

سحبت عيار الزيت ماخلط..

دقيت سلف الصوت متغير والبكرات يالله انها تدور طبعاً صوت التشغيل كان السلف خربان لاكن مثل ماقلت البكرات تدور ببطئ..

سطحت الموتر لاقرب ورشة من ورش المحطات قال المكينه يمكن انها مخبطه..

ورجعت للرياض ووقفت الموتر عند البيت...

ياهل الخبرة وش اللي ممكن انه يكون جاء المكينة..

ايضاً اذا كان هناك من ورش ممتازة ومناسبه في السعر تنصحون بها..

وكم يكلف التوضيب لو كانت المكينة مخبطة لاقدر الله..
او الافضل تركيب مكينة من التشليح وكم السعر التقريبي..

وممشى المكينة 300 الف كم..

بانتظار ارائكم ومشورتكم..

[بدران9]

ملاحظة: سبب تكسر المروحة حسب كلام الميكانيكي ان كلتش المروحة جيم فجاة.

[أبو اريام]

انا اقول مجرد توقع ان احد البكرات مجيمه ومسويه ثقل على البكرات الثانيه
انت حاول تفك السير ودور بيدك بكرة الطرمبه وبكرة الكبروسر وبكرة كلتش المروحه وبكرة الدينمو
جرب لعل وعسى ان المكينه ما فيها شي

[بدران9]

انا اقول مجرد توقع ان احد البكرات مجيمه ومسويه ثقل على البكرات الثانيه
انت حاول تفك السير ودور بيدك بكرة الطرمبه وبكرة الكبروسر وبكرة كلتش المروحه وبكرة الدينمو
جرب لعل وعسى ان المكينه ما فيها شي

تقصد افك السير واجرب اشغل؟؟

[sgl2002]

ياخوي شلون تماتيك المروحه يجيم؟؟

الميكانيكي فاهم غلط


تماتيك المروحه يشبك المروحه بالعمود ويفصلها ومايجيم او يكسر المروحه

[escape_man]

كلتش المروحة لو جيم مايخبط بالمكينة

بالعكس يساعد اكثر على التبريد لكنه يسبب حمل للمكينة وبتسمع حنتها بوضوح

رايي انك تبداء بالخطوات الاولى وتصلح الي اخترب عندك

شيك البكرات وغير الرديتر وكلتش المروحة اذا المروحة مربوطة على عمود الكرنك

وبعدها دق سلف وشف الموتر بيدخن او بيطلع فيه طقطقة سبايك ولا يكون العمود مضروب

كلها تبيع بالتشغيل قبل الفك

[بدران9]

كلتش المروحة لو جيم مايخبط بالمكينة

بالعكس يساعد اكثر على التبريد لكنه يسبب حمل للمكينة وبتسمع حنتها بوضوح

رايي انك تبداء بالخطوات الاولى وتصلح الي اخترب عندك

شيك البكرات وغير الرديتر وكلتش المروحة اذا المروحة مربوطة على عمود الكرنك

وبعدها دق سلف وشف الموتر بيدخن او بيطلع فيه طقطقة سبايك ولا يكون العمود مضروب

كلها تبيع بالتشغيل قبل الفك

الان كلتش المروحة مفكوك عقب الميكانيكي..
والسير راكب...

لو افك السير واجرب اشغل ؟؟

[escape_man]

كان البطارية باقي فيها كهرب فالسير ماله دخل

لكن خوفتي ان ريش المروحة يوم تكسرت انها ضربت بالحساسات او قطعت اسلاك حول المكينة

ضعف دقة السلف الي قلتاها باول مشاركتك يمكنها ضعف بالبطارية او السبب الي قلت لك وهو ان

ريش المروحة قطعت كم سلك على الطريق.

لاتحرص تدق سلفه الا عقب ماتشييك كل شي

[بدران9]

فكيت سير المكينة ونفس الوضع والبكرات كلها تدور بخفه..

الان ابغى نصيحتكم في ورشه اسطح الموتر لها مباشرة لانه شغله اقعد ادور ورشه والموتر مسطوح..

وفي نفس الوقت يكون راعي الورشه فاهم وامين يعني على قولتكم اخشى انه يكون حساس والمكانيكي يقول توضيب..

لي معاناة سابقة مع توضيب تريل بليزر اكل على عشرة الاف ولا ضبطت المكينة..

فزعتكم،،

[بدران9]

للرفع رفع الله قدركم،،،

[القاموس]

بدران
اتصل 0598005061
بعد اذن الاداره
ابوفهد

[بدران9]

وين الاخوان اصيل ججازي،، بدوي جنوبي،، سوبر فتك!!

[4x4ofroad]

انا قد جيم معي كلتش المروحه بفكسار وانقطمت قاعده الكلتش وانطلقت المروحه وكسرت الكاور والريدتر وتكسرت
بس ما رتفعت الحراره لاني على طول وقفت وطبعا كنت ملاحظ ان الكلتش شابك من قبلها بيومين واحيان ادعسله ويفك وذي المره دعستله وعطيته قاطع وانطلق الكلتش وقطع علي نص راتبي
بالنسبه لموترك اتمنى ان مافيه الا العافيه
طبعا الموتر وهو حار ومفور دقه سلفه تختلف عن االطبيعي
والورش ان شاء الله اهل الرياض يفيدونك

[محمد الهديب]

بشر .. وش صار عليك اخي العزيز