وش أفضل مساعدات للأكورد 2006 ( KYB - هيتاشي TOKICO - المساعدات الصينيه ) ؟

[كاشت بالبر]

السلام عليكم ورحمة الله وبركاته

رمضان كريم وكل عام وأنتم بألف خير

أنا إن شاء الله بغير مساعدات سيارتي أكورد 2006 ؛ لكن أحترت بين نوعين :

مساعدات KYB يابانيه الحبه الواحده بـ 190 ريال × 4 مساعدات = 760 ريال

مساعدات TOKICO هيتاشي (يابانيه اذا ماني غلطان) الحبه الواحده بـ 175ريال × 4 مساعدات = 700 ريال

وفيه مساعدات صينيه الحبه الواحده بـ 125 ريال × 4 مساعدات = 500 ريال << لكن مستحيل اشتريها ومستحيل أثق بالمساعدات الصينيه

سبب رغبتي في تغيير المساعدات :

سيارتي موديلها 2006 ولا عمري غيرت المساعدات وحنا الحين بـ 2013 يعني لها 7 سنوات من الإستخدام .. يعني اتوقع اكيد بتكون المساعدات منتهيه بعد الكرف لمدة 7 سنوات في الشوارع السيئه بالسعوديه

وطبعا مستحيل أركب مساعدات وكاله أصليه لأنها غااااااااليه اتوقع سعر المساعد الواحد ممكن تقريبا 600 أو 650 ريال عند محلات قطع غيار هوندا

والوكاله أغلى لأنهم نصابين حسبي الله عليهم

و بصراحه حرام أدفع 2400 أو أكثر على بس مساعدات ! هذا غير شغل اليد

بالمبلغ هذا أقدر أسوي صيانه شامله وتشييك شامل للسياره من إلى !


وين ألقى وكلاء المساعدات ( kyb ؛ مونرو ؛ جبريال ؛ الخ... ) في القصيم ؟


أرجو الإفاده ؛ وشكراً

[محمدعبدالمجيد]

مساعدات كي واي بي هي الأفضل عن تجربه هي تصنع لبعض الوكالات
مثلا سيارتي نيسان الاصلي مصنع من نفس الشركة ومنحوت على المساعد كي واي بي ونيسان
وجربت ايضا مونرو او مرنو استرالي وعليه ضمان سنه وتمام الحين له قرابة السنتين ومن احسن ما يكون

[abahal]

راح تفقد رساوه الاكورد لو غيرت للانواع الاخرى

[كاشت بالبر]

مساعدات كي واي بي هي الأفضل عن تجربه هي تصنع لبعض الوكالات
مثلا سيارتي نيسان الاصلي مصنع من نفس الشركة ومنحوت على المساعد كي واي بي ونيسان
وجربت ايضا مونرو او مرنو استرالي وعليه ضمان سنه وتمام الحين له قرابة السنتين ومن احسن ما يكون

مشكور والله يعطيك العافيه على الإفاده والرد

أنا إن شاء الله نويت أركب مساعدات KYB

هل تعتقد أن شركة kyb تصنع مساعدات بمواصفات معينه حسب طلب الشركات الصانعه للسيارات ؛ ثم يحطونها بكرتون تويوتا أو نيسان أو الخ... ؟؟

أم أن شركات السياره يشترون مساعدات kyb و يحطونها بكرتون قطع غيار نيسان أو تويوتا أو الخ... يعني يكون عليه شعار وكرتون الشركه الصانعه للسياره ...
ويبيعونها بسعر أغلى من مساعدات kyb المتوفره بكرتونها الأصلي واللي سعرها معقول جدا ؟؟


راح تفقد رساوه الاكورد لو غيرت للانواع الاخرى

مشكور والله يعطيك العافيه على الإفاده والرد

لكن هل كلامك من تجربه شخصيه ؟؟ أم إشاعات أو توقعات أو ؟؟

( حسب كلام شركات المساعدات ) انها نفس رساوة المساعدات الأصليه الوكاله ... لكن بعض الناس يقولون أنها ممكن تكون أقسى شوي من مساعدات الوكاله

لا أعتقد أني راح أفقد رساوة الأكورد بسبب تغيير نوع المساعدات ؛ لأن أصلا رساوة الأكورد بسبب نوع تعليقها الرائع اللي يعطيها رساوه + أعمدة توازن بالأمام والخلف + ويوجد نظام VSA تعزيز وتحسين ثبات السياره في المنعطفات ( VSA بالفل كامل ) + نظام ABS قياسي بجميع فئات الأكورد

# نظام التعليق

في الأمام :
شعبه مستقله مزدوجه مع زنبرك لولبي ومثبّت ( عمود توازن )
Independent double wishbone with coil spring and stabilizer

في الخلف :
شعبه مستقله بـ 5 وصلات مزدوجه مع زنبرك لولبي ومثبّت ( عمود توازن )
Independent 5-link double wishbone with coil spring and stabilizer

وهذا شكل وتصميم الـ double wishbone يستخدم في بعض سيارات ( Alfa Romeo - MG - Pontiac - Honda and Mercedes-Benz ) ويستخدم في الهوندا أكورد ما عدا موديل 2013
http://upload.wikimedia.org/wikipedia/commons/thumb/3/3f/Double_wishbone_suspension.jpg/300px-Double_wishbone_suspension.jpg


وهذا شكل نظام التعليق العادي MacPherson strut ويستخدم بأغلب السيارات بسبب رخص تكلفته على شركات السيارات وصناعته اسهل وأجزاءه أقل والخ...
https://upload.wikimedia.org/wikipedia/commons/thumb/2/2c/Mcpherson_strut.jpg/400px-Mcpherson_strut.jpg

http://www.team-integra.net/images/BAEC1978-D3A7-4405-AB2D-2761DC15A96D/articles/tuan/model_2.gif


ملاحظه :

للفائده .. الأكورد 2013 تغير نظام تعليقها .. عن الموديلات السابقه

[محمدعبدالمجيد]

اخوي شركة كي واي بي تصنع المساعدات لبعض الوكالات وانا متأكد
مساعد المكسيما في الوكالة سعرة 550 ريال ويوم شفته كرتون نيسان والقطعة من شركة كي واي بي رفضن اخذة من الوكالة لأن مش منقوش عليه نيسان قالو هذا الاصلي
رحت واخذته بـــ 280 من الصناعية القديمة ومن وكيل كي واي بي

[كاشت بالبر]

اخوي شركة كي واي بي تصنع المساعدات لبعض الوكالات وانا متأكد
مساعد المكسيما في الوكالة سعرة 550 ريال ويوم شفته كرتون نيسان والقطعة من شركة كي واي بي رفضن اخذة من الوكالة لأن مش منقوش عليه نيسان قالو هذا الاصلي
رحت واخذته بـــ 280 من الصناعية القديمة ومن وكيل كي واي بي

مشكور و الله يعطيك العافيه :)

فرق السعر كبير جدا
550 × 4 = 2200 ريال
280 × 4 = 1120 ريال
يعني انت وفرت 1080 ريال تقدر تستفيد منها بالفحمات والفلاتر أو كراسي المكينه والخ...

اللي أعرفه أن شركات السيارات ؛ ياخذون قطع من شركات تخصصها صناعة قطع غيار للسيارات .. ثم يحطونها بكرتون تويوتا - نيسان - هوندا - الخ... وباقي شركات السيارات

عاد ما أدري وش الشركه اللي تصنع مساعدات للأكورد

لكن بضرب لك مثال :

لو بتروح تشتري بواجي نيسان أو هوندا أو تويوتا أو أي شركة سيارات بالعالم .. تلقى داخل الكرتون البواجي مكتوب ومحفور عليها NGK أو DENSO وأيضا رقم ونوع البواجي .. وطبعا شركات السيارات يحطونها بكراتينهم وعليها شعار شركة السياره
يعني ما يجيبونها بكرتونها الأصلي NGK أو DENSO
ويبيعونها بسعر أغلى من أسعار وكلاء وموزعين بواجي NGK و DENSO
مع أن شركات السيارات ياخذون قطع بالجمله وبسعر أقل

فيه شركات تخصصها صناعة فلاتر
فيه شركات تخصصها صناعة قطع متنوعه مثل دينسو denso
وفيه شركات تخصصها صناعة رمانات
وفيه شركات تخصصها صناعة الأنوار والإضاءه والشمعات ( اللمبات )
والخ...

وشركات السيارات تتعاقد مع .. الشركات اللي تصنع قطع غيار

و شركة السيارات تختار قطع متناسقه ومناسبه و تجمّع القطع وتركبها

و شركات السيارات يبيعون القطع بسعر أغلى .. من أسعار الشركات اللي تصنع قطع غيار

و ممكن تكون شركات السيارات تطلب قطع غيار بمواصفات معينه و جوده معينه ( يعني مثلا ممكن تكون جودتها أعلى أو عمرها أطول ؛ أو الخ... ) من القطع العاديه اللي تصنعها شركات قطع الغيار << ما أدري مجرد أحتمال بسيط .. عشان ما أظلم شركات صناعة السيارات