خداع المتسوقين في سوق الغنم

[بر الوالدين]

السلام عليكم ورحمة الله وبركاته

كل عام و أنتم بخير

قبل رمضان رحت لم سوق الغنم ( العزيزية ) . . . أبشري من الجلابه

و الله و أتمشى و أدور ، أبغالي نعيمي راهي طيب للثلاجه لشهر رمضان

المهم سألت و سالت ، ثم مريت على رجال مدري هو ( هندي / بنقالي ) معه دينا

و الظاهر مرسله عمه يبيع قلت وش عندك قال بلدي مهب سوري

قلت وين السوري قال هنيا و يأشر براسه على الدينا اللي جنبه

ثم قالي إسئل هذا الرجال : و أسئله قلت : اللي بالدينا هذي وشهن

( قال هذي بها بلدي و بها سوري )

و بعد شوي سئلت راعي الدينا المخلوطه ( قال / هي قدامك شفها )


و الله من وراء القصد

[سيد القوم]

الله يجزاك خير عندنا بالسعودية خداع بكل شئ حتى بالخضرة كيف الغنم والسيارات والخ

[ابشر بسعدك]

لا واكبر خداعين اللي يخلي الخرفان رابظه بحوض السيارة مربطها ماتقف. على قوائمها انحش عنهم تراهم أكبر خداعين. أصلا من تشوف وجهه وانت عارف نيته

[قنا النفود]

الله يوفق الجميع

[صالح الفريح]

اسال الهدايه للجميع
موضوع مهم جدا وهذا يحتاج الجهات ذات العلاقه
بحسم مثل هذه المواضيع
تسلم على الطرح
لك تحياتي

[تربة الشمال]

السب هو كثرة العماله في السوق وجميع الي في السوق والجميع يعلم انهم يعملون لحسابه الخاص

[ماعفتهم]

الله يعين بس . نعم اكثر ماشوفه في الاسواق ان صاحبة الغنم يرفعلك الذبيحه بيدها او تكون رابضة عشان يكون البطن مليان ولا تقدر تقيمه هل هو سمين او وسط . فيه واحد اعرفه مشى للسوق ولقاله ذبيحه مربطة وهي رابضه حالها طيب لكن اكتشف بعد ماوداها للمصلخ ان مصابه بالهجار .

يعني الواحد ينتبه وحسبي الله عليهم

[ابشر بسعدك]

الله يعين بس . نعم اكثر ماشوفه في الاسواق ان صاحبة الغنم يرفعلك الذبيحه بيدها او تكون رابضة عشان يكون البطن مليان ولا تقدر تقيمه هل هو سمين او وسط . فيه واحد اعرفه مشى للسوق ولقاله ذبيحه مربطة وهي رابضه حالها طيب لكن اكتشف بعد ماوداها للمصلخ ان مصابه بالهجار .

يعني الواحد ينتبه وحسبي الله عليهم


صحيح كلامك انا من اشوف اللي مربطينها بحوض السيارة ماتقوم ومخلي اطرافها (ذنبت الخروف) تدلى من السيارة انصحك انحش عنهم لو يقول بنصف السعر تراهم حرميه الصحيح خل الذبيحه على حالها واقفة ليش اللف والدوران

[أبو جراح11]

هو بس سوق الغنم الي فية غش
يارجال
الله يعين الناس على الحرامية
السيارت والمعدات ومواد البناء
حتى التشاليح
والملابس
وكل شيئ فية غش وتدليس
لأن مافية نظام صارم
و
كلن يغني على ليلاه

[سيد القوم]

الغش حتى بالسمبوسة يقولك لحم تلقاها جبن ههههههرمضان كريم

[وليد الرشيدي]

المفروض يضعون ميزان في سوق الغنم والانعام ......تحدد سعر كل نوع ذبيحه وبكذا قتلنا الغش و استخفاف العقول

[Nibal]

الله المستعان

[وليد الرشيدي]

صارلي موقف في رمضان من اول مصري يجري وراي يباني اشتري من اعمامه ....يحسبني غشيم في الغنم المهم سايرته وقلت خليني اشوف ايش عنده طلعلي سواكنية جذع هرمانه توها جايه من السودان جديده ....قلتله وش نع الطلي وانا مسوي غشيم قالي حري قلتله يعني لحمه طعم وسمين قالي اه ياعم الحج دا كله لحم المهم السواكني مليان خراريج وحالته حاله ...سألته بكم قالي 850..قلتله غالي رخصلي قالي عشانك 650وماينزلش ريال ...بعدها ضحكت وقلتله هذه سواكني توه جاي من السودان وهرمان وخراريج وسعره مايعدي 300... قام يحلف انه حري ويقسم بيمين الله ....كله عشان ياخذ نصيبه بلحرام وعمولت المصري من الرشيدي النصاب 50ريال .....

ولا يهونو اخواننا المصريين المحترمين ....وابناء عمومتنا اللي يدورون الرزق الحلال