ابي شوركم بشراء عدة للكشتات + خيمة . [الأرشيف]

مشاهدة النسخة كاملة : ابي شوركم بشراء عدة للكشتات + خيمة .

ابوعقيل81

17/07/2013, 01:02 PM

السلام عليكم

قبل سنتين قدر الله علي وتزوجت :D
وتلخبطت في كل شي في حياتي دوامي طويل وديوني صارت جبال .

ومر علي سنتين بدون كشته :eek: بسبب الاهل + ديون الزواج + ما كان عندي سيارة دفع رباعي.

صرت اطلع للمخططات وللحدائق بس خلاص تعبت نفسياً .

ماتغير الوضع الحين كثير بس دبرت لي سيارة دفع رباعي , لأني إذا ما طلعت من هالزفلت مدري وش بيجيني .

طبعاً بتكون خفيفة خصوصاً مع وجود العائلة .

لكن ما ادري وش اسوي ابي أبدأ من أول وجديد.

وش اشتري محتار , ابي عدة للطبخ والجلوس وكل شي وبصراحة مدري كيف أبدأ . ولاعندي خبرة كنت أطلع مع الشباب وما ادري وش يستعملون ومن وين يشترون هالأغراض حدي رواق وذري وحطب .

ماعندي غير رواق و منقد للشوي ومدة للجلوس ومراكي وفراش نوم نفر ونص شريته من الغرابي الشتاء الماضي وما أستعملته .

وبالنسبة للخيمة هل 2.40 مناسبة للشخصين وطفل او طفلين. للجلوس والنوم ؟ وهل المضلة مهمة ؟؟ لان الي فيها مضلة اقل شي 2.60 ومفصلات مرتفعة تفرق بالقيمة 700 ريال عن ال2.40 أكواع منخفضة بدون مضلة .

شاكراً لكم .

لاتكب البيالة

17/07/2013, 01:45 PM

ابوعقيل81

17/07/2013, 01:49 PM

الخيمة انصحك بهذي
https://www.youtube.com/watch?feature=player_embedded&v=qg9XeOs-sZI

فهي ان بغيته خيمه او مظلة او فرشة وصغيره بالحجم وسهلة بالطق مقاسه كخيمة تجي مترين وشوي في مترين

شرفني مرورك الكريم , وين أحصلها وكيف سعرها ;) .

وبالنسبة لباقي العدة وش تنصحني فيه . :D

رسيس نجد

18/07/2013, 02:20 AM

بالنسبه للمواعين شف الي ماتبيه والدك الله يخليها لك واستفد منها
والخيمه في الغرابي يفصلون الخيام واسعارهم طيبه
واياك والمواعين حقت بعض محلات الرحلات رديئه واسعارها غاليه

فلسفة

18/07/2013, 03:50 AM

اخوي لا تكثر على روحك بالعزب شفها مجدوعه بالمستودع ولا تطلع غير في اوقات معينه لكن اذا تبي عزبه خفيفه لجميع الطلعات ركز على الامور اللي تحتاجها فقط يعني خيمه ومظله ما اتوقع لها حاجه الرواق اتفق معك ضروري وبقيه الامور شف ام العيال وش عندها بالمطبخ ما تبيه براد ملقمه دله فناجيل شاي وقهوه قدر كاتم يعني من ذي الامور اللي تبي تجهز فيها عزبتك وخلاص ما عليك غير تشتري شنطه لذي الشغلات وموقد ودبه غاز وبارك الله لك فيما اقتنيت

واذا ملزم على خيمه لا توخر عن التيربو خفيفه وعمليه

الرحال2222

18/07/2013, 04:19 AM

شوف بالنسبة للعزبة شوف ذي المجموعة من شركة كوفيا
والله بعد ما اخذتها ارتحت من العزبة الثقيلة الكبيرة اللي تكسر الظهر بالشيل والحط
ولاعاد تفارق السيارة جميع ما تحتاجة من الاساسيات بشنطة صغيرة
http://www.mekshat.com/vb/showthread.php?t=226817
لشخص الى ستة اشخاص اشوفها تودي الغرض عندي واصبحت رفيقة دربي وذفة وبسيطة وكل ما تحتاجة فيها
اخذتها من موقع مكشاتي هنا
http://mikshati.com//catalog-details-مجموعة%20طبخ%20هارد%2010%20كوفيا%20KSK-WH10-569-223.html

صياد من مصر

18/07/2013, 06:02 AM

بالتوفيق ان شاء الله

المتلولس

18/07/2013, 07:40 AM

موفق ان شاء الله

بن نويشر

18/07/2013, 11:35 AM

اهلا بك وسهلا ...

اهم شيئ وقبل لا تسوي شي . عليك بالتخطيط والدراسة قبل كل شي .
مثلاً ..

_ لزوم انك تعرف المساحة المقدرة عندك في السيارة (الطول × العرض × الارتفاع) وتخصص كل مساحة لغرض هام عندك مثل (تانكي الماء ، عزبة الطبخ ، عزبة القهوة والشاهي ، الفرشات ، فراش النوم ، الحطب او السمر ، شنطة اسعافات كماطور هواء وعدة البنشر وعيار هواء .. الخ، اباريق ما للوضوء ،غضار، محفر ، مسحات ، شاكوش ، فاس ، الرواق ، المركب ، الذرايه ... وحاول قدر الامكان انك تقدر كل شي لمكانه وحاجتك له .

ولا تنسى انك تقدر العزبة والامتعه لعدد محدد لك مثال (4 اشخاص ، 6 اشخاص) يعني لا تروح وتشتري لك قدر كاتم حق حملة حج مثلاً ولا معاميل حقت عرس .

اجلس في وسط موترك واقعد تمقل زين ما زين وكانك قاعد ترتب عزبتك وناوي على المكشات ..

موفق خير ويسر الله امرنا وامرك وامر كل مسلم ..

ابوعقيل81

19/07/2013, 04:32 AM

بالنسبه للمواعين شف الي ماتبيه والدك الله يخليها لك واستفد منها
والخيمه في الغرابي يفصلون الخيام واسعارهم طيبه
واياك والمواعين حقت بعض محلات الرحلات رديئه واسعارها غاليه
شكراً على الرد والنصائح

اخوي لا تكثر على روحك بالعزب شفها مجدوعه بالمستودع ولا تطلع غير في اوقات معينه لكن اذا تبي عزبه خفيفه لجميع الطلعات ركز على الامور اللي تحتاجها فقط يعني خيمه ومظله ما اتوقع لها حاجه الرواق اتفق معك ضروري وبقيه الامور شف ام العيال وش عندها بالمطبخ ما تبيه براد ملقمه دله فناجيل شاي وقهوه قدر كاتم يعني من ذي الامور اللي تبي تجهز فيها عزبتك وخلاص ما عليك غير تشتري شنطه لذي الشغلات وموقد ودبه غاز وبارك الله لك فيما اقتنيت
واذا ملزم على خيمه لا توخر عن التيربو خفيفه وعمليه
مشكور على الرد وبالنسبة للموقد وش تنصح فيه والغاز.
بالنسبة للتيربو كيف اسعارها هذي السنة .

شوف بالنسبة للعزبة شوف ذي المجموعة من شركة كوفيا
والله بعد ما اخذتها ارتحت من العزبة الثقيلة الكبيرة اللي تكسر الظهر بالشيل والحط
ولاعاد تفارق السيارة جميع ما تحتاجة من الاساسيات بشنطة صغيرة
http://www.mekshat.com/vb/showthread.php?t=226817
لشخص الى ستة اشخاص اشوفها تودي الغرض عندي واصبحت رفيقة دربي وذفة وبسيطة وكل ما تحتاجة فيها
اخذتها من موقع مكشاتي هنا
http://mikshati.com//catalog-details-مجموعة%20طبخ%20هارد%2010%20كوفيا%20KSK-WH10-569-223.html

بصراحة ماكنت ادري عنها جدا روعة خصوصاً ان الموضوع الي دليتني عليه قديم وانت تمدحها , لو كان فيه عيب كان بين من استعمالك لها .
افكر اخذ المقاس الي اصغر منها ما اعتقد بحتاج القدر المقاس الكبير 8
وش رايك :)

بالتوفيق ان شاء الله

الجميع

موفق ان شاء الله
وياك

اهلا بك وسهلا ...

اهم شيئ وقبل لا تسوي شي . عليك بالتخطيط والدراسة قبل كل شي .
مثلاً ..

_ لزوم انك تعرف المساحة المقدرة عندك في السيارة (الطول × العرض × الارتفاع) وتخصص كل مساحة لغرض هام عندك مثل (تانكي الماء ، عزبة الطبخ ، عزبة القهوة والشاهي ، الفرشات ، فراش النوم ، الحطب او السمر ، شنطة اسعافات كماطور هواء وعدة البنشر وعيار هواء .. الخ، اباريق ما للوضوء ،غضار، محفر ، مسحات ، شاكوش ، فاس ، الرواق ، المركب ، الذرايه ... وحاول قدر الامكان انك تقدر كل شي لمكانه وحاجتك له .

ولا تنسى انك تقدر العزبة والامتعه لعدد محدد لك مثال (4 اشخاص ، 6 اشخاص) يعني لا تروح وتشتري لك قدر كاتم حق حملة حج مثلاً ولا معاميل حقت عرس .

اجلس في وسط موترك واقعد تمقل زين ما زين وكانك قاعد ترتب عزبتك وناوي على المكشات ..

موفق خير ويسر الله امرنا وامرك وامر كل مسلم ..

تدري ما كنت افكر بهذي الامور فعلاً وكأني نسيت عن عندي سيارة دفع رباعي صغيرة , لو ما انتبهت للنقطة هذي الظاهر كنت بسحب معي سيارة ثانية احط فيها العدة :D خصوصا اني جاي مشمر خخخخ .

مشكور .:good2:

البانيلي

19/07/2013, 05:11 AM

السلام عليكم

بس بقولك كلمتين

اسعد وقت يبي يمر عليك وانت تجمع العزبة

تبي تحس بشي غريب وسعادة مالها حدود

فيه مثل شعبي يقول دلل وقلل

عليك بالعزبة المختصرة والمتكاملة

ابوعقيل81

19/07/2013, 11:42 AM

السلام عليكم

بس بقولك كلمتين

اسعد وقت يبي يمر عليك وانت تجمع العزبة

تبي تحس بشي غريب وسعادة مالها حدود

فيه مثل شعبي يقول دلل وقلل

عليك بالعزبة المختصرة والمتكاملة

مشكور على مرورك أخوي , كلمات مشجعة :D