هل أسعار الرصاص أرتفعت

[خويك على العز]

السلام عليكم ورحمة الله وبركاته

الله يقبل صيامنا وصيامك
هالأيام نسمع بارتفاع رصاص الشوزن
ولادورناه هل هالارتفاع صحيح أم مجرد
كلام

[بيكال الوشم]

الإرتفاع صحيح لدرجة ان الدستة وصل سعرها ١٧٠ يعني الصندوق بـ ٣٦٠٠

ما فيه شي يقل عن ٢٤٠٠ الا نادر جداً جداً من البياعة
يجيك الخير ان شاء الله قريب

اخوك ....

[راعي قزاز]

يارجل. لعب ونصب. تجااار. خله بس لحد يشتري ويطيح السعر اعوذ بالله محنا فاهمين وش الي يصير نصب رفع من الراس ليش ماترجع اسعاار. اول

[شمالي و الهوا غربي]

حركة من البياعة يستغلون الناس قبل الموسم
والاغلب ماعندهم صبر يجيك مطبق

[بيكال الوشم]

هذي ماهي حركة ولا شي

السوق فاضي مافيه الا نوعين بالكثير اربع انواع
هذا شي ماعمره صار و من عرفت السوق ماصار مثل هالوقت شي

الخير جاي ان شاء الله

اخوك ....

[جول قميري]

اخواني هذي خطة من الهوامير الكبار الكبار عشان يرفعون السعر..

اتوقع بعد العيد او بالكثير بهاية شوال بيرجع لسعره الاول..
لا احد يستعجل

[سعد العطاوي]

صارلي فترة ادوررصاص ولا احصل غير النوع الردي وغالي سعره
وهالنوع من الفشق ماراح يمشي الا هالوقت يستغلونها التجار واتوقع
يرجع الفشق المطلوب بسعره المعقول بس لا تستعجلوون

[الستانس]

ها الموسم راحة :)

[رايق 2008]

عليكم السلام ورحمة الله وبركاته


انصحكم يا اخوان بعدم الاستعجال بالشراء

اصبرو الى نهاية رمضان وبالكثير الى بعد العيد وترجع الاسعار مثل اول ويكون فيه تعدد في المعروض

[ابو تركي 500]

الله يعين اصبروا اصبروا لبعد العيد وبتزين الامور ان شاء الله

[بدر خالد]

شباب اذا لقيتم فشق طيب لا تنسوني بصراحه ما لقيت فشق طيب

[شمالي و الهوا غربي]

انا عن نفسي مقاطع هذا السعر الغالي والبضاعة الرديئه.

الهوائية تخب على الصيد الموجود. وفي نفس الوقت نخليها راحة
سعر الببجر مر علينا مرور الكرام وكذلك الجوال كان ب10000 الاف ريال وبلعناها
وسعر السلاح وصل الخيال.وبلعتوها.
لعنبو بليسكم لو مرة خلوا لكم دور في الحياة.

الى متى ونحن ننجر مثل الخرفان ؟؟

[طرقشون]

بالعادة قبل الموسم بشهر يتوفر الفشق بكثره الا هالسنه منقطع قطعه غريبه

[( شميريخ )]

اي والله مرتفع وبالحيل بعد مادري وش بلاهم ارداء فشق بـــ 170 :(

[ابوصالح3]

انا عن نفسي مقاطع هذا السعر الغالي والبضاعة الرديئه.

الهوائية تخب على الصيد الموجود. وفي نفس الوقت نخليها راحة
سعر الببجر مر علينا مرور الكرام وكذلك الجوال كان ب10000 الاف ريال وبلعناها
وسعر السلاح وصل الخيال.وبلعتوها.
لعنبو بليسكم لو مرة خلوا لكم دور في الحياة.

الى متى ونحن ننجر مثل الخرفان ؟؟






الله يرحم والديك هذا الكلام

[ابوزياد043]

الله يعين وش نسوى غصب نشري

[ابو مقعد511]

اصبرو ياخوان ،،،،،،،

ترفقوووو ترفقووووو

انتم علامكم ،،،؟

الدنيا نار وليته زين مير ترمي ولا كنك ترمي ،،، اصبرو الى بعد العيد وتشوفون ،،،

[أبوصالح9]

السلام عليكم

انا توي جاي من السوق ماهنا شي مافيه الا اولمبي اسود 36/6 واخضر 32/7.5 وجاغور 36/6 وسعر الدسته من 120-130 والصندوق 2200 - 2250 والخير جاي بس لحد يشري ( الركادة زينة )

بس اللي عرفته ان ماراح يجي الا انواع معينه من الفشق - واذا كان هذا صدق الله يعين على الاسعار اللي يبيع بيقولك مافيه الا هالنوع تبي هالنوع بهالسعر ولا رح كبر الوسادة

[اهل الردات]

اما عني انا متعامل مع واحد ببريده كل موسم او موسمين اخذ صندوق منوع علي 2600والحين مبطي ماشريت الفشق عندي مكوم الحمدلله

[بيكال الوشم]

الفشق رخيص مادام سعره في بحر الـ ٢٠٠٠ الا ٢٤٠٠

الموت لامنه وصل ٣٠٠٠ او اكثر


حالياً بوقت انقطاع الفشق فيه انواع معيّنة يباع صندوقها بـ ٣٠٠٠ الا ٣٦٠٠ و هذا هو المصيبة و الغلا الفاحش بعينه و علمة

الله يعين و يوفق

اخوك ....

[المتلولس]

قبل شهر وصل الصندوق 2800 لكن الحمدلله نزل السعر البارح اخذت صندوق 2100

[جول قميري]

قبل شهر وصل الصندوق 2800 لكن الحمدلله نزل السعر البارح اخذت صندوق 2100

اخوي يا ليت تذكر لنا نوع الفشق اللي شريت..

[تميم2222]

😩مافي فايده لازال تجار السلاح عندنا ينهشون. بعظم راعي القنص الله لا يوفقهم

[الشمروخي]

كله اسابيع ويرخص عادي اللي بيشتري فوق 2300 لايشتكي وتراه هو سبب الغلاء تركدوا يارجال ولاتصدقون الاشاعات بيجي قريب غير الموجود اصلاً

[المتلولس]

اخوي يا ليت تذكر لنا نوع الفشق اللي شريت..

حياك اخوي الفشق اولمبي اسود سبعه ونص 32 ورقم سته 36 نفس السعر

[شمالي و الهوا غربي]

هههههههههه
خخخخخخخخخ
واكبر دليل الضحك على الدقون هو تسويق البعض بسعر غالي وبطرق غير مباشرة.
بس هيهات لكم . مانبي فشقكم.وبعد التجربة كله طلع مضروب) وغالي
لو تقولون ببلاش مانبه.

[عاشق الشوزن2012]

رحت لسوق الي انتم خابرين
واحد ثقة يقول العشر راح يتوفر عندنا وبينزل السعر

[الشمروخي]

اخوي عاشق الشوازن كلامك صحيح

[عاشق الشوزن2012]

انشاء الله

[ابشر بسعدك]

يا شباب. استفسار الفشق بجميع أنواعه. له تاريخ صلاحيه ولا. لا. خاصه إذا. كان مخزن تخزين جيد.

[عاشق الشوزن2012]

عندي بعض الدستات للفام ابوغزال الي يجي قرطاس روعه
تاريخة كانه عشرين سنه فهو شوي

[عاشق الشوزن2012]

ابعدة عن الرطوبه

[باترو]

يا شباب. استفسار الفشق بجميع أنواعه. له تاريخ صلاحيه ولا. لا. خاصه إذا. كان مخزن تخزين جيد.

اي نعم له تاريخ انتهاء والفشق الي عندك منتهي ولازم تعطينياه علشان اتلفه لك
لأن له طريقه خاصه لتلفه وخطره لازم واحد متمكن مثلي فأنصحك انك تجيبه لي وأنا اوريك فيه :D

[طرقشون]

فعلا لا بد يتم اتلافه بعد مدة على القميري ولا السوادي

[الشقردي 205]

انا شخصياً ما جهزت شي غير درزن واحد من هذا ..


http://up.arab-x.com/Feb12/sBy22905.png

[شمالي و الهوا غربي]

انا شخصياً ما جهزت شي غير درزن واحد من هذا ..


http://up.arab-x.com/Feb12/sBy22905.png


انت عندك مبدا عدم الانصياع للغير وقادر على تكيف وضعك.
لا للتغلال لا للغلا الفاحش.

[هيوماكس]

انا شخصياً ما جهزت شي غير درزن واحد من هذا ..


http://up.arab-x.com/Feb12/sBy22905.png

ههههههههههههههههههههههههههههههههههه صادق
بلا شوزن بلا خرازة
الهوائية تكفيك وتسد حاجتك :D
خصوصا اذا كانت من النوع القوي

[ابشر بسعدك]

اي نعم له تاريخ انتهاء والفشق الي عندك منتهي ولازم تعطينياه علشان اتلفه لك
لأن له طريقه خاصه لتلفه وخطره لازم واحد متمكن مثلي فأنصحك انك تجيبه لي وأنا اوريك فيه :D

ههههههههههه كنك تشوف فعلا عندي كمية من رصاص الخرازة ماستخدمته من زمان ومخزن بالتجوري

[شراري الكويت]

الله المستعان

[شمالي 44]

السلام عليكم


بالنسبه لإرتفاع اسعار الفشق بسبب التشديد الأمني اللي حصل بالمنفذ الحدودي


بين السعوديه والكويت


مثل منتم عارفين الشوازن وفشقها واللي تنباع بالقصيم أساسآ مجلوبه من الكويت


والتشديد الحاصل فتره ويعدي بإذن الله


بخصوص الفشق هالأيام تاخذ الكرتون ب 120 ريال ومن أفضل نوع


ونص صندوق ب 1200 والصندوق ب 2400


أتكلم عن أفضل شي موجود حاليآ أخذته آرسي ضغط 6 الأسود وكذلك آرسي ضغط 7,5 الأصفر


وسلامتكم

[S3oDi]

ماعاد نعرف الاسعار صارت مثل الاسهم ولكن نبي ننتظر الين تحمر ونشتري مادام لونها اخضر ماراح نشتري

الهوائيه تذبح السمان وتذبح القمري والرهو الله يستر عليه يروح ويرجع بالسلامه

[اخو سعود]

راح ينزل ل 1800قريبا وتذكرو كلامي

[Messerschmitt]

انخفظت الاسعار الان بالقصيم لـ 2150 للصندوق.

[راعي البريدوس]

الان منخفضه الاسعار زي اول الصندوق من 1950 الي 2400 حسب نوع الفشق

[هاجد2000]

فعلا الاسعار بدت بالنزول تدريجيا .

[هاوي ربوع الديرة]

الاسعار نزلت زي اول الفكتوري رقم 6 120 ورقم 7ونص 115

[4fun]

واحد توه جاي من الجردة لاقي الصناديق 1800 و 1900

والارسي الاسود 6/36 الصندوق 2300

يا رجال كلام النت ما ينفع

رح وشف الاسعار بنفسك

[الشرطه]

اللهم أنا نعوذ بك من الغلا والوبا والزلازل والمحن

إن شاء الله ينزل لأسعار تكون في متناول الجميع ،،