قصة عريضة طويلة بالفورتشنر حيرتني وبالنهاية ولدي الصغنون صلحها واكتشفها

[صفحة تربوية]

معي مشكلة بالفورتشنر ظهرت منذ شهر

وديته لكل مكان ولافائدة كل شئ سليم وتمام

نوع السيارة قير أو تماتيك 6 سلندر 2011

الوكالة فحص مجاني ولاطلع شئ

متخصص في فحص الكمبيوتر فلبيني ولاطلع شئ ( مجانا )

مكانيكي سعودي تمام مع تغيير بواجي 120 ريال

مكيانيكي هندي تمام تنظيف البخاخ 50 ريال


المشكلة هي تآخر تعشيقات القير الاوتماتيك وارتفاع الضغط صوت الموتر ينفجر

وفوق 120 ثقيل قوة والضغط مرتفع ولايغير القير

المهم احترت

دخلت الموتر بالحوش وفتحت الكبوت وقعدت ادور وافتش ولعل وعسى

كان بجنبي الغالي فيصل يفحط بالسيكل ويلعب ( ازعجني )

ناديته وقل دوس على البنزين

حسيت أنه الهواء مش مضبوط

خليته يدوس مع الدقة في سماع الصوت
هنا اكتشفت أن
القربة فيها مشكلة ( خرطوش فلتر الهواء )

الوصلة اللي من الرفرف إلى البخاخ

فكيته وقلت لفيصل دخل يدك في الخرطوش

قال فيه شئ

طلعه لي لقيت قطعة قماش أحمر مسكرة نص الخرطوش

هذه القطع القماش حقت محل غيار الزيت نظف الفلتر الهواء ونظف وسط الخرطوش ونسيها
مع العلم أنني أغير الزيت لدى فلبيني شركة بترومين


طلعتها وركبت كل شئ مكانه
والموتر صار زي العسل ولله الحمد

وشكرا لفيصل المهندس القادم
وعطيته هدية 100 ريال وهو مايدري وش السالفة
فلت هذه حقت البقالة بعد صلاة التراويح


***************

ذكرت لكم المشكلة والقصة

انتهبوا يا أحبتي لخرطوش الهواء اللي يطلع من الرفرف إلى البخاخ
يحتاج لصيانة دورية

[أبـوشـامخ]

هههههههههه

ماشاء الله عليك
والله يصلح لك فيصل

[العنابي 616]

الحمدلله ان أمورك تيسرت
بس لو انك مشاور فيصل من البداية كان وفرت على نفسك التعب :)

[white heart]

الله يبارك لك في فيصل

[hassan-55]

ما شاء الله تبارك الله
الله يعطيكم العافيه

الله ييسر امرنا وامركم وامر كل مسلم..

[المتلولس]

الحمدلله انها تسهلت والله يخليلك فيصل

[..D7oom]

الله يصلحه .. ويبارك بخير ابوه

[الماجد1]

دائماً تكون المشاكل بسيطه لاكنها تصعب مع قلة الخبره

وفقك الله واصلح لك ابنك فيصل وجعله من الأبناء البارين لوالديهم ورزقنا وأياكم والمسلمين اجمعين الجنه

[بحيرية]

الله يخليه لك :)
وسراحه شغلك ممتاز وهو المحاوله وعدم اليأس :good2:

[نفداوي]

الله يخليلك فيصل واخوانه
والحمد لله ان المشكله انتهت بدون ماتطيح في يد نصاب يوضب القير او يغير حساساته

[صفحة تربوية]

مشكورين على مروركم الرائع ومشاركاتكم الأروع

[مسير عليكم]

ماشاء الله
الله يصلحه ويخليه لك
ذكرتني بواحد من ربعي معه ددسن 2000 اول مانزل البخاخ وصار له حادث ومن بعدها الموتر يحتر وضب المكينه وغير الراس ووخسر خساير الله اعلم بها وصادف ان في الورشه ددسن ثاني بخاخ وكان جنبه واحد من ربعه يساله مستغرب ليش الرديتر حقك صغير !! صار مركب له حق كبليتر
مع العلم ان راعي الموتر مكانيكي والي كشف العله ماعمره فتح كبوت سياره والسالفه كلها في ورشه الرجال خويي
احيانا اشياء صغيره وتافهه تحملنا خساير كبيره ويعجبني فيك انك ما ياست وفكرت بحثت
بس مستغرب ان كمبيوتر الوكاله كيف ما كشف الحساس ضعف دخول الهواء!!!

الله يوفقك ويصلحك لك ذريتك ويرزقك برهم