المساعد الشخصي الرقمي

مشاهدة النسخة كاملة : رأيكم في السكويا 2013 وكم اسعاره الآن برمضان.


كشّات شتوي
19/07/2013, 01:50 AM
بسم الله الرحمن الرحيم
الأخوة الكرام واحد يستشيركم في السكويا
هل هو مناسب للعائلة والبر والمدينة. أم التاهو أو الاكسبدشن افضل.
وكم أسعاره الآن في رمضان في الوكالة
ويقال أنه عند المعارض والوكلاء ارخص.
وهل الضمانات والهدايا المصاحبة او العروض
موجودة عند المعارض مثل الوكالة.
واللي يعرف معرض ارخص في الاسعار يدلنا عليه
جزاه الله خير الجزاء.
انتظر ردودكم.
كشّات شتوي
20/07/2013, 01:56 AM
١٢١ لحية مروا ع الموضوع ولا رد. جاملوني ع الأقل. ههههه
كومبو
21/07/2013, 09:12 PM
لم أنصح شخص بسيارة في حياتي كما نصحت بالسيكويا
http://mekshat.com/vb/showthread.php?t=531666
m-a-z-d
22/07/2013, 07:01 AM
امس الاحد كنت عند عبد اللطيف جميل واطلعت على اسعاره وكانت:
اطبعا عليه خصم 12 الف
1/ الفل كامل 178 الف

2/ النص فل (دبل _فتحه_مراتب جلد_ثلاجه) 148 الف

3/ االاقل (دبل _ثلاجه) 136 الف (وهو اللي في بالي)..

اما من ناحيت الهدايا او غيرها فما شفت شئ..

اتمنى اني افدتك ..
ابونبيل
22/07/2013, 08:06 PM
سكويا سياره مريحه وسيعه جباااااره مكينه ٥.٧ خذها دبل وبتجمع بين موتر البر وموتر العائله وموتر الخط

وكان تبي شي ارخص لاكن اقل قوه الاكسبديشن سعره جدا مناسب
fahad marzouq
22/07/2013, 08:17 PM
اشتريته ولا جلس معي شهر .. هرش بما تحمله الكلمه من معني .. في المواقف تبلش فيه والزحمه يغثك .. وعيبه الطبلون مجمع فوق بعضه ولا هو مريح .. ولا فيه مساحة لتخزين الاغراض في حال المشاويرالطويله .. فلذا اذا تبي. بقيمته خذ لك يوكون xl .. لك والزمن
ساهر حايل
24/07/2013, 07:55 AM
والله كان معي ددسن 2011 دبل مخليها للبر والسكويا للعايله لكن عيفن بكل السيارات والله وحولته بري وصرفت الددسن .. عز المركب وعز الخوي .. ليس لأنه سيارتي لا والله لكن جرب غيره واسأل عن قطع الغيار ولك الحكم ..


والله يبارك لك فيما تختار
كرويف
24/07/2013, 09:27 AM
http://www.toyota.com.sa/modelsprices.asp?model_id=12
ناصح
24/07/2013, 09:38 AM
سيارة ممتازة :good:

كل الذين اعرفهم ومعهم السكويا مبسوطين عليه جدا

وبالتوفيق
الادغش
24/07/2013, 05:21 PM
يالاخو السلام عليك اولا

ثانيا : بخصوص السيكويا الله يرحم والديك جربه اول .... انا اقول جربه اول من حيث القياده على الطريق العادي .... ولامنك خلصت من القياده .... وشفت انك من حيث البساطه والراحه والمقصوره الرحبه عاجبينك ... وشفت انه ايضا من حيث جماليه المقصوره من الداخل ........... وتقدر اتقول لنفسك 10/10 بعدين يجي
دور الربع من حيث المشاركه والاستعمال

اولا : من الحيث القوه 10/10
ثانيا : من حيث الاتساع في المقصوره 10/10
ثالثا : قوه المحرك جباره - المكينه لكزس 10/10
رابعا : ناقل الحركه القير توربتنك عادي +تماتيك قير لكزس 10/10
خامسا ... وين ماحفته ماعفته (:

انــــــصــــــحك وبــــقـــوه ان تــــــقـــــتــــنــيه لما فيه الصالح للجميع

وتقبل الله منك