المساعد الشخصي الرقمي

مشاهدة النسخة كاملة : افضل مراوح كهرب للباترول ..


أبوعجه
19/07/2013, 05:17 AM
السلام عليكم ورحمة الله وبركاته ،،
الشهر علينا وعليكم مبارك .. تقبل الله منا ومنكم صالح الاعمال ،،
الامر مثل ما هو موضح بالعنوان ..
في موتري (الباترول 97 بخاخ) مراوح سوبارو ولها فتررررررررره مركبه تقريبا 3-5 سنوات او اكثر .. الله اعلم
وهواها ضعيف
ووحده من المراوح تعطلت .. مرره تشتغل ومره تطفى .. ولا فيها التماس تكون واقفه واذا حركتها اشتغلت
وودي اغيرها لضعفها ..
ما هي افضل مراوح كهرب قويه وتكون سرعتين او ثلاث اذا امكن .. وقويه في نفس الوقتت

شكراا لكم
:f
sgl2002
19/07/2013, 01:06 PM
افضل شي السوبارو
Al Rasee
19/07/2013, 03:16 PM
خله ع مروحة بلد
العطاوي a511
19/07/2013, 07:26 PM
للاسف لايوجد من يرهم مراوح كلهم سوبارو ومسوين زحمه والخط فاضي
أبوعجه
20/07/2013, 12:23 AM
sgl2002 .. شكرا لك

Al Rasee .. اصلا فيه السوبارو وناوي اغيرها

العطاوي a511 .. ما فهمت عليك ،،


ليت احد ينورنا
قناص الأشهب
20/07/2013, 12:48 AM
1 مراوح مرسيدس
2 سوبارو مقاس الكبير لانها مقاسات
3 مكسيما
وذا السوبارو اللي مركبه عندك لها خمس سنوات شئ ممتاز غير بمثلها
أبوعجه
21/07/2013, 02:36 AM
استخرت الله ..
ونويت ارجَع مروحه الوكاله .. لان الصراحة الكهرب غثيثه من ناحية الخرابات ..

انا سمعت ان مروحة المكيف اقدر ابدلها بمروحة مرسدس ..

وش نوع المروحه .. مرسدس شبح او بنز الخ ..
اسدهم
21/07/2013, 02:57 AM
بنزالقديم560
على كف القدر
21/07/2013, 01:51 PM
كثر خيره هالمراوح قعدن 5 سنين
تبي نصيحتي خلك ع البلد وان بغيت ركب سوبارو جديدة وخل البلد معك ورا
أبوعجه
21/07/2013, 08:50 PM
بنزالقديم560

كم موديله ؟
ابوعقيل81
21/07/2013, 09:26 PM
انا عندي لاندروفر كان حار نار والحرارة على النص طبيعية .

رحت ركبت له مراوح كابرس 8 سلندر (اللومينا والكابرس 8 سلندر مراوحها وحده) لان معي لومينا ومجرب مراوحها ماشاء الله .
بس ترى ال6 سلندر تختلف اقل قوة من ال8 سلندر.

ومشت معي سنتين مرة ممتازة, قبل فترة تعطلت ورحت لكهربائي محطة شبكها لي على السلف دايركت عشان ما اتعطل وقالي روح كهربائي وبعد كم شهر :) (الكسل شين) رحت لكهربائي رجعها مثل ما كانت على الحساس كانت المشكلة من الحساس وشريت حساس لومينا ب40 ريال , وقلت له ابيك تخليها سرعتين سرعة مع المكيف وسرعة مع السيارة وشريت له اثنين كتاوت زيادة عن الثلاثة الي كانت فيها والحمدلله الأمور طيبه .

واسمع الشباب يمدحون مراوح السوبارو + اللومينا + المكسيما .

نصيحتي لك انت مجرب السوبارو خليك على نفس النوع , على الاقل ماتحتاج ترهم من جديد راس مالها تفك الدينمو او الريش وتغير .:D
أبوعجه
21/07/2013, 10:15 PM
انا عندي لاندروفر كان حار نار والحرارة على النص طبيعية .

رحت ركبت له مراوح كابرس 8 سلندر (اللومينا والكابرس 8 سلندر مراوحها وحده) لان معي لومينا ومجرب مراوحها ماشاء الله .
بس ترى ال6 سلندر تختلف اقل قوة من ال8 سلندر.

ومشت معي سنتين مرة ممتازة, قبل فترة تعطلت ورحت لكهربائي محطة شبكها لي على السلف دايركت عشان ما اتعطل وقالي روح كهربائي وبعد كم شهر :) (الكسل شين) رحت لكهربائي رجعها مثل ما كانت على الحساس كانت المشكلة من الحساس وشريت حساس لومينا ب40 ريال , وقلت له ابيك تخليها سرعتين سرعة مع المكيف وسرعة مع السيارة وشريت له اثنين كتاوت زيادة عن الثلاثة الي كانت فيها والحمدلله الأمور طيبه .

واسمع الشباب يمدحون مراوح السوبارو + اللومينا + المكسيما .

نصيحتي لك انت مجرب السوبارو خليك على نفس النوع , على الاقل ماتحتاج ترهم من جديد راس مالها تفك الدينمو او الريش وتغير .:D


كلامك جمييل جداا

لكن انا عفت الكهرب عموما .. مريت بمشاكل الله العالم بها
ونويت ارجع المروحه الميكانيكيه افضل وامن
لكن ودي اغير اللي قدام حقت الوكاله .. قالوا الشباب مرسيدس
والله يتمم على خير
:f
ابوعقيل81
22/07/2013, 03:58 AM
كلامك جمييل جداا

لكن انا عفت الكهرب عموما .. مريت بمشاكل الله العالم بها
ونويت ارجع المروحه الميكانيكيه افضل وامن
لكن ودي اغير اللي قدام حقت الوكاله .. قالوا الشباب مرسيدس
والله يتمم على خير
:f

المشكلة المكان مايساعد انك تركب مراوح قوية مثل الي معك الحين .

انا كان عندي تريل بليزر وركبت له امامية فادتني بس يوم اوقف بالاشارات وغيره لكن السيارة كانت لاتزال تعاني من حرارة بسيطة . ولاتسألني وش ركبت لاني مريت عشرين محل لين لقيت مروحة تركب بنفس المكان .

علمنا وش يصير عليك نستفيد من تجربتك .

وللمعلومية الاندروفر الي معي فيه مراوح امامية تشتغل وقت الحرارة والمكيف بس ما تنفع بريال . تركتها موجودة وركبت تبع اللومينا بدل حق المكينة . والنتيجة المكينة صار عزمها اقوى بكثير من اول خصوصا وقت الظهريات وبالبر , لان المروحة الميكانيكية تجهد المكينة وتاكل من عزمها .

لكن لكل شي ضريبه سمعت ان المراوح الكهربائية تجهد دينمو الكهرب , لكن الدينمو مقدور عليه :D

جرب سيارة احد من اخوياك نفس الموديل تبع سيارتك وتكون بدون مراوح كهربائية وشوف الفرق بين عزم موترك وعزم موتره .
ابو فهد 1
22/07/2013, 01:44 PM
باختصار ركب مروحه لومينا تجي نفس سوبارو بس 11 ريشة وقوية وسعرة 750
شاص نيسان 93
22/07/2013, 01:59 PM
غير السوبارو لا تركب
سلكها مضبوط وركب كتاوت اصلي واسلاك اصلي وانس الخرابات
sgl2002
22/07/2013, 03:29 PM
دامك نويت تغير مروحة اجل


تماتيك مروحة اصلي مع مروحة يكلف ١١٠٠
وهواية رديتر مادري كم سعرها ؟؟؟؟
أبوعجه
22/07/2013, 07:24 PM
دامك نويت تغير مروحة اجل


تماتيك مروحة اصلي مع مروحة يكلف 1100
وهواية رديتر مادري كم سعرها ؟؟؟؟

السلام عليكم
مريت محلات قطع الغيار
الاسعااااااااار ناااااار اعوذ بالله
تماتيك المروحه الاصلي 375 ريال
المروحه الاصلية 260 ريال
الهوايه مالقيت الاتجاري 70 ريال
ان شاء الله الليله اركبها وأوافيكم بالنتائج