رائحة كريهة جدا تظهر فجأة وتختفي داخل السيارة اثناء تشغيل المكيف

[shekhnfsy]

السلام عليكم ورحمة الله وبركاته
كل عام وانتم بخير بمناسبة شهر رمضان الكريم اعاده الله علينا وعليكم بالخير
الصراحة استفدت كثيرا وقرأت مواضيع ومعلومات اول مرة اعرفها في حياتي بما يخص في ميكانيكا وكهرباء السيارات من هذا المنتدى ومواضيعه وان شاء الله يكون هذا في ميزان حسناتكم .
انا سيارتي نوعها هوندا سفك موديل 2005 محرك 1.8 اربع اسطوانات .
راح اخبركم القصة كاملة من البداية الى النهاية وان شالله ماتملون مني :D واذا حد عنده حل يخبرني لاني محتار ماعرف شو اسوي
الصيف الماضي بدأ التبريد يقل يوما بعد يوم بالتدريج الى ماصار المكيف مايبرد ابد
وبعدين وديته الورشة وخبرته انه البرودة قلت تدريجيا ف قال لي بيفحص عن التسرب وفحص وقال مافي تسرب ويكون احتمال كبير من الواشرات بين انابيب الغاز وبدل الواشرات وترسه غاز وخبرني انه اصلي وماكنت اعرف اميز بين الاصلي والتقليد بس حلفلي واكد لي انه اصلي ، وبعدين رجعت السيارة تبرد باحسن ماتكون لمدة 3 اشهر تقريبا الئ ما خلص الصيف وماكنت استعمل تكييف ويوم يا الصيف مرة ثانية لاحظت برائحة غريبة وكريهة جدا تخرج من فتحة التكييف والغريب ان الرائحة تظهر لفترة قصيرة جدا وتختفي يعني بحدود 10 ثواني كحد اقصى وتوقف الرائحة من الظهور من فتحة التكييف لمدة 10 دقايق واحيانا ربع ساعة واحيانا 5 دقايق وبعدين ترجع تظهر ومرات الرائحة ماتظهر لمدة ساعة كاملة وبعدها تظهر فجأة لمدة ثواني وتختفي ومن قوة الرائحة احيانا اذا اقطع مسافة طويلة او اسوق لمدة 30 دقيقة تعلق الرائحة في ثيابي !
وبعدين وديته عند ورشة ثانية غير الي صلحت عنده اول مرة وخبرته بان يفعل اي شي عشان يوقف هالرائحة وقال لي خلاص بصلحه وبعدين على كلامه غير الواشرات مرة ثانية وعبا غاز اصلي وانا جربت السيارة واشوف مافي اي رائحة كريهة ولكن بعد شهرين وحاليا رجعت الرائحة تظهر مرة اخرئ علما بان الهوندا سفك 2005 لايوجد لديه فلتر هواء التكييف وبطلته وشفته بنفسي في مكان لوضع الفلتر او الاسفنجة لتنقية الهوا علبة البلاستيك الخاصة للفلتر فاضي ويوم سرت محل قطع غيار قالو لي ان الهوندا ٢٠٠٥ ماتيي مع فلتر هوا ولا يوجد فلتر هواء له بس شي غريب كيف شركة تصنع مكان لوضع اسفنجة الفلتر وماتصنع فلتر له !
اتمنى تنصحوني شو اسوي شو ابدل او شو افحص هل تتوقعون انه في تسرب ؟ لكن اذا في تسرب معقولة ما تنكشف من اول ماعبيت الغاز !! لان السيارة استعملتها مع التكييف وماتظهر رائحة الا بعد شهرين او شهرين ونصف ! يعني لو تسرب غاز الئ داخل السيارة المفروض يظهر من اول يوم وايضا لاحظت اثناء خروج الرائحة اسمع صوت خفيف كانه صوت تنسيم تواير لكن بشكل خفييييييييف جدا الصوت ويختفي بثواني وهذا الصوت موجود عندما كانت السيارة سليمة وبدون ماتظهر اي رائحة

[..D7oom]

وعليكم السلام ورحمة الله وبركاته

اذا كنت تدخن فهاذي ريحه متوقعه اما اذا ما تدخن جرب افتح المكيف وافتح التهويه لمدة يوم او يومين

بالنسبه للتهريب انا عندي ما بين مع الغاز لانه كان تنسيم قليل جدا

هذا الي اقدر افيدك فيه وان شاء الله الشباب ما يقصرون معك

[shekhnfsy]

وعليكم السلام ورحمة الله وبركاته

اذا كنت تدخن فهاذي ريحه متوقعه اما اذا ما تدخن جرب افتح المكيف وافتح التهويه لمدة يوم او يومين

بالنسبه للتهريب انا عندي ما بين مع الغاز لانه كان تنسيم قليل جدا

هذا الي اقدر افيدك فيه وان شاء الله الشباب ما يقصرون معك

شكرا لك على المرور لكن الرائحة تختلف عن رائحة الدخان وانامدخن لكن نادرا ما ادخن في السيارة .

[كاشت بالبر]

بالنسبه للتبريد أتوقع أن ثلاجه المكيف عندك تحتاج تنظيف من الخارج

و نظّف مكان فلتر المكيف والمروحه ثم ركّب فلتر مكيف جديد

وأفتح الهوايه عشان يتجدد الهواء وتكون السياره تاخذ هواء من الخارج ..
لأن اذا انت مسكر الهوايه المكيف يعيد تدوير الهواء اللي داخل السياره يعني ما يسحب هواء من الخارج .. و مع الوقت ممكن يكون فيه ريحه بسبب عدم تجديد الهواء

فلتر المكيف إذا تأخرت ما نظفته يطلع له رائحه كريهه بسبب تراكم الغبار والأوساخ عليه ورائحة الدخان تصبغ له .. وتروح الرائحه بعد تنظيفه بالهواء المضغوط .. أو تغيير الفلتر

و أحذر من الفريون التقليد والتجاري .. ترى يعدم عليك كمبروسر المكيف ويسبب مشاكل كثيره

[سامر عبدالله]

غير فلتر المكيف

[ناصح]

رائحة دخان السجائر إذا دخلت في نظام التكييف من الصعب جدا التخلص منها تجلس سنوات عديدة وهي موجودة

فهي تتفاعل مع الرطوبة المتكثفة في الأجزاء الداخلية وتتحول إلى مزيج متعفن كريه الرائحة جدا أسوأ بكثير من رائحة الدخان المباشر .

[shekhnfsy]

بالنسبه للتبريد أتوقع أن ثلاجه المكيف عندك تحتاج تنظيف من الخارج

و نظّف مكان فلتر المكيف والمروحه ثم ركّب فلتر مكيف جديد

وأفتح الهوايه عشان يتجدد الهواء وتكون السياره تاخذ هواء من الخارج ..
لأن اذا انت مسكر الهوايه المكيف يعيد تدوير الهواء اللي داخل السياره يعني ما يسحب هواء من الخارج .. و مع الوقت ممكن يكون فيه ريحه بسبب عدم تجديد الهواء

فلتر المكيف إذا تأخرت ما نظفته يطلع له رائحه كريهه بسبب تراكم الغبار والأوساخ عليه ورائحة الدخان تصبغ له .. وتروح الرائحه بعد تنظيفه بالهواء المضغوط .. أو تغيير الفلتر

و أحذر من الفريون التقليد والتجاري .. ترى يعدم عليك كمبروسر المكيف ويسبب مشاكل كثيره






بجرب طريقة تنظيف الثلاجة واعتقد لازم تفريغ الغاز واعادة شحن للغاز بس اذا في تسرب خفي وبسيط في الثلاجة ولا كاني سويت شي
هل في طريقة معرفة اذا في تسرب من الثلاجة فقط ؟




رائحة دخان السجائر إذا دخلت في نظام التكييف من الصعب جدا التخلص منها تجلس سنوات عديدة وهي موجودة

فهي تتفاعل مع الرطوبة المتكثفة في الأجزاء الداخلية وتتحول إلى مزيج متعفن كريه الرائحة جدا أسوأ بكثير من رائحة الدخان المباشر .


والله يالغالي احترت الصراحة لان معارفي مدخنين ايضا وماعندهم هالمشكلة وانا مافي عطور و اشيا وماسويته لدرجة اني حطيت معطر في علبة بلاستيك لفلتر المكيف
حتا حطيت كيس قهوة مطحونة ومفتوحة داخل السيارة ::(:

[hassan-55]

انا اشوف الوالده الله يحفظها تحط قطعة فحم بالفريزر عشان الروائح
جرب ان شاء الله تفيدك

الله ييسر امرنا وامرك وامر كل مسلم..

[كاشت بالبر]

بجرب طريقة تنظيف الثلاجة واعتقد لازم تفريغ الغاز واعادة شحن للغاز بس اذا في تسرب خفي وبسيط في الثلاجة ولا كاني سويت شي
هل في طريقة معرفة اذا في تسرب من الثلاجة فقط ؟



ما يحتاج تفرغ الفريون ولا شيء

بس المشكله اعتقد ان الوصول لثلاجة المكيف .. صعب وتحتاج تفك بعض الديكور عشان توصل لها

صوره توضيحيه ( و ترى هذي ليست للسيفيك )

فقط تنظيف من الخارج يعني لا تفك الليات او المواصير

http://www.carsteering.com/data/all_images/EV-EV8015PF-700-Map.jpg




ايه و نسيت أقولك

تأكد من مروحة المكيف ( اللي عند الراديتر ) أنها شغاله عند تشغيل المكيف

وتأكد من رديتر المكيف لا يكون مليان أوساخ وطين والخ...

لأن الأشياء هذي لها دور بالتبريد


مكيفات السياره معقده وتحتاج فحص دقيق عشان تعرف وين الخلل بالضبط

ولا تستعجل

أبدأ من الأرخص و الأسهل إلى الأغلى والأصعب


ولا تدخن بسيارتك ولا تخلي احد يدخن بسيارتك وإن شاء الله بتروح الريحه

خصوصا مع فتح الهوايه يتجدد الهواء

[shekhnfsy]

انا اشوف الوالده الله يحفظها تحط قطعة فحم بالفريزر عشان الروائح
جرب ان شاء الله تفيدك

الله ييسر امرنا وامرك وامر كل مسلم..

الله يخليهارلكم الوالدة وتدوم بعزكم
المشكلة كيف الوصول للثلاجة عمري مافكيت سيارة بس بدش يوتيوب وبشوف










ما يحتاج تفرغ الفريون ولا شيء

بس المشكله اعتقد ان الوصول لثلاجة المكيف .. صعب وتحتاج تفك بعض الديكور عشان توصل لها

صوره توضيحيه ( و ترى هذي ليست للسيفيك )

فقط تنظيف من الخارج يعني لا تفك الليات او المواصير

http://www.carsteering.com/data/all_images/EV-EV8015PF-700-Map.jpg




ايه و نسيت أقولك

تأكد من مروحة المكيف ( اللي عند الراديتر ) أنها شغاله عند تشغيل المكيف

وتأكد من رديتر المكيف لا يكون مليان أوساخ وطين والخ...

لأن الأشياء هذي لها دور بالتبريد


مكيفات السياره معقده وتحتاج فحص دقيق عشان تعرف وين الخلل بالضبط

ولا تستعجل

أبدأ من الأرخص و الأسهل إلى الأغلى والأصعب


ولا تدخن بسيارتك ولا تخلي احد يدخن بسيارتك وإن شاء الله بتروح الريحه

خصوصا مع فتح الهوايه يتجدد الهواء




انا شفت مواضيع هني من اعضاء يشرحون كيف فك الثلاجة لسيارات غير السفك لان ماقمت اضمن اصحاب الورشة عندنا احسهم يخبصون من عندهم وفك الطبلون عندنا ف الامارات ب ٦٠٠ درهم تخيل ! عشان الثلاجة اسعار التصليح غالية جدا يعني وتخيل اربيعي عنده لكزس فورويل مكيفه خربان مع دفاية ماعرفو له اصحاب الورشة اخر شي وداه الوكالة وقالو له بنصلح لك ب ٢٥ الف ومع الخصم ب ١٦ الف ،،،،، اخر شي حصل ورشه وصلحه ب ٣ الاف وشغل ايده بس ١٥٠٠ وكان فرحان يوم حصل هالسعر بالمقارنة مع الوكالة !وكانت قطعة خربانة مادري شو هي ،،الجهل مشكلة
وبخصوص مروحة الراديتر شغالة مع المكيف في مروحتين امام الراديتر يشتغلون مع بعض عند تشغيل المكيف
بحوس في المنتدى واليوتيوب يمكن بحصل فيديو شرح فك طبلون السيارة
وشكرا لكم اخواني ماقصرتو

[جبعي]

الحل دخن في السياره على طول مع ريحه المثلثه ابو خمسه ريال وراح تشوف الفرق

[alwali]

مرحبا اخوي
الريحة مثل ريحة عطب الحديد تطلع شوي وتختفي
وتحس المكيف مايبرد للحظات
اعتقد انها تجي من داخل الكمبورسر تلقي الحديد يحتك ببعض وتطلع هذي الريحة يمكن مافيه زيت
ولا الغاز الفريون ماهو اصلي

[shekhnfsy]

مرحبا اخوي
الريحة مثل ريحة عطب الحديد تطلع شوي وتختفي
وتحس المكيف مايبرد للحظات
اعتقد انها تجي من داخل الكمبورسر تلقي الحديد يحتك ببعض وتطلع هذي الريحة يمكن مافيه زيت
ولا الغاز الفريون ماهو اصلي

هي تقريبا ريحة غريبة تشبه نوعا ما نفس ماذكرت والله الواحد مايعرف يوصفها كيف ويقارنها بشي لان اول مرة تمر عليي :D
بس شكلي بغير الغاز ويحط قبلها بكمية استكانة شاي زيت
وبعد عند تشغيل المكيف اسمع ضجيج واحس مصدره من الكمبريسر والضجيج اعلى من الطبيعي

[abo aryam]

السلام عليكم
اخوي قبل ما تسوي شيء بعطيك طريقة وان شاء الله تنفع معك
بداية اشتر من وكيل شركة ميتسوبيشي منظف ثلاجة المكيف بتلقاه عند قطع الغيار , عبارة عن بخاخ قيمته يمكن حدود 70 ريال سعودي وتستخدمه عن طريق فتحة فلتر المكيف وموضح فيه ارشادات الاستخدام . وبالتوفيق تحياتي للجميع,,,
http://www.mekshat.com/vb/showthread.php?t=574835
وهذا موضوع يمكن يفيدك نفس الفكرة

[shekhnfsy]

شكرا لك اخي الكريم وبدور ف محلات قطع غيار السيارات عن هذا المنظف وبجرب ان شا الله تنحل