سالفة لمبة الثلاجه ( النبهاني )

[النبهاني]

بسم الله الرحمن الرحيم


حبايبي المكشاتيه


السلام عليكم ورحمة الله وبركاته


من يوم سنحت لي الفرصه وانا اجيكم اركض بس قلت ياولد ماهو معقول تجي ربعك وانت مدودل ايديك جب لك أي شي لعله يونس لو شوي ولقيت لكم بالصفه (الدميجه )هالسويلفه لعله تحوز على بعض رضاكم


والسالفه يالغالين صارت لي مبطي يومن انتقلنا من الديره الى المدينه وصار عندنا ثلاجه وتلفزيون لان الديره ما كان به هكالوقت كهرب المهم قالت لي امي الله يحفظه


لمبة الثلاجه ماتولع قلت وخري يا اميمتي انا اصلحه فتحت الثلاجه وهزيت اللمبه ما ولعت جريته ما طلعت فريته وجت معي واخذه للكهربائي قال محروقه قلت عطنا جديده اخذت اللمبه ورحت للبيت وجيت ابي اركب اللمبه


طبعا اخيكم بالله قروي وصغير ما اعرف اتعامل مع هالنقله النوعيه التحضريه ومع هذا نسيت وشلون طلعت معي اللمبه ومن الذهانه الزايده (اكيد الذهانه الى زادت صارت خبال اصلا ماهنا ذهانه تذكر)


والقراده ما تخلي اهله ومن اللي ما هداني قمت ودخلت اصبعي محل اللمبه على شان اشوف هي سنه مثل اللمبه والا ازته بالقوه المهم يوم دخلت يدي وهو يضربن ماس وانا اجر يدي بقوه والى مصارين الثلاجه (اسلاكه ) كله بارض المطبخ وبطانة الثلاجه من الداخل شالخه شلخ لكن الثلاجه مازالت شغاله (الحمد لله الكهرب 110 والا كان علوم ) يوم جاء ابوي الله يسلمه ودري وهو يلتفت علي ومنين توجس لين صرت اردى من حالة الثلاجه كل جسمي مشلّخ


انتهت السالفه غفر الله لي ولكم


محبكم


النبهاني

[ابوالترهيم]

والله الكهربا شغلتها شغلة انا متعود على صيانة الكهربا وكان عندنا طبلون رئيسي داخلي موزع بعد العداد يشغل كامل العمارة
وكان يحصل فيه دائما عطل يفصل الكهربا من فيوز من ذاك النوع الاول اللي يسحب بالزرادية ومن كثر ما تكرر واصلحه صار في ثقة ومن هنا الغلط لانه قبل كان فيه خوف وتركيز المهم من الثقة سهيت وانحرفت الزرادية شوي ولمست### اللي اخبره انه صار صوت ونور قوي واللي سمع حضر سلامات سلامات قلت خير الحمدلله بس ولعو النور قالو اي نور النور والع وحنا بالنهار *** افا اشلون وشوي شوي اشوف النور رجع والحمد لله بس تاني يوم الشوف الحمد لله بس ما اقدر افتح عين كان قلاب رمل بالعين طبعا دكتور وعلاج
مراهم وقطرات يومين الحمد والشكرلله على نعمه فالكهرب هالله هالله لحد يستهين فيها واوصي المحترف قبل الهاوي والله يحمينا ويحميكم من كل شر

[قوافي ( أم نهار )]

عليكم السلام ورحمة الله وبركاته
حياك الله ابو سالم
من طول الغيبات جاب الغنايم
والكهرباء مب الغنايم الغنايم عودتك لمكشات ولخيمة السوالف والألغاز ويامرحبابك اخوي..
أجل شغلت المجسات لمعرفة النوعيه سنه ولا بريمه اظن اسمه كذا ،،صراحه مادري..
الحمد لله على السلامه وتغيير الثلاجه كله بكبره أهون من نفضة الكهرب..
أدام الله لنا حضورك وقلمك..
وفقك الله وبارك بك
تحياتي وتقديري واحترامي
..قوافي..

http://forum.tawwat.com/images-topics/images/sta/0007.gifhttp://forum.tawwat.com/images-topics/images/sta/0007.gifhttp://forum.tawwat.com/images-topics/images/sta/0007.gifhttp://forum.tawwat.com/images-topics/images/sta/0007.gifhttp://forum.tawwat.com/images-topics/images/sta/0007.gif

[راعي العجراء]

ياهلا يابو سالم وش السالفه الزينه
وعن فلاجه وكرهب بعد
وتركيب لمبه وسحبت اسلاك الفلاجه
والنتيجه اشتغلت لمبات عيونك من شوط الكرهب وشفت برج ايفل بالهند
وتاج محل شفته في تيجريا
واحرقت الفلاجه وانت ماشاءالله عليك ماجاك شي الله كاتب لك عمر جديد
يااخي انا ودينمو السيكل يوم لمست السلك بسنوني ابقطعه
ضرب شوط وقدحت عيوني ولا صحيت الا عند مصلح السياكل يغير فيوز مدري للسيكل والا لعيوني
هذا بعد والدينمو مايدور يوم اقطع السلك السيكل طايح بالارض

سالفه ممتعه يابو سالم الله يمتعك بالصحه والعافيه
مع السلامه

[ناصر العلي]

وعليكم السلام ورحمة الله وبركاته
حياك ربي ياأبوسالم
ومقبول منك يالغالي أي شي لو تجينا تدودل إيدينك:D
أهم شي لاتقطع بنا
ياحليل أهلنا أول
عليهم أسلوب تفاهم جداً روعة:D:p;)
يعطيك الثقة بنفسك
الله يرحم الحي منهم والميت
ويجزاهم عننا خير الجزاء
أذكر بزواج خالتي جابو واحد يركب عقود لمبات واللمبات بكرتون وأنا من اليعني أساعد.....أمد للعامل كل شوي لمبة وكان الله يرحمه جدي لأمي واقف يطالعنا .....المهم فجأة وتزل لمبة من يدي وتطيح على الأرض وتنكسر.....مادريت إلا ذاك الراشدي على أم وجهي وصل لخدي قبل ماتاصل اللمبة للأرض


قايلك ياحليلهم عليهم أسلوب بالتربية
تحياتي يالغالي

[النبهاني]

ههههههههههه
اناكنت حرفة افياش واناصغيره عشقي افك فيش واشبك فيش بس تركيبه بالموصل دور ابوي ومره شبكت فيش المكنسه والظاهر اني خربطت فيه شبكه ابوي بالموصل الا الشرار متعدي راس ابوي وصوت دوي انفجار بغا يروح ابوي ضحية كهرب



حيا الله نجد ديرتي
الله يجعل ايامك كله سعاده
صراحه الكهرباء ما ودك أحد يتحبرش فيه
خاصة لصار الواحد ماعنده أي خلفيه
مشكوره اخيه على المرور اللي يسر

[حمد69]

وعليكم السلام ورحمة الله وبركاته
حيا الله ابوسالم
لا تسمع كلام الشعراء ترى جربت اسمع كلامهم مرة وتوبة ما أعود
يقول الساعر : جرب الشيء تأمن عواقبه **لا يعرف الشيء إلا بالتجاريبي.
كنت توني على أبواب التعش وقلت في نفسي خلني أجرب إشلون يتمشى اللإكترون وكيف يسرح ويخلي النواة بروحها ..المهم وأروح على لمبة وأفكها وأدخل صبيعي فيها إلا يوم حسيت بأصبعي كأنه يلفه دريل وعيوني برقت وطار منها شرار ولليوم ما نسيت ذاك الدرس حفظته صم..
دمت بسعادة دايمة يا ابو سالم

[النبهاني]

والله الكهربا شغلتها شغلة انا متعود على صيانة الكهربا وكان عندنا طبلون رئيسي داخلي موزع بعد العداد يشغل كامل العمارة
وكان يحصل فيه دائما عطل يفصل الكهربا من فيوز من ذاك النوع الاول اللي يسحب بالزرادية ومن كثر ما تكرر واصلحه صار في ثقة ومن هنا الغلط لانه قبل كان فيه خوف وتركيز المهم من الثقة سهيت وانحرفت الزرادية شوي ولمست### اللي اخبره انه صار صوت ونور قوي واللي سمع حضر سلامات سلامات قلت خير الحمدلله بس ولعو النور قالو اي نور النور والع وحنا بالنهار *** افا اشلون وشوي شوي اشوف النور رجع والحمد لله بس تاني يوم الشوف الحمد لله بس ما اقدر افتح عين كان قلاب رمل بالعين طبعا دكتور وعلاج
مراهم وقطرات يومين الحمد والشكرلله على نعمه فالكهرب هالله هالله لحد يستهين فيها واوصي المحترف قبل الهاوي والله يحمينا ويحميكم من كل شر



حيا الله ابو الترهيم
وشكرا على هالمداخله
والحمد لله على السلامه
دمت بحفظ الله

[النبهاني]

عليكم السلام ورحمة الله وبركاته

حياك الله ابو سالم
من طول الغيبات جاب الغنايم
والكهرباء مب الغنايم الغنايم عودتك لمكشات ولخيمة السوالف والألغاز ويامرحبابك اخوي..
أجل شغلت المجسات لمعرفة النوعيه سنه ولا بريمه اظن اسمه كذا ،،صراحه مادري..
الحمد لله على السلامه وتغيير الثلاجه كله بكبره أهون من نفضة الكهرب..
أدام الله لنا حضورك وقلمك..
وفقك الله وبارك بك
تحياتي وتقديري واحترامي

..قوافي..




حياك الله ياقوافي وابقاك
هه عاد وش اسوي يا أخيه كل شيء بقدر
مجسات القراده والغرابيل
ويوم كبرت عرفت اميز السنه من الكبس
ولو نسيت ادخلت اصبعي لان القراده ما تخلي اهله لين يموتون
دمتي وأدام الله عليك العافيه
وأشكرك مشرفتنا القديره على الترحيب والرد الراقي

[Al3rands]

فعلا من طول الغيبات جاب الغنايم

[محمد الظاهري]

حياك الله يا النبهاني
الله لا يعيد هاك الفزعه ههههههههههههههههههههه
الحمد لله على السلامه
اجل من الشرارا الي بعيونك هاك الساعه
اشكرك ياغالي
امتعتنا بالسالفه
تحياتي لك
محبك

[النبهاني]

ياهلا يابو سالم وش السالفه الزينه

وعن فلاجه وكرهب بعد
وتركيب لمبه وسحبت اسلاك الفلاجه
والنتيجه اشتغلت لمبات عيونك من شوط الكرهب وشفت برج ايفل بالهند
وتاج محل شفته في تيجريا
واحرقت الفلاجه وانت ماشاءالله عليك ماجاك شي الله كاتب لك عمر جديد
يااخي انا ودينمو السيكل يوم لمست السلك بسنوني ابقطعه
ضرب شوط وقدحت عيوني ولا صحيت الا عند مصلح السياكل يغير فيوز مدري للسيكل والا لعيوني
هذا بعد والدينمو مايدور يوم اقطع السلك السيكل طايح بالارض


سالفه ممتعه يابو سالم الله يمتعك بالصحه والعافيه

مع السلامه




هلا بك ياراعي العجراء
الفلاجه والكرهب سووا عمايلهم باخيك
وترا كرهب اول ماهو مثل هالحين ولا هو بعيد عن الدينمو
الله يمتع بعمرك وشاكر مرورك المشرف

[النبهاني]

وعليكم السلام ورحمة الله وبركاته

حياك ربي ياأبوسالم
ومقبول منك يالغالي أي شي لو تجينا تدودل إيدينك:D
أهم شي لاتقطع بنا
ياحليل أهلنا أول
عليهم أسلوب تفاهم جداً روعة:D:p;)
يعطيك الثقة بنفسك
الله يرحم الحي منهم والميت
ويجزاهم عننا خير الجزاء
أذكر بزواج خالتي جابو واحد يركب عقود لمبات واللمبات بكرتون وأنا من اليعني أساعد.....أمد للعامل كل شوي لمبة وكان الله يرحمه جدي لأمي واقف يطالعنا .....المهم فجأة وتزل لمبة من يدي وتطيح على الأرض وتنكسر.....مادريت إلا ذاك الراشدي على أم وجهي وصل لخدي قبل ماتاصل اللمبة للأرض


قايلك ياحليلهم عليهم أسلوب بالتربية

تحياتي يالغالي




هلا وغلا بدكتورنا ابو علي
اي والله ياحليلهم الله من عندهم من يحلق الثقه على الصفر
الله يجزاهم عنا كل خير
وانا احسب اني لحالي شريد الكهرب اثر ربعي واجد
شاكر ومقدر مرورك العذب يابو علي

[النبهاني]

وعليكم السلام ورحمة الله وبركاته

حيا الله ابوسالم
لا تسمع كلام الشعراء ترى جربت اسمع كلامهم مرة وتوبة ما أعود
يقول الساعر : جرب الشيء تأمن عواقبه **لا يعرف الشيء إلا بالتجاريبي.
كنت توني على أبواب التعش وقلت في نفسي خلني أجرب إشلون يتمشى اللإكترون وكيف يسرح ويخلي النواة بروحها ..المهم وأروح على لمبة وأفكها وأدخل صبيعي فيها إلا يوم حسيت بأصبعي كأنه يلفه دريل وعيوني برقت وطار منها شرار ولليوم ما نسيت ذاك الدرس حفظته صم..
دمت بسعادة دايمة يا ابو سالم




تحيا وتبقى اخوي حمد
وانا اخوك توبه غير هالنوبه
لا ما عليك مادام تعرف هذولن بس حبك للتجربه هو اللي دهواك
سلمت يالغالي والله يسعدك بالدارين
وحضورك شرف لأخيك

[النبهاني]

فعلا من طول الغيبات جاب الغنايم



هلا ومرحبا ابلعرندس
سلمت ولا هنت
وحضورك غنيمه يالغالي
شاكر حضورك اللي يسر

[النبهاني]

حياك الله يا النبهاني

الله لا يعيد هاك الفزعه ههههههههههههههههههههه
الحمد لله على السلامه
اجل من الشرارا الي بعيونك هاك الساعه
اشكرك ياغالي
امتعتنا بالسالفه
تحياتي لك

محبك




تحيا وتبقى وياهلا بمشرفنا الغالي
طلعت لقافه الله لايعيد الشر
الله يمتع بعمرك اخوي
وشاكر حضورك الغالي يالغلا

[صافى السريره]

ماعليش يالنبهاني(كل صفعه بتعليمه ) المرة الثاني تضبطها ولا احد ولد متعلم واللي ما ياول ما يتعلم !!!

[النبهاني]

ماعليش يالنبهاني(كل صفعه بتعليمه ) المرة الثاني تضبطها ولا احد ولد متعلم واللي ما ياول ما يتعلم !!!



ياحيا الله ابو راكان
الله من الصفع والصوع وانا اخوك ليته ذي وبس
صدقت اخوي ابن ادم يموت وهو يتعلم
اشكرك على حضورك اللي يسعد

[صافى السريره]

ياحيا الله ابو راكان

الله من الصفع والصوع وانا اخوك ليته ذي وبس
صدقت اخوي ابن ادم يموت وهو يتعلم

اشكرك على حضورك اللي يسعد


اضطرتني كلمة (صوع) اعقب حاسب يالنبهاني الصوع شين والجدران لها اذان.

[النبهاني]

اضطرتني كلمة (صوع) اعقب حاسب يالنبهاني الصوع شين والجدران لها اذان.

هلا بك يابو راكان
اخي معنى صوع صاعها والمصدر صاع
والكلمه تفهم من السياق انها كيل
والكلمه تفهم من السياق والمناسبه
مثل كلمة اعقب لو حطيت شده على القاف كان اقفلت ابواب
ولكني فهمتها من السياق والمناسبه :good2:
على كل حال لم افهم معنى كلمة صوع الذي ترمي اليه
وبما انه مستتر احبذ انه يستمر على حاله
شاكر حضورك اخي

[محبوبك كاندو]

نحمد الله على السلامة وزين 110 تخيل لو 220 وش يبي يصير

[النبهاني]

نحمد الله على السلامة وزين 110 تخيل لو 220 وش يبي يصير



هلا بمحبوبنا كاندو
الله يسلمك اخوي
كان يصير علوم لا له اول ولا تالي
اشكرك اخوي على حضورك

[قوافي ( أم نهار )]

ترفع

سالفه من السوالف القديمه