مـقــوي للجوال للبيت والسيارة ..

[المري]

السلام عليكم ..

حبيت اطرح هذا الموضوع للفائدة حيث اني رأيت بعض الاخوان يسأل عن تقوية الجوال.

اما بخصوص تقوية الجوال في البيت فأني مركب هذا الجهاز في البيت قبل 4 اشهور وهو نافع جدا جدا..

حيث اني اسكن في هجرة بعيده من الشبكة , ولاأستطيع ان اكلم وانا داخل البيت , ولازم اني اخرج برا البيت

علشان يجينى برج واحد ولكن عقب ماركبت هذا الجهاز وهو عباره عن رسيفر تشبكه في الكهرب ويخرج منه

واير حق الاريل الخارجي ( فوق البيت ) ومن الجهة الثانيه يخرج منه واير حق الاريل الداخلي..

وعند تشغيله تشوف ابراج الجوال ماشاء الله فـل.

http://www.mekshat.com/pix/upload/images20/mk1168_4.jpg


ايضا يوجد للسيارة بس طالبه وتوه ماأستلمته..

http://www.mekshat.com/pix/upload/images20/mk1168_1.jpg


http://www.mekshat.com/pix/upload/images20/mk1168_2.jpg

http://www.mekshat.com/pix/upload/images20/mk1168_3.jpg



واي استفسار حااااضرين..

اخوكم / المري

[aboabdulah]

السلام عليكم
اين يوجد مـقــوي للجوال للبيت
جزاك الله خير

[فتى الوادي]

السلام عليكم ...


ممكن مداخلة يا شبابا .. ( تفضل ) ... ( شكراً )

أقول لا ننسى أضرار موجات الجوال والأشعة ... سمعت أن هذا الجهاز ( المقوي ) مضر بالصحة ...

[المري]

مقوي الجوال هذا شريته من جده ..

بخصوص انه مضر بالصحة والله ماعندي خبر.. وعسى الله يستر..

[العنبري1]

الله يعطيك العافية اخوي المري على المعلومات الجميلة ...

لكن عندي استفسار عن الموزع له وهل هو موجود في الرياض ...

شاكر ومقدر لك جهودك ...


اخوك ابوابراهيم ...

[lematha]

الاخ المرى بعد التحيه والتقدير وكل عام وانتم بخير

كم اسعار الاجهزه الخاص بالبيت والسياره وهل يصلح لجهاز الايكوم 8000

[ولد الأمارات]

مشكور اخوي ..بس كم سعره ؟

[سماء نجد]

مساكم بالخير
والله من ناحية الاضرار كل شي صار مضر بهالوقت
حتى القهوه والشاي صارن مضرات
وانا اقول مادام الطير جاهز حتى مقابل وجهه اهلي صار مضر
على العموم وين نلقى مقوي السياره وبكم ؟
نرجو إفادتنا اخوي المري

[عطشان]

يغطي المنزل كله والا لازم اشغله قريب من المقوي

[Abu-Nawaf]

جزاك الله خير

[المري]

مرحبا بالاخوان جميعا وحياكم الله

بخصوص المقوي تقريبا يغطي البيت كله , واذا طلعت من البيت يضعف الجوال ,, يعنى لازم تكلم وانت داخل البيت..

بخصوص سعره في حوالي 2000 ريال الى 1800 ريال..

بخصوص هل يوجد له وكيل في الرياض , على ماأعتقد لايوجد له ؟

وشكرا

اخوكم / المري

[سداااااح]

ياليت تفيدنا عن
مقوي السياره يعني كم مسافة المقوي عن البرج بحالة انقطاع الارسال
1- كم سعره
2-صناعته يعني تايواني
3-طريقة شبكه بالجوال يعني يبث محيط معين ولا لزم يشبك سلك للجوال
الله يعينك والله وطحة بالنشبه هذا هههههههههههه
ومشكووووور ومتقصر
اخوك سدااااح

[المري]

مرحبا بالاخ هداج ..

بخصوص المقوي مايحتاج تشبكه على الجوال لانه مثل برج الجوال..

وسعره من 2000 الى 1700 ريال يزيد 100 ينقص 100 ريال

المهم حول ذا الأسعار..

صناعته صينى رقم 1

وسلامتك

اخوك / المري

[الرهدن]

لكن أخوي ماقلت هل له وكيل أو حتى موزع00
وياليت أرقام هواتف00 ولاتنسى توافينا بمقوي السيارة00
جزيت خير00



.

[المري]

مرحبا اخوي الرهدن وحياك الله يالسنافي..

بخصوص تلفونه في جده جوال رقمه : 0508226617

بخصوص مقوي السيارة ماادري متى بيجي ..

وسلامتك

اخوك / المري

[خيال الغلبا]

ياشباب اللي يحصل مقوي البيت في اي محل بالرياض يخبرنا الله يجزاكم خير

[خيال الغلبا]

للرفع .............
لحاجتي الملحة لهذا الجهاز في الرياض

[صقر الاردن]

السلام عليكم
اخوي اريد اسأل هل يوجد له
وكيل في الامارات وهل تستطيع
احظار رقمه اذا ما فيها ثقله عليك
اخوي واذا كان الجواب لا هل
استطيع شحن اثنين واحد للبيت
وواحد للسياره لانني بصراحه
احتاجه لطبيعة عملي هنا وفي
الاردن .
اخوك سلطي .

[المري]

مرحبا اخوي خيال الغلبا

ماادري هل فيه وكيل في الرياض ام لا؟؟

اخوي سلطي ..

حااااضرين للأهل الامارات اذا بغيت نشوف الشحن نكلم الشركة واعطيك خبر ..

[Algthami]

اخوي المري يعطيك الف صحة وعافيه علي الموضوع المفيد
سين سؤال
1 : فين موقعه بجدة
2 : وش اسم المحل

[المري]

والله ماعرفه, كلمته وقال حول الفلوس حولت له الفلوس ثاني يوم استلمته في الأحساء..

والجهاز روووووووووعه ماعليه كلام واللي احسن منه وسوف يخدم القنوص وهل البر هو المقوي على السيارة..

وسلامتك

اخوكم / المري

[خيال الغلبا]

اخوي المري
لي يومين احاول الإتصال به

ومقفل جواله

[صقر الاردن]

اخوي المري شاكر لك حسن تعاونك
بس اريد ان اسأل اذا مافيها غلبه اخوي
لو تسأل كم يكلف سعر الجهازين +الشحن
للأردن او للأمارات .
مع تحياتي لك . اخوك سلطي .

[الجرنـاس]

خيال الغلبا
المري في منطقه الإرسال فيها شبه معدوم

[المري]

مرحبا اخوي خيال الغلبا

انا في الدوام اسبوع كامل ماعندي ارسال ..

بس حاااااااااااااضر لأي استفسار..

شكرا اخوي القرناس.. وماقصرت..

اخوك / المري

[ولـد الدوادمي]

طيب الله لايهينك أخوي المري ولايهون البقيه

هل ينفع لو اخذه معي للبر على الطمره ؟

[سداااااح]

الي يبه مولزم بالرياض
يحصله عند احدا المكانين
1- محلات الدائري الشرقي المحلات القريبه من وكيل قارمن بين 13 و12
2- اتصالات المرسلات المحلا الاخيره قبل شركة الاتصلات
ولكن ارجو تكملت الموضوع يعني اللي يشتريه يقولنا شريته بكذا ويبلغنا عن اداء المقوي
اخووووكم
سداااااح

[الخادم]

السلام عليكم و رحمة الله و بركاتة
لقد اتصلت شخصياَ على رقم الجوال الموضح باول صفحة و رد على شخص مصري من لهجتة و طلبت مواصفات الاجهزة و صناعتها و اقيامها و قال بالحرف الواحد :
1- جهاز البيت قيمتة من 2050 ريال الى اكثر من ذلك حسب مساحة الفلة الداخلية 0 فقط يقوى الارسال اذا فية ولو اشارة برج واحد و اذا لايوجد اشارة لايستطيع جلبها اطلاقاَ 0 و الصناعة تايوانية 0
2- جهاز السيارة قيمتة 2000 ريال و الصناعه تايونية مثل البيت يقوي الاشارة اذا هي موجودة ولو برج واحد داخل السيارة فقط لعدة اشخاص بدون ان تشبك سلك بالجوال و الانتل يشتغل على الولاعة 0

يستطيعون ارسالة لك بالشحن على حسابك و لاينزل قيمتة الا اذا اخذت عدة اجهزة 0


بمعنى قيمتة الفان ريال اذا لايوجد ارسال لايستطيع ان يزيد قوة ارسال اقرب برج جوال لديك

أمل اني افدتكم ولو بشي يسير و لكم تقديري

[الفردوس]

http://ec1.images-amazon.com/images/P/B000FIMVG8.01-A3AQ4LNY6VSXY0._SS400_SCLZZZZZZZ_V37593476_.jpg



http://www.amazon.com/Richardson-Electronics-Call-Capture-vehicle/dp/B000FIMVG8/sr=1-12/qid=1163576016/ref=sr_1_12/002-1913770-2200033?ie=UTF8&s=wireless

السعر 240 دولار= 900 ريال ومع الشحن 1100