المساعد الشخصي الرقمي

مشاهدة النسخة كاملة : ساموراي 97


جبعي
20/07/2013, 05:38 AM
عندي حراره النص على طول شيكت على البلف غير موجود هل حرارته عاديه وش السواه دلوني يعطيكم العافيه
..D7oom
20/07/2013, 05:52 AM
حياك الله اخوي

انا ضد الي يشيل البلف فانت اشتري واحد جديد وركبه

والله انا مالي علم بسيارتك وكم حرارتها الطبيعيه

من قبل توصل النص مع البلف .؟

وان شاء الله يفيدونك الشباب
من.بادي الوقت
20/07/2013, 04:09 PM
اخوي
شيلة البلف تضعف طرنبمة الماء وتخلي المكينة جهة منها باردة وجهة حارة ما يزيد الصداء وتاكل الحديد بفعل الحرارة
واتوقع الرديتر عندك تعبان كذلك لان البلف مشيول من مدة بعيدة.

الهدف من وضع ( الثيرموستات ) بلف الحرارة:
المحافظة على ثبات درجة حرارة المكينة عند الحركة والوقوف وتقبلها لاي عزم مطلوب
خفض درجة حرارة المحرك عند زيادتة بشكل متساوي

الحل انك
تشيك على تماتيك المروحة ( اذا فيه اي مشكلة غيره اصلي وكالة ) اذا كانت سياراتك فيها تماتيك
تشيك على طرنبة الماء ( اللي تسحب الماء من الرديتر الى المكينة ) اذا كانت فيها اي مشكلة او ضعف غيرها على طول
تغسل مجاري الماء في المكينة بالماء وبمقاوم الصدى ( موجود عند ورش الرديترات )
تغير الرديتر مع الغطاء ( اصلي وكالة )
تركب بلف ( اصلي وكالة )
تركب ماء رديتر ياباني ( احمر ) جالونين والباقي ماء مقطر ( العلبة بريالين ) وابتعد عن ماء الحنفية لان ما وراه غير الخراب ويملح على المواصير ويصدي اذا جاته حرارة وحالته حاله



بعدها
أضمن لك ان السيارة تكون طبيعية 95%
الا اذا كان عندك مشكلة في راس المكينة

اذا تبي تفحص راس المكينة
شغل السيارة وبعد ما ترتفع الحرارة
افتح فتحته الرديتر راح تفور بفعل الحرارة وينقص الماء
زيد الماء بماء فاتر غير بارد يفضل ساخن نوعاً ماء
حتى يتملي الرديتر وانتظر
اذا كان هناك تفوير فالماء من الرديتر ( تفوير قوي )
معنها عندك مشكلة فالراس
فيه تنسيم او يحتاج مسح
ويلغى الكلام بالاعلى كامل

بالتوفيق
SGL
20/07/2013, 05:25 PM
أخوي في بعض السيارات طبيعي حرارتها النص بدون بلف مثل مازدا626ومثل السوبارو وغيرها كثير بس ضروري تركب بلف مثل ماقالوا لك الرجال:good: