رأيكم فشق شوزن ..

[نفل الفهود]

السلام عليكم ..

ما رأيكم بفشق باتريوت 36 جرام رقم 4

هل هو جيد للصيد والا وش وقعه ؟

[4fun]

وعليكم السلام

اللي اعرفه ان الناس تمدحه وعن نفسي ما جربته

لكن بيفيدونك الاخوان اللي جربوه

[نفل الفهود]

انا يوم بحثت لقيت مدح للباتريوت 36g/6
ال4 مالقيت .

وانا سألت لاني خابر الفشق حتى وهو من شركه وحده تلقى الناس 6 يمدحونه ويسبون 7.5 وهن من نفس الشركه .. والعكس صحيح يمدحون السبع ويسبون الست ..

فما ادري هل فيه احد جربه باتريوت 36g/4 ويفيدنا هل هو طيب او لا .

[عآشق الbaikal]

والله ما جربت الــ4
لكن الــ6 منتاز وانصحك فيه

يفيدونك الاخوان
تقبل مروري

[شمالي و الهوا غربي]

اذا هو رخيص لاباس به يمشي الحال
واكبر عيوبه عدم الاصابة و يؤثر على البندق

[ابونايف....]

السلام عليكم ياالربع فشق رمنتقن 6 /36 احد عينو منكم احد وكم سعره

[نفل الفهود]

جزاكم الله خير جميع ..

اذا عيبه عدم الاصابه ما عاد ينفع ولا بريال

[4fun]

استخير قبل كل شي

[خليل909]

انا جربت ال٦/٣٦ فشق ممتاز لاكن هذا ماجربته واتوقع مايختلف بشي خذلك دسته وجرب

[تميم2222]

انت وش صيدك ؟؟. طيار ولا واقع. ولا ويش

[نفل الفهود]

الغالب واقع وان وافقت الطيار رميته ..

[تميم2222]

شف كرتون الفشق. مكتوب عليه o/z مثل هالرمز. تاكد لي هو فيه ولا لاهنت

[نفل الفهود]

ما اظن انها موجوده .. مالقيتها .

[محمد العجرمي]

بحثت عن 4/36 مالقيت عنه شيء

اللي زين للرمي 6/36

[S3oDi]

رقم 4 عادتا خليط مابين رقم 6 ورقم 1

وانا جربته ممتاز ولكن كل شخص له ذوق غير الثاني

ولكن خذ منه ولا تكثر جربه بنفسك وانت اللي تحكم عليه

وموفق خير

[نفل الفهود]

جزاكم الله خير