دخان أسود أثناء التشغيل

[ملك السيييف]

السلام عليكم ورحمة الله وبركاته


إخواني عندي لاند 94 نظيف أثناء التشغيل يطلع من الشكمان دخان أسود يتم فترة بسيطة ومن ثم يختفي والحمد لله الماكينة صافية والزيت ماينقص والموتر كبليتر


هل احتاج إلى إصلاح كبليتر أو شي آخر
وإذا تركته هل فيه مشكلة أوضرر


ويعطيكم العافية .

[نافارا.......]

وعليكم السلام
غير بواجي وان شاء تضبط معك

[ملك السيييف]

يعطيك العافية أخوي

غيرت بواجي ونفس المشكلة .

[hassan-55]

اتوقع والله اعلم ممكن من بلف التبخير يحتاج تنظيف او تغيير

وممكن يحتاج تنظيف الكلبريتر

http://store2.up-00.com/Apr13/lw739587.jpg
http://store2.up-00.com/Apr13/Qe739578.jpg


صور مشابهه منقوله من النت


http://montada.haraj.com.sa/imgdir/500b29487de7c.jpg


http://montada.haraj.com.sa/imgdir/500b291aa25f3.jpg

الله ييسر امرنا وامرك وامر كل مسلم..

[sgl2002]

هذا من الكلبريتر

خله دام مافيه تفتفه قوية ولايطفا

[sgl2002]

ولازم اذا جيت تشغل الكلبريتر تدعس نص دعسه وتخلي رجلك ماتشيلها اذا كان حار

واذا كان بارد ادعس دعستين قوية وشغل

[سحــاب]

كانت عندي نفس المشكله بلاند 95 وحطيت علبة زيت فرامل بالتانكي وعبيته بنزين وتركته لين قضى وبعدها غيرة صفاية البنزين وراح التدخين...

[ابوشاهه]

الكلبليتر يبي تنظيف ... بخه ببخاخ منظف كلبليتر نوع اصلي ... وادعس له وانت تبخ .... واحذر من بخاخ اي سي ديلكو ... تراه تعبان مرررره لانه بعد عملية البخ يتجمد مثل الدبس ويشل حركة الكلبليتر ... جربته عندي في الهايلكس ٩٣

[وطن العزة]

أفادوك الأخوان

لكن نصيحه اذا الموتر صافي ومافيه شي من تفتفه وغيره لا تفك الكبليتر أبد إلا اذا ينضف بمكانه بدون فك


لأنه عله اذا انفك خلاص ودعه لأن ما فيه أحد يضبطه مثل شد البلد

[ابوعبدالله 93]

يخوك الكربون الاسود هذا اي موتر كلبليتر لازم يكربن اذ كان خيف فهو عادي اما اذ كان قوي فالكلبليتر يبي له تظيف

[ملك السيييف]

بيض الله وجيهكم على هذه الردود

اللي استفدت منها

لا حرمتم الأجر .

[الشرقيه 03]

اللهم صل وسلم على رسول الله

[ملك السيييف]

هل فلتر الهواء سبب في زيادة الكربون .

[عابر الموج]

اخي الكريم لاتفك الكلبليتر اشتر منظف مخصص بلكلبليتر لونه ازرق والتعليمات مكتوبه بالعربي عليه لاتاخذ غيره ترا فيه انواع لكن التعليمات بالانجليزي خذ الي قلتلك وطبق التعليمات بالحرف الواحد
الطريقه
1- لازم تكون السيارة ساخنه
2- اطف المحرك وشل الغطاء القربه من على الكلبليتر
3- شغل السيارة وخل واحد يدعس دعسه بسيطه على شان مايطفي المحرك اثناء بخ الكلبليتر
4- خلص العلبه كاملة وبعد ذلك اطف السيارة وتركها 15 دقيقه ركب القربه وشغل ودعس على السيارة يطلع الدخان بكثره من الشكمان حتى تصفي الماكينه ومسك الخط لو 20 كم وحذاري من السرعة الزائده وراح ينظف الكلبليتر وتصفي الماكينه ويقل صرف البانزين وبعد 3 ايام غير البواجي اصليه ولابي غير الدعاء لي تقبل تحياتي

[ملك السيييف]

بيض الله وجهك عابر الموج وإن شاء الله راح أنظفه .

[mm--]

اخوي انا عندي نفس طريقتك اذا طبقت كلام اخونا عابر الموج عطني تجربتك
والله يجزاك الجنه ياعابر الموج وكل المسلمين