استفسار بخصوص كفرات البالون

[طيار ارضي]

السلام عليكم


حبيت استفسر عن حب الناس للبوالين مع انها تخرب السياره وتسبب رجه وتخلخل كل شي

وقت المطر تنجبر انك توقف لانها تزلق تقول صابون وحتى بالسواقه ماهي مريحه ابد اتسخدمتها تقريبا اسبوع وجابت لي الصمرقع فيها شي واحد حلو انك ماتحس بالمطانيج في البر بسس

ومع هذا الطلب عليها كثير

السؤاال وش الفايده منها ..؟

[أصيل حجآ زي]

السلام عليكم


حبيت استفسر عن حب الناس للبوالين مع انها تخرب السياره وتسبب رجه وتخلخل كل شي

وقت المطر تنجبر انك توقف لانها تزلق تقول صابون وحتى بالسواقه ماهي مريحه ابد اتسخدمتها تقريبا اسبوع وجابت لي الصمرقع فيها شي واحد حلو انك ماتحس بالمطانيج في البر بسس

ومع هذا الطلب عليها كثير

السؤاال وش الفايده منها ..؟



وعليكُم السلام


حنا عرب ونحب الموضة .
لذلك أبو هنود وغيرهُم
يحولون مليآرآت كُل ثلاثة أشهُر .
والحبل على الجرآر .


ما تشوف نسوآننا :
يبدلو ملابسهُم وفرش البيت كُل ثلاثة أشهُر .
وأربح تجآرة هي في ملابس ولوآزم الحريم .
والنآس طفرآنين .


ما يوقع الرآتب ألا في جيب المرة .
:eek:


حتى العُمرة والحج أصبح موضة .
مُجآكرة في كُل شيء .


قبل 30 عآم :
فتح أحدُهُم مكتب عقآر في شآرع مدرسة قريبة منا .
وبعد مُدة بسيطة تحول أغلب المحلات مكآتب عقآر .
وبعد مُدة بين سنة وثلاث سنين كُلهُم أو أغلبهُم قفلو بسبب الأفلاس .
ولو فتح خبآز { فوآل } لرئيت أغلب من بالشآرع فوآلة / خبآزين .


النآس تمشيء على ما تسمع في المجآلس .
وليس بدرآسة متأنية / متعقلة وفهم صحيح 100% .
وألا كآن ما خسرو الكثير .


قآل الأمآم العظيم الشآفعي رضي اللهُ عنهُ :
""" نعيبُ زمآنُنا ‘‘‘ والعيبُ فينا ‘‘‘ وما لزمآننا عيبٌ سوآنا """


اللهُ المُستعآن .



بالتوفيق
والله يصلح أحوآل المُسلمين في كُل مكآن .

[طيار ارضي]

وعليكُم السلام


حنا عرب ونحب الموضة .
لذلك أبو هنود وغيرهُم
يحولون مليآرآت كُل ثلاثة أشهُر .
والحبل على الجرآر .


ما تشوف نسوآننا :
يبدلو ملابسهُم وفرش البيت كُل ثلاثة أشهُر .
وأربح تجآرة هي في ملابس ولوآزم الحريم .
والنآس طفرآنين .


ما يوقع الرآتب ألا في جيب المرة .
:eek:


حتى العُمرة والحج أصبح موضة .
مُجآكرة في كُل شيء .


قبل 30 عآم :
فتح أحدُهُم مكتب عقآر في شآرع مدرسة قريبة منا .
وبعد مُدة بسيطة تحول أغلب المحلات مكآتب عقآر .
وبعد مُدة بين سنة وثلاث سنين كُلهُم أو أغلبهُم قفلو بسبب الأفلاس .
ولو فتح خبآز { فوآل } لرئيت أغلب من بالشآرع فوآلة / خبآزين .


النآس تمشيء على ما تسمع في المجآلس .
وليس بدرآسة متأنية / متعقلة وفهم صحيح 100% .
وألا كآن ما خسرو الكثير .


قآل الأمآم العظيم الشآفعي رضي اللهُ عنهُ :
""" نعيبُ زمآنُنا ‘‘‘ والعيبُ فينا ‘‘‘ وما لزمآننا عيبٌ سوآنا """


اللهُ المُستعآن .



بالتوفيق
والله يصلح أحوآل المُسلمين في كُل مكآن .


اللهم امين

وحيالله الشيخ اصيل :D

يعني تتوقع انها بسس موضه وكشخه..؟ وعلشان انها كشخه اتحمل كل المصايب علشانها :eek:

[تميم2222]

والله يحبها راعي الطير عشان العاذر ما تنفع الا هالكفرات معه. لكن الصناعه الاخيره منها فاااااااشله وبقوه. صار يجي فيها تنسيم في اغلب اللي يركبونها. وسعرها مبااالغ فيه

[أصيل حجآ زي]

اللهم امين

وحيالله الشيخ اصيل :D

يعني تتوقع انها بسس موضه وكشخه..؟ وعلشان انها كشخه اتحمل كل المصايب علشانها :eek:



أنا أتوقع جزء من كثير من اللي نسويه موضة .
مُجآكرة .

فُلان سوى كذا /// ليش أنا ما أسوي مثلُه .

ويمكن بعض الأشياء لها هدف أو فآئدة .
اللهُ أعلم .

لاكن التقليد / المُجآكرة كثُرت في أشياء كثيرة .

موفق

وتلقى خير

[أصيل حجآ زي]

والله يحبها راعي الطير عشان العاذر ما تنفع الا هالكفرات معه. لكن الصناعه الاخيره منها فاااااااشله وبقوه. صار يجي فيها تنسيم في اغلب اللي يركبونها. وسعرها مبااالغ فيه



أما هذي { الصيد }
ما لنا خبرة بها يا تميم .
يمكن هذا هدف الكثيرين .

كنا نصيد يوم حنا صغآر .
ولينا ألى غير رجعة .
ما عآد فيه شيء تصيدُه .
لا غزلآن ولا قمآري ولا صفآري .

يبغى لنا نهآجر لأفريقيا .
:good2:

اللهُ أعلم .
ومنكُم نستفيد .

[القرناس 0]

اصيل حجازي تصير معك الاموري ذي ارجال يسال عن الكفرات وش جاب الحريم والموضه

[عزف ..]

صحيح انه تحس انه يهرقر الموتر

بس بصراحه مريححآت

[طيار ارضي]

مريحات من أي ناحيه ؟. إذا السياره ماتقدر تمشي فيها من الرجه. والسواقه متعبه

[sgl2002]

والله انا افكر من فتره اشتري بالون

بس مدري كيف هي بالنفود لان اغلب طلعاتي نفود

[طيار ارضي]

والله انا افكر من فتره اشتري بالون

بس مدري كيف هي بالنفود لان اغلب طلعاتي نفود

ؤالله كل إنسان وله رأي. وآنا إقولك أبعد عنها. فيها حاجتين حلوه. أنها ترفع السياره وناعمه بالمطانيج. بسس. لكن عيوبها كثير وتسبب أضرار لسياره. ومن وجهة نظري أفضل كفرات. للجيوب دانلوب. العريض. وبس

[ابوسند9]

وعليكم السلام
اخوي انا لي حول عشرين سنه ما اركب اللى بالون وراح اعطيك فوائدها وعيوبها
الفوائد
انسى باذن الله انك تبنشر ولو بنشر وانت تمشي 200 مستحيل يسلخ كا باقي الكفرات ومرتين بنشر على مره امشي 180 ومره 170 ولا تحركت السياره وكانت الكفرات بالون ماكسس الجديد الفتنامي او ما يسما بريسا وهو افشل كفر
طبعا هي مخصصه للارض الحجريه والوعر وليس للرمل
السياره تمشي معك مليون كيلو ما تهرقلت او انفك مسمار واحد
تطرد فيها في او عر ارض وكانك تمشي على الاسفلت بشرط انك تضع الهواء من 15 الى 18 ولو وضعت الهواء اكثر من ذالك اي مثلا 25 او 35 توقع انك تبنشر في اي لحظه لكن بالخطوط تحتاج هواء 35
ما تشيل هم البنشر بالبر باذن الله
نجي للعيوب
ثقيل على بعض السيارات لكن الفتك ما يدري عنها زيها زي اي كفر
الصوت المزعج بالخطوط وخاصه اذا انتصفت با العمر
تحتاج انك تستبدل كفرات قدام بالخلف بعد ممشاء تقريبا من 12 الف كيلو 15 الف حتى يكون هناك تساوي في المسح
اذا كنت راعي حره او وعر تمشيك فقط الى حدود 30 الف كيلو
خطيرة فقط في وقت نزول الامطار واخطر انك لو تمشي وتحصل مستنقع ماء امامك في سفلت ومن ثم تخرج لليابس
تحتاج الغاء نظام الا اي بي اس
الرجه وخاصه لليسارات ذات مقص وليس دفرنس
لكن على العموم تبقى مشكلة كفرات البالون الجديده الموجوده بالسوق الان كلها مغشوشه

[طيار ارضي]

يعطيك. العافيه أبو سند. ماقصرت كفييت وفيت. ولكن عيب الرجه فيها يكرهك بالسياره

[sgl2002]

ابو سند الله لايهينك وش افضل كفرات البالون حاليا

[المتلولس]

والله انا افكر من فتره اشتري بالون

بس مدري كيف هي بالنفود لان اغلب طلعاتي نفود

اخوي انا جربت البوالين 3 سنوات للنفود ماتنفع ثقيله الميزه اللي فيها مافيها مطب جدا مريحه وتنفع للحجرة وعيوبها انس الرساوه عمر الكفر قصير والانواع الجديدة كل اسبوع تنسم

[المتلولس]

اصيل حجازي تصير معك الاموري ذي ارجال يسال عن الكفرات وش جاب الحريم والموضه

اخوي القرناس ابو عبدالرحمن اخوي اصيل احجازي
يعطينا امثله على المجاكرة بشكل عام ويعطينا مثال بس

[ابوسند9]

ابو سند الله لايهينك وش افضل كفرات البالون حاليا
والله يا الغالي
للاسف كل اللي بالسوق مغشوش والناس تشتري الان وما يسئل عن الصناعه
فا الاسيام والهيرو والمالون تجي صيني الان ولكن مكتوب على الكفر تايواني وهو صيني
وبالاساس صناعتها سابقا تايلندي
فما عندك الان اللى سوموتومو صناعة اندونيسي لكن نادرررجدا تحصله
لكن انا اقول لو تدور لك كفرات مستعمله وتجرب
والماكسس حظوظ لكن الغالب سيئ ,, لكن لو حصلت ماكسس فيها نص عمر بشرط انه ما تنسيم مع جنب الكفر كويس ,بدل ما تشتري جديد