المساعد الشخصي الرقمي

مشاهدة النسخة كاملة : الفزعه ياال مكشات


ماعفتهم
21/07/2013, 06:03 PM
سلام عليكم ورحمة الله وبركاته


مساكم الله بالخير جميع وتقبل الله منا ومنكم صالح الاعمال

ياخوان عندي غنم حريات فوق الميه من فترة تاكل شعر بعضها وعطيتها ملح ولانفع ورحت لبيطري سوداني قال هذا سوء طبع غير حلالك ماينفع العلاج . ورحت لبيطري مصري قال لا عطها قاتل ديدان وعطيتها قاتل الديدان وخفت احسن من اولربس لا زال البعض ع هذا الطبع

تكفون وش السواة يالربع الله يرحم والديكم
طرزان الرياض
21/07/2013, 06:07 PM
الله يعينك وناخوك والله ماعندي علم لاكن بشور عليك بعد اذن الاداره والمشرفين الاجواد .....اعرض مشكلتك في منتدى اغنام اللقسم الطبي فيه دكاتره بيساعدونك
ذيب ذهلان
21/07/2013, 06:14 PM
بدال الملح يبسلك حرمل حطه في اخياش وحطه في احواض الماء كلام شايبنا عندي والله الموفق
تربة الشمال
22/07/2013, 11:28 AM
مرحباء اخوي الغالي رح للبيطري وقله ابي املاح اكل الصوف هي عباره عن سطل فيه 3 كليو لونه اصفر والغطاء حقه لونه احمر سعره 45 ريال وهو يحتوي علئ عدة فيتمينات واملاح معدنيه وطريقته يوضع في الماء يومياً لمدة اسبوع كذلك جب كيس ملح احمر وكيس ملح اصفر وكيس ملح ازرق وكيس ملح طعام ابيض قم بخلط الجميع في كيس شعير فاضي ضع مقدر نص كليو يومياً مع العلف الشعير او المكعب اذ كان مع الطعام تذطر تاكله لانهاء جايعه وتقبل تحياتي
ماعفتهم
22/07/2013, 12:37 PM
شكرا لكم جميع وجزاكم الله خير
ابو الشباب3
22/07/2013, 01:01 PM
حاول تعزل الي تاكل في حوش لوحدها

الحرمل جدآ ممتاز بس بشرط تلقطه قبل طلوع الشمس وتيبسه وتحطه مع المويه ولا تكثر في البداية

عندها نقص املاح مثل ماقالو الشباب مر اقرب صيدلي وعطه السالفه ويدلك على العلاج وقله انك معطيها جراعات اول
جبل حبشي
23/07/2013, 11:50 AM
حط للحلال كبريت كل فترة وفترة تحصلة عند العطارين خذ لك كيلوين وحطها بخيشة رز ونقعها في المشرب للحلال ...
وكل شهرين إلي ثلاثه حط للحلال (المره) تحصله عند العطار .
نصف كيلو حطها فيه خيشة بصل ونقعها في المشرب ..
وبتشوب أمور طيبة أن شاء الله ....
ماعفتهم
23/07/2013, 01:05 PM
بيض الله وجيهم والله يوفقكم .. شكرا من اعماق قلبي
قنا النفود
23/07/2013, 06:00 PM
سببه نقص بالدم والديدان اول الحلات استمر بالعلاج حق الدود وانشالله يمف ولاتنسى وظع الملح لتنه يبي فت ه العلاج ومتابعه انا صار معي ولله الحمد انتهي بالطريقه