افيدوني بارك الله فيكم

[خطف الروقي]

السلام عليكم ورحمته الله وبركاته
اسعد الله صباحكم
ومبارك عليكم شهر الصيام
اخواني عندي مشكله تكفون يالربع الي يقدر يفيدني يعلمني .... المشكله !!!
عندي سلقه ماتقدر تقوم وتمشي بخفيف تحس انها كسلانه بالمره بالقومه وبالمشي وتاكل خفيف .
وديتها لدكتور بالعزيزيه متخصص كلاب وقال فيها طفيليات بالدم
وذكرها لي القراد والحشرات مليان جسمها وعطاني علاجات قيمتها 400 ريال قال قبل كل شي غسلها وروشها بجاره 15٪ قوتها
قلت اوك حطيت بدال 15 ٪
حطيت 60 ٪ لمده اسبوع
وراح القراد والحشرات وحطيتها فوق السطح واستمريت علئ العلاجات لي 20 يوم
واكرمها كرررررررررم .
بس للأسف ماتحسنت وعطيتها علاج يسمن بس للأسف مافاد فيها شي جسمها ضعيف جدآ عظامها واضحه تحس هلكانه وشعرها اذا مشطته بالمشط يطيح بكثير . السلقه عربيه

ممكن تفيدوني بارك الله فيكم .
وشكرآ

[على كف القدر]

يفيدونك الاخوان ... وانا ماشوف مابه طب لان جتن سلقة نفس العلة ومافاد شي معه ، بس مادري وانا اخوك معطي السلقة تطعيمات .

[خيال من عتيبه]

السلقه كم عمرها ؟ ؟؟

[واحد طش]

غريب مرضها ... ولكن غير مكانها حطها في ارض ترابية ممكن تتحسن

[خطف الروقي]

السلام عليكم ،،، ي جماعه الخير السلقه مدري كم عمرها جتني من واحد عزيز علي وغالي ويدري انها مرضانه ونا ادري انها مرضانه ولكن قلت بعالجها .
بس حاولت ولاقدرت .
الحين توني معطيها خمس بيضات بصحن وحركته اللين مااصفر البيض وحطيت شوي حليب سعوديه شي بسيط
عشان مفعول البيض مايروح وتوني مشربها اللين قالت بس .
يقولون انه ينظف البطن ونا مدري بس يقولون ونا سويتها الحين وبشوف وش النتيجه .
مع العلم ان الدكتور يقول فيها طفيليات بالدم
وفيها دود في بطنها .

[خطف الروقي]

وقفت العلاجات صارلي خمس ايام وبحاول بعلاج البيض بس مدري كم مره اسويله البيض !!!

وبعدها بشربها حلبه كل يوم لمدة اسبوع .
وبشوف
طبعآ الحلبه من راسي بسويها .

[خطف الروقي]

محد رد علي !!!

[قناص الوسطى]

بارك الله فيك الدود الي بسلقتك ممكن يكون دود شريطي لاكن اخذ لها العلاج هذا CURAZOLEمن اي بيطري حلال وعطها ١٠سم كل يوم مده سبعه ايام وكررها لها بعد عشره ايام ونشاالله يجيب نتيجه وان حصل تحط ثوم مهروس بقاروره صحه صغيره وتغرها فيها ٣ايام افضل

[خطف الروقي]

غريبه رفيق الامل وينگ !!؟

ماشاء الله عليك بما انت خبير بالسلق وهاويها اكيد انك تعرف عن امراض السلق ويمكم قد مرت عليك مشكلتي
او تعلمني بس علئ الاقل وش فايدة البيض وكم مره اسويه وكيف طريقة استعماله ياليت

لان احس جبت العيد بالسلقه كل شي شربتها

باقي الاسيد الظاهر بشربها

[صقار الحدقه]

لولا المخافه من الله كان قلت لك احذفها من فوق السطح
السلقه وجعانه وش تبيبها

[خطف الروقي]

ياخوك لقيت احد يعطيك سلقه !! سألتك بلي خلقك !؟

يارجال ينعدون بالاصابع الي يعطيك وش تبيني اسوي ؟؟
مالوم الريجيل مايعطون الاعلانات كلها تكفون ابيلي سلقه ابيلي سلوقي صارلي شهر والثاني يقول سنه ادور وماحصلت وكلها كذب في كذب
وذا جيت شبكه تحصل عنده اقل شي ١١ سلوقي
مدري وش يستفيد اذا جمع السلق
ونا يوم كتبت ابيلي سلقه وخلصت اعلاني وقمت اتصفح باقي الاعلانات حصلت نص الشعب نفس اعلاني بس يامنقص شهر ولا زايد شهرين ههههه يقولون صارلي ادور شهرين سلقه ماحصلت والثاني جايك يقول خمس شهور . يابن الحلال عساك سالم بس .
ويشهد الله العلي العظيم والله والي بنا بيت الله ان مقصدي من الاعلان التشبيه فقط وينقسم الجراوه لصاحب السلقه وادورلي سلقه بس للأسف ماحصلت. واعلاني تقفل شفه اخر واحد يقولون في قسم الاهداءات رح سو اعلانك هناك . وش تبيني نسوي قوانين الموقع مانخالفها وعلئ راسي .
بس انا مغبون من الذيخ الي عندي
عربي اصيل اصيل اصيل وابي سلقه الي اشبيها بالذيخ الي عندي
وجبت السلقه وخسرت عليها فوق ٥٠٠ ريال علاجات ورب الايمان

لو اني حاطها حليب لورعاني احسلي من السلقه
بس عما قلب ونا اخوك والله يسامح بعض الاخوان

ونا ياخوك الذيخ هذا الي عندي اقنصبه لرمله وداخل مهدات وماخذ مراكز الاولئ وقد انسرق وألله جابه الحلال مايضيع
وحطيته بالبيت عشان ماينصرق وصارله اكثر من ٥ شهور بصطح حاطه والله ولا مره اخذته للبر صعبه انزله واطلعه وانزله واطلعه
وتخبر انا رجال متزوج وصعبه جدآ جدآ انزله واطلعه من البيت
احس الذيخ لياقته طاحت وبقوه وانتفخ من النعمه .
وادورلي سلقه الئ يومك للأسف ماحصلت ونا بيني وبينك ماحب اذل نفسي ولا اترجئ واحد عشان تسلب
ان جت ياهلا ومرحبا براعيها وان ماجاء مهي فارقه عندي
والي عنده سلقه طيبه هذا رقمي بعد اذن ادارة الموقع ( فضلن وليس امرن ) مع الرجيع الي عندي السلقه ههههههههه
تقبلو تحياتي لكم / اخوكم خطف الروقي
٠٥٠٨٧٠٥٠٠٣

[راعي ياقوت]

الله يكون بعونك ويفي دونك الربع

[ساهر حايل]

ياخوك لقيت احد يعطيك سلقه !! سألتك بلي خلقك !؟

يارجال ينعدون بالاصابع الي يعطيك وش تبيني اسوي ؟؟
مالوم الريجيل مايعطون الاعلانات كلها تكفون ابيلي سلقه ابيلي سلوقي صارلي شهر والثاني يقول سنه ادور وماحصلت وكلها كذب في كذب
وذا جيت شبكه تحصل عنده اقل شي 11 سلوقي
مدري وش يستفيد اذا جمع السلق
ونا يوم كتبت ابيلي سلقه وخلصت اعلاني وقمت اتصفح باقي الاعلانات حصلت نص الشعب نفس اعلاني بس يامنقص شهر ولا زايد شهرين ههههه يقولون صارلي ادور شهرين سلقه ماحصلت والثاني جايك يقول خمس شهور . يابن الحلال عساك سالم بس .
ويشهد الله العلي العظيم والله والي بنا بيت الله ان مقصدي من الاعلان التشبيه فقط وينقسم الجراوه لصاحب السلقه وادورلي سلقه بس للأسف ماحصلت. واعلاني تقفل شفه اخر واحد يقولون في قسم الاهداءات رح سو اعلانك هناك . وش تبيني نسوي قوانين الموقع مانخالفها وعلئ راسي .
بس انا مغبون من الذيخ الي عندي
عربي اصيل اصيل اصيل وابي سلقه الي اشبيها بالذيخ الي عندي
وجبت السلقه وخسرت عليها فوق 500 ريال علاجات ورب الايمان

لو اني حاطها حليب لورعاني احسلي من السلقه
بس عما قلب ونا اخوك والله يسامح بعض الاخوان

ونا ياخوك الذيخ هذا الي عندي اقنصبه لرمله وداخل مهدات وماخذ مراكز الاولئ وقد انسرق وألله جابه الحلال مايضيع
وحطيته بالبيت عشان ماينصرق وصارله اكثر من 5 شهور بصطح حاطه والله ولا مره اخذته للبر صعبه انزله واطلعه وانزله واطلعه
وتخبر انا رجال متزوج وصعبه جدآ جدآ انزله واطلعه من البيت
احس الذيخ لياقته طاحت وبقوه وانتفخ من النعمه .
وادورلي سلقه الئ يومك للأسف ماحصلت ونا بيني وبينك ماحب اذل نفسي ولا اترجئ واحد عشان تسلب
ان جت ياهلا ومرحبا براعيها وان ماجاء مهي فارقه عندي
والي عنده سلقه طيبه هذا رقمي بعد اذن ادارة الموقع ( فضلن وليس امرن ) مع الرجيع الي عندي السلقه ههههههههه
تقبلو تحياتي لكم / اخوكم خطف الروقي
0508705003


هههههههههههههههههههههههههههههههه اما الرجيع يالخال :D:D:D

لامذله ولاشي وانا اخوك بالعكس عادي بس اصبر علي لازم كبيره بالعمر اللي تبي او لا تنفع جروا ؟؟؟

انا مدخل كثير هنا وياليت بالخاص ترسل ياغالي ومالك الا رضااااااااااك

[خطف الروقي]

كان بودي ارسلك خاص بس مافي امل هههههههههه
يطلعلي هالكلام !!!


رسالة إدارية
نأسف لا يمكنك ارسال رسائل جديدة قبل 50 مشاركة لديك الأن 33 مشاركة
الإدارة.

(جعل والدينك بالجنه وبيض الله وجهك
مالك لواء صغيره ماتصلح بقوم اعلفها اللين تكبر تبيني اخسر عليها مثل ٥٠٠ ريال علاجات هههههههه
ومهي غريبة عليكم ياهل حايل تهدون الابل

الي عندي ابيض عربي اصيل نحر فخوذ ظهر اذاني فل كامل ههههههه)

[خطف الروقي]

ياالربع الحلبه كيف طريقتها ..؟

وكم مره اعطيه ؟ وبعد الاكل ولا قبل الاكل ؟

[.هذلول]

اخوي خطاف السلقه مادام هي ضعيفه عطها حبوب للدود تجي عند البيطري الي انا اخذها تجي كبيره كبر الفواره تاخذها بعد 15 يوم تعطيها الثانيه وحطها مع تمره عشان ماتطيح من فمها لانها كبيره الشي الثاني الضعف رح للبيطري خله يعطيك قطاره فيتامين يجي زي الزيت تحطه في فمها يوميا لين تتحسن وعليك بالحليب كل يوم ياتعطيها طبيعي ياحق البقالات السعودية او مراعي

[زياد العنزي]

المشكله مرت علي قبل حوالي 5 اشهر صارت السلقه ماتقدر تمشي ابد حتى لما توقف تطيح على القاع خمول وكسل لاخر حد جبت لها حليب نياق ووقفت عنها الاكل ليومين خليتها على الماء والحليب بعدها صارت تركض وتلعب مع السلقان الباقيه ماشاء الله عليها وشبيتها بعدها باسبوع ووضعها تمام لاكن المشكله عندي ماطولت على 3-6 ايام ولا انها مثل العسل وعليك بحليب النياق الطازج او الماء والملح اذا بطنها فيه دود الملح وحليب النياق ينظفن البطن وابعد عن البيطري ماغير ياخذ فلوس بدون نفع

[خطف الروقي]

بيض الله وجيهكم
بالنسبه لحليب الخلفات ماعندي اباعر لقحات

ولكن انا استمريت علئ البيض يومين يقولون ينظف البطن وقفت عن البيض ولا ادري وش اعطيها الحين . !!؟

بالنسبه لفتيمين الي يسمن شريته ، ولا فاد وسحبت عليه .

والمشكله الاكبر ان فيها طفيليات بالدم . اعتقد الدود مافي يمكن تشافت منه .
بس باقي طفيليات بالدم .

[زياد العنزي]

وجهك ابيض

كانها طفيليات بالدم اتوقع انك ماقدرت تعرف وش نوع الطفيليات اللي فيها لانها اتعدد الطفيليات

ولا تعطيها دواء الا بوصفه من البيطري بعد الفحص خله يفحصها لك واذا تبي باالعلاج الطبيعي اللي ماله آثار جانبيه ومايضرها اذا مافنعها الثوم الطازج او قشر الجوز
او انك تعمل تحليل لعينة الدم علشان تعرف نوع الطفيل الموجود ، لان هنك اكثر من نوع ، وعلى اساس التحليل نقدر نحدد لك العلاج

هذا اللي اعرفه يالحبيب ولو كان عندي علم ثاني ماقصرت معك فيه ..

[خطف الروقي]

جعل والدينك بالجنه وافي يالعنزي وافي


ولكن قالي الدكتور عندها طفيليات بالدم ..

قلت من شنو هالطفيليات !!!؟

قال من الحشرات والقراد يمتص دمها وينقل العدوئ لها لان القراد وصخ ومضر وعشان كذا نقلها العدوئ


طيب الثوم كيف طريقته بارك الله فيك ومتئ اعطيه بعد الاكل ولا قبل الاكل .!؟

في مويه اطحنه ولا ازقطها في فمها !!؟

[زياد العنزي]

ماسوينا شي يالحبيب ...

بيت السلق اللي عندك حاول انك تجيب مبيدات اللي تقتل الحشرات والقراد وحاول انك ترش على جسم السلق اللي عندك من المبيدات رش حول البط والظهر وبين الرجلين وانتبه لايجي على العين ولا الفم وخل البيت نظيف دائما اذا كنت حاطها مع سلق ثاني والافضل انك تعزلها

يمديك مع الاكل
حاول انك تعطيها اياه مع عجه كانك تعرفها اللي هي مثل المطبق لاكن بدل ماتحط بصل حط ثوم وكثر الكميه شوي وزود الملح

ويمديك قبل الاكل او بعد الاكل بمده يعني ساعه ولا اثنين
.. جب لك من المطاعم فيه الثوم اللي يجيك مع البرست جب لك كم واحد وحاول تشربها اياه شرب واستمر عليه يومين ولا ثلاثه

المهم كلمني على الواتس اب اذا صار معك اي جديد لان احتمال ماكون موجود هاليومين كلمني على الرقم 0543310984

[خطف الروقي]

الله لايهينك يالغالي ورقمك اخذته

واعذرني علئ الرد متإخر كنت برئ الرياض وبأذن اله راح اتواصل معاك .