افادة من اهل الخبره

[احساس بحري]

اسعد الله اوقاتكم بكل خير اخواني ....
انا طبعاً عضو جديد بالمنتدى ويشرفني الانضمام لكم ..

لا اطيل عليكم انا هاوي حداق من سنوات لاتقل عن 10 سنوات وزرت اماكن حداق كثيره منها بوقميص والكويفريه والجبيل بأماكنها المختلفه منها راس بوعلي وغيرها وجعيمه وسواحل الخبر والدمام كلها العقير هاف مون القريه حقت ارامكو ام المرخ وام حويض والزخنونيه وغيرهم .. بس ماعمري ابعدت من الجهه الشمالية عن الجبيل .. وناي في العيد مع الشباب نطلع نخيم لمدة يومين وودي اعرف الاماكن الطيبه الي بعد الجبيل سمعت عن منيفه ومركز مرير والسفانيه وراس الخير وعمودة الخفجي .. اتمنى من اهل الخبره الافاده بالمكان الافضل من ناحية الحداق مع العلم انه حداقنا بس بقصبات ،
وافضل اوقات الصيد في المنطقه ؟
والاماكن الممتازه في المنطقه؟
وهل المنطقة تحتاج لسياره دفع رباعي او لا؟
وشاكر لكم تعاونكم مقدماً

[احساس بحري]

المشاهده وصلت قريب الى ١٠٠ شخص
ومافي اي رد ولا مشاركه معقوله افضل منتدى مافي احد من الاعضاء يفيدنا يا اخوان

[x بروفيسور x]

يفيدونك أهل الشرقية أخوك من الغربية وإلا كان أفدتك
دمت بود ولك فائق التحية والتقدير

[2gether 4ever]

أتمنى من الأخوان في المنطقة الشرقية أن يفيدوك

دمت بود

[احساس بحري]

مشكورين على المرور اخواني ...
واتمنى زي ماقلتم يتفضل علينا احد الاخوان من الشرقيه ويفيدنا بهالخصوص

لكم خالص ودي واحترامي

[مكشاتي سبشل]

مساءالخيرات حياك اخوي وانا من الخفجي وابشر بسعدك
منيفه يمدحون صيدها ولا قد جربتها ومثلك بالعيد ان شاءالله بجربها العامودةحلوه وفيها خير وافضل الاماكن بين المركزين المنطقه المسموحه واعتقد الخيمه المسكره ممنوعه المظله عادي وراس الخير ماجربته
العامودة الصيد المتعارف عليه شعم شعري سبيطي هامور خرم جرجور هذي اغلب الانواع اللي تضرب
الوقت من الفجرلساعه ٧الصبح ومن خمس العصر ل ٧ الصبح
وسلامتك واي شي انا حاظر

[احساس بحري]

تسلم اخوي ورحم الله والديك وماقصرت. بس والله عندي كم سؤال اذا ماعليك امر.
المناطق ذي تحتاج سياره دبل ؟
والعاموده ذي ومنيفه حداقهم كيف اذا بقصبات بس ؟
وابي اعرف اتواصل معك اذا ماعندك مانع رقمك ونتفاهم

[مكشاتي سبشل]

والله بالنسبه للعامودة فيه اماكن تحتاج دفع رباعي واماكن لا
اما منيفه مالي فيها ماقد دخلتها والصيد الحمدلله توافيق من العزيز الحكيم

[احساس بحري]

مشكور ياخوي ووصلتني رسالتك وانشالله بينا اتصال ...

وحبيت اشكر كل الاخوان الي حاولو يسعدونا .. وخلاص تم الاتفاق على منطقة منيفه وانشالله اذا الله رزقنا ابشرو بالتقرير وبيني وبينكم انا رايح هناك عشان سوسو حبيب الملايين لي ٣سنوات ماصدته .

دمتم ب ود وخلاص الاحترام