باترول 95

[ليوان]

السلام عليكم ورحمة الله وبركاته ..
الاخوة الاعزاء
عندي باترول ربع 95 كلبريتر سلق (حكومي) شريتة قبل 5 اشهر نظيف عزم .. صوت .. صفاوة
ومن اخذته اغير له زيت وسيفون كل 3000 كيلو وإذا نقص الزيت اكمله اول بأول ( ينقص في الألف كيلو علبة )قالولي طبيعي هذا النقص لأنه ما قد شفت منه دخان ابيض او ازرق الا بعض الدخان الأسود وهذا معروف انه بنزين او كربون .
في الآونة الأخيرة لاحظت بعض الأمور
1 - اذا مشيت مع طلوع مثل طلعت الشفا في الطائف في نصف الطلعة يصير فيه تنتيع في الموتر ( مثل النتعة اذا كانت السيارة معشقة وقربت توقف ولا دعست كلتش )الحالة هذه تصير والسيارة نشيطه مهي فترانة وتحتاج نمرة وحتى إذا اعطيتها نمرة اثقل برضه تنتع
2 - صار عندي شي غريب وانا ما شي مع طلعة طويلة ومظلمة ..نتعّة السيارة كالعادة ومع الظلام لاحظة مع النتعة ضوء مثل ضوء فلاش الكاميرا طلع من عند الكفر الامامي الأيسر !!!!!
قلت يمكن التماس رحت لأكثر من كهربائي كشفوا قالوا ما فيه اي التماس !!!
3 - بعد ما صارت النتعة هذه ( مع الطلوع ) صارت السيارة تطلع دخان ابيض وانا واقف يعني ادعس بنزين وانا واقف يطلع دخان ابيض كثييييف
وانا ماشي ما الاحظ انه يطلع دخان ..

ما معنى ذلك افيدوني الله يرحم والديكم

[sgl2002]

بالنسبة للنتعه ..

انت فاك البلف حق الحرارة؟ فك البلف في المناطق البرده يسبب تنتيع للموتر وخاصه الكلبريتر وممكن يطفي
هل غيرت البلاتين من قبل ؟ ايضا هذا يسبب تقطيع

اسلاك البواجي كيف توصيلها للكهرب ؟ يمكن احد مجروح او مايوصل صح ولاتنسى سلك الكويل والمبرد


بس الدخان الابيض اتوقع ظهوره مصادفه مع اللذعه اللي شفتها

[طيار ارضي]

وعليكم السلام ورحمة الله وبركاته. إخؤي. سالفة الدخان الأبيض ؤالله أعلم أنها جلد بلوف شيك على البلوف وان شاء الله تنحل مشكلتك

[ابوسند9]

وعليكم السلام
جرب غير بلف التبخير ممكن مشكلة النقص والدخان منه
الشي الاخر حاول تفتح الكبوت بمكان مظلم والسيارة شغاله فممكن تكتشف الفلاش
كذالك غير فلتر البنزين وفلتر الهواء
وبالنسبه للزيت لو تركب زيت التر سفن افضل لان هناك زيوت مغشوشه ومعاد تكريرها

[ليوان]

اخوي sgl وين سلك الكويل وش تقصد بالمبرد

[ليوان]

اخوي العبادي
ابي اشيك على جلد البلوف
يعني لو جلد البلوف فيها مشكلة يصير التنتيع هذا

[ليوان]

اخي ابو سند ابي اشوف بلف التبخير
بالنسبة للزيت استخدم سوبر جيتي 20/50

[sgl2002]

ما اعرف مكانه بالمديلات القديمة لكن يدلونك الشباب

وهو ترى مرتبط بالديلكو


بس قبل ذا لازم تركب بلف الحرارة بالمناطق الباردة والمرتفعات

[طيار ارضي]

اخوي العبادي
ابي اشيك على جلد البلوف
يعني لو جلد البلوف فيها مشكلة يصير التنتيع هذا


لا اخوي انا اتكلم عن الدخان الابيض مو التنتيع .. التنتيع مشاكله كثيره مثل بواجي واسلاك بواجي وسلك كويل وكويل والعظمه (المبرد) الي يجي لونه ابيض جنب الكويل..انا صارت معي مشكله تقطيع قبل فتره وصار الموتر ينتع وانا داعس وكل ما ادعس ينتع .. وكل ماروح ورشه الي يقول كبليتر ولا يقول ديلكو والي يقول كويل المهم حطو كل شي بالسياره



حل مشكلة التقطيع عندي

1- اسلاك بواجي اصلي
2-ربطت سلك بين المسمارين الي بالعظمه (المبرد)

http://im36.gulfup.com/otGER.jpg

http://im36.gulfup.com/KULxi.jpg

بحثت بالنت عن صور للمبرد وماحصلت انجبرت اصور لك وان شاء الله تكون الصور واضحه

طبعا انا شريت عظمه من الوكاله قلت ممكن تغنيني عن ام سلك هذي لكن مانفع الا اربط هالسلك وممكن تكون عندي مشكله ثانيه بالكهرب واتوقع داخل الغماره .. عموما انت قبل تشتري اسلاك افحص الاسلاك والبواجي ولا تركب اسلاك وبواجي الا اصلي من الوكاله وترا ماهي غاليه الاسلاك بحدود180 ..والبواجي بحدود 45 ريال والعظمه (المبرد) بحدود الـ45 او اقل ولاتاخذ الا من الوكاااااله شفني حرصت لك على الوكاله لان الي برا قطعهم مضروبه وبيضرب مخك بتقول السياره مامنها فايده



وترا بالمناطق البارده يطلع دخان ابيض من الشكمان اذا احتمى وهذا شي طبيعي ...

[ليوان]

لا اخوي انا اتكلم عن الدخان الابيض مو التنتيع .. التنتيع مشاكله كثيره مثل بواجي واسلاك بواجي وسلك كويل وكويل والعظمه (المبرد) الي يجي لونه ابيض جنب الكويل..انا صارت معي مشكله تقطيع قبل فتره وصار الموتر ينتع وانا داعس وكل ما ادعس ينتع .. وكل ماروح ورشه الي يقول كبليتر ولا يقول ديلكو والي يقول كويل المهم حطو كل شي بالسياره



حل مشكلة التقطيع عندي

1- اسلاك بواجي اصلي
2-ربطت سلك بين المسمارين الي بالعظمه (المبرد)

http://im36.gulfup.com/otGER.jpg

http://im36.gulfup.com/KULxi.jpg

بحثت بالنت عن صور للمبرد وماحصلت انجبرت اصور لك وان شاء الله تكون الصور واضحه

طبعا انا شريت عظمه من الوكاله قلت ممكن تغنيني عن ام سلك هذي لكن مانفع الا اربط هالسلك وممكن تكون عندي مشكله ثانيه بالكهرب واتوقع داخل الغماره .. عموما انت قبل تشتري اسلاك افحص الاسلاك والبواجي ولا تركب اسلاك وبواجي الا اصلي من الوكاله وترا ماهي غاليه الاسلاك بحدود180 ..والبواجي بحدود 45 ريال والعظمه (المبرد) بحدود الـ45 او اقل ولاتاخذ الا من الوكاااااله شفني حرصت لك على الوكاله لان الي برا قطعهم مضروبه وبيضرب مخك بتقول السياره مامنها فايده



وترا بالمناطق البارده يطلع دخان ابيض من الشكمان اذا احتمى وهذا شي طبيعي ...



اشكرك اخي الحبيب العبادي
تعبتك معي
كفيت ووفيت بارك الله فيك ورحم الله والديك

بس وش دور المبرد
لأن السلك هذا الي ربطته يعني انك لغيت دور المبرد ( هل انه غير مهم )

[طيار ارضي]

اشكرك اخي الحبيب العبادي
تعبتك معي
كفيت ووفيت بارك الله فيك ورحم الله والديك

بس وش دور المبرد
لأن السلك هذا الي ربطته يعني انك لغيت دور المبرد ( هل انه غير مهم )



هلا اخوي .. دور المبرد على ما اعتقد يعني المعلومه ماهي 100% انه يبرد الكويل علشان ما يحتر زياده ويسبب تقطيع وممكن يخلي السياره تطفي نهائي الى ان يبرد الكويل وترجع تشتغل ... والسلك حطيته هو تقريبا اختبار للمبرد مع العلم ان السلك هذا مايخلي البليتين والبويبينه تطول يعني ممكن انك تغيرها باستمرار ... وانا حطيت لك الصور علشان تجرب وتشوف تروح المشكله ولا لا اذا راحت غير المبرد بواحد اصلي ..

[ليوان]

الله يجزاك الجنة

[طيار ارضي]

الله يجزاك الجنة

أمين وياك إخؤي.

[ليوان]

اخواني الاعزاء
طلعت مشكلة التقطيع (التنتيع) من الابلتين قافل بسبب عظمة الديلكو متأآكلة لقيت ميكانيكي بن حلال قال ما يحتاج تغير ولا شي بس افتح لك الابلتين شوي وتوكل على الله

ولقيت صفاية البنزين مسدودة بالوسخ وغيرتها والحمد لله ضبطت الأمور

والدخان الابيض الي كان يطلع (مع الدعس والسيارة واقفه ) انقطع بفضل الله ولا ادري ليش كان يطلع هذا الدخان ولا ادري ليش انقطع !!!!
طبعاً اخي العزيز طيار ارضي قال انه طبيعي مع سخونة الشكمان في المناطق الباردة ولكن انا في جدة منطقه حارة وهذا الدخان طلع معي في جدة مو في الطائف .... نفسي اعرف تفسير لهذا الدخان

الحمد لله اهم شي ان الامور زانت

[crazy ربع]

أنا صارت معي مثل هذي المشكلة وقالوا لي جلد بلوف وغيرتها وضبط معي أنا اتكلم عن الدخان الأبيض ...