متي يصفي الطير

[اللماع]

طيري باقي له ثنتين ثنتين متي يصفي يا شباب و كلمت صاحب المربط قال نص شهر 9 انقليزي و الطير جير شاهين
و فيه واحد ذبحني يقول مؤ صحيح يصفي نص 10 لان الجير يتأخر و مدري هو صحيح ولا لا
يا ليت تفيدونا

[جلاد الحباري]

1-على حسب متى حذف الثالثه اذا له شهر حاذفها او اقل شي بسيط راح يحذف النايفه قريب والموس فيه طيور تمسك لين تصك النايفه وفيه طيور تحذف عقبها بأسبوع وفي منها لا وصلت النايفه القران تحذف الموس

2- عموما كلام خوياك فيه شي من الصحه لان الموس ياخذ 60 ليل لين يعصب

3- الجير بشكل عام يصفي مع الحرار ولا يتأخر وهذي الاغلبيه منها

4- الحرار الفارسيه او المغاتير الملونه فيها نسبه تتأخر في القرناس

الكلام المذكور اعلاه من واقع تجربه مريت فيها واتمنى اني افدتك

[النداوي1]

أخي اللماع السلام عليكم بالنسبه للتهجين أوالتفريخ بشكل عام يصفي قبل الحرار
حسب علمي بشرط أن لا يتعرض الطير لأمراض أثناءالربطه وتكون مدهنته سليمه
وأن تكرمه بالعلف وجبتين وتكون كل وجبه زايده كميتها عن وجبات الحرارلأن التفريخ
بشكل عام كمية العلف التي يحتاج أليها أكثرمن الحرارالوحوش وحسب وزن الطير0ولاهو من
الأنصاف أن تعطي جيروزنه1400غرام مثلا"سمانه وزنها100غرام وتعطي حروحش وزنه
1100سمانه وزنها100غرام أكيد بهالطريقة يبي يقل العلف على الجير ويتأخربالقرنسة
وكذلك يكون عليه تكييف لأنه يبي براد 0


وتقبل تحيات أخوك / النداوي1

[اللماع]

جلاد الحباري
النداوي

لا هنتو علي مروركم العطر و أفادتكم و الله كريم أربه يقرنس بدري

[اللماع]

طيب يعني الحين الي باقي له ثنتين ثنتين و حاذف الثالثة قبل رمضان بيومين متي يصفي

[ابرق الحرار]

راعي المربط ابخس

[جلاد الحباري]

يحذف النايفه تقريبا من 1 الى 5 -8 ميلادي والله اعلم

[اللماع]

أبرق الحرار
جلاد الحباري
لا هنتو