رايكم يالذيابة

[المفقاس]

الله لايهينكم ابي اسأل عن خيام القاضي ،،، رحت لعنيز اليوم لقيته مقفل محله ورحت للمرباع وبيت الرحلات ماعندهم . ارجو الافاده وتشيرون علينا بالنوع الزين . والعذر على القصور لانه اول مره اكتب بهالموقع الرائع .

[ساهر حايل]

هلا اخوي والله القاضي حلوات .. واعتقد متوفر حد علمي بحائل لهم محل

[فلسفة]

خيامه طيبه ويعتبر افضل الموجود بالسوق والعيب الوحيد ارتفاع الاسعار

خيمة البيرق افضل الموجود واثبتت جدارتها بشهادة مستخدميها

[(هزاع)]

وعليكم السلام
خيام القاضي بمخرج 15 شرق
اناجربت 4×4 ممتازه جدا الورع ينصبها على نضام الشمسيه اللي مع الحجاج
ام غاط 900 وام غاطين 1900
الفرق بينهن اللون من الداخل والجوده وحده
ترى الاسعار العام مدري عن السنه ذي زاد اولا

[المفقاس]

جزاكم الله خير على هالمعلومات لاعدمناكم

[jabnet]

خيام الوسم وبس عن تجربة وهي بلا عمود في الوسط بس عيبها ثقلها

[ابوعقيل81]

الرياض: القاضي مخرج 15 عندهم ترميم ومقفلين والي بالغرابي يقولون بيبدأ البيع بعد رمضان حالياً ماعندهم. ويقول الاسعار للي مقاسها 3 متر غاطين 1500 والغاط 1100 ريال , وعندهم الوسم ب1200 غاطين و1000 غاط , والفرسان ب1350 بس مدري كم غاط.
ويمدحون البيرق اكثر من غيرها بالقاضي وتراها تجي بعمود بالوسط .

والوسم شغل ابوعبدالعزيز (حولك بالرس :)) بدون عمود بالوسط .5 متر ب3900 و 4 ب3400 ريال و 3.5 ب2900 ريال , و 3×3 ب 2500 ريال, وعنده 2.40 سم ب1500 ريال و2.50 ب1600ريال, 2.60 ب1700 ريال. وفي 2.2ب1300 و2 متر ب1200 ريال و 1.40ب1000 ريال.

بالنسبة لي شريت الوسم وجالس أنتظرها توصلني :D

[ابوهَوس]

انصحك بخيمة البيرق, والاخوان ماقصروا