استشارة عاجلة جدآ قبل الشراء

[بيرق العزة]

السلام عليكم الشهر عليكم مبارك الله يقبل منا ومنكم صالح الاعمال :

ياخوان استشيركم في سياره متسوبيشي اوتلاندر دفع رباعي مستمر 4 سلندر عند العيسائي بالرياض موديل 2006 قوة 181 حصان واستفساري هل:
1- السيارةوجودتها لمن يعرف عنها شي
2- الدفع الرباعي المستمر يذكر ان الدفع الرباعي يفصل بعد ماتتعدى السرعه 80 كلمفي الساعه ويصبح خلفي وهل يضر السياره في زحمات الرياض وهي رباعي على المدى البعيد والقريب وهل يؤثر على صرفية البنزين في الزحااام
3- 4 سلندر ضعيف في السيارات الاخرى غير الياباني فهل هو ضعيف بهذا النوع مع العلم ان القوة 181 حصان

4- السعر 71000 الف ريال هل تستحق هذ المبلغ لمن لديه علم مسبق

ارجو ان لا تبخلو علي فانا مستعجل احدد الشراء خلال الاربع والعشرين ساعه القادمه ولا اتراجع ::::-----> مستعجل جدآ جدآ:good:

[راعي الهـــدد]

مرحبا بك اخوي ناشد الخير واعجبني اسمك الله يجعلك من اهل الخير آمين


بخصوص السياره نصيحه لاتشتريها تقول ليش اقول لك


اولا قطعها غاليه مره نار


ثانيا اضن والله اعلم اني لو باحط واحد وسبعين الف ماحطيتها في مثل هذي السياره فلا يقال جيب وركبت جيب ولا يقال صغيره وركبت صغيره


ما ادري وش يقال

على عموم نصيحه حاول تزيد عليها عشره الآف او خمسة عشر الف وانا كفيل لك تحصل جي اكس او جي تويوتا مستعمل نضيف موديل الفين او الفين وواحد


ابرك لك منها هذا رايي


اما بخصوص رسوتها فهي راسيه وموتر قوي بالبر وشاد نفسه اذا كان نفس الي في بالي متسبيشي جيب

ودمت طيبا معافى

[بيرق العزة]

الله يجزاك بالجنه ياراعي الهدد واياك على ماتحب ::: لا يكون الي في بالك هو الباجيرو هذي اقل منه واصغر منه وانا مثل ماقلت انت ابي اجمع بين الجيب والصغيره ا اي بر وديره وهي تماتيك القير وحجمهاااا صالح لي بس خائف اني اطب شي يعلل بي وما بخصوص نصيحتك بالتايوتا فهي تاج على راسي بس احس اني ما اقدر اتحمل الجيب التايوتا في زحمات الرياض الله يحفظه ويحفظك ؟؟

[راعي الهـــدد]

ايه ذكرتني باجيرو


اذا اصغر من الباجيرو فنصيحه لاتقع من حيث لاتشعر


البر مايبي اصغر من الجيب التويوتا

ترى انصحك ومن مجرب تعبت بالسيارات

واما الديره والله ما احلى منه في الديره

معي بالديره وامشي به ولا احلى منه

اجزم وتوكل على الله

ودمت طيبا معافى

[بيرق العزة]

اخوي اجزم اشتري المتسوبيشي ولا التايوتا تراء صار عندي لابس

[راعي الهـــدد]

لالالا


اقصد اجزم على رايي الي قلت لك


التويوتا


وخل عنك الجخاخ ههههههه


الباجيرو زين بس فيه الصغر مايزبن بالبر والا راسي وحلوه قيادته وقوي

بس نار قطع غياره

ولا يبرد خاطرك من ناحية البر مثل التويوتا

[بيرق العزة]

رائ مبارك والله يدلنا على مافيه الخير الله يجزاك بالجنه ومشكوررررررررر على النصيحه اتعبتك الله لا يهينك

[راعي الهـــدد]

لا ياقلبي


اتمنى اخدم كل الي في المنتدى اي والله


بس هاه لاتنسانا في آخر الليل تصكنا بكم دعوه


ودمت طيبا معافى

[بواسامه]

ياناشد الخير
تعجبني انك تنشد
قبل ماتقع في الفخ
والفخ اقصد السياره اللي ذكرتها بذات
نصيحه زدها خمس ولا عشره وباث 2005 جديد
خير لك من هالمواتر اللي محد يبيها الا شركات

[راعي الهـــدد]

بو اسامه


ليش باث فندر

[@ ابوسعد @]

ايه والله ياخوي تكفى عليك باتويوتا
الفكسار او الجكسار او الجكس او الربع او الشاص
تويوتا وبس
عز الله ان اليابان ابدعت في التويوتا

[بواسامه]

ليش باث فندر:D
قلت لي ليش لانه يبي ياخذ شي جديد يخدمه
مو موتر يسحبه بالورش كل فتره
2000 اتوقع انه فاتح فمه ويبي الورش وتغيير قطع ويبي يطلب وانا اخوك 7 سنين مكروف
اما الجديد 2005 قدام خمس سنين باذن الله مهنا الا المستهلك فقط اذا سلمه الله من الشر
ولا الصلاة خير من النوم التويوتا ابرك من الباث بس فرق السعر ياالغالي هو خلاني احدد السياره المناسبه
عموما النصيحه مقدمه
بان يكون الاختيار بغير ميتسوبيشي
سواء جيب نيسان ولا تويوتا
والله يوفقه اخونا ناشد ويدله على اللي فيه خير

[راعي الهـــدد]

بو اسامه


سم طال عمرك

[راعي الهـــدد]

ابو سعد اشكرك على التاييد


اهم شي لاتقرب الجخاخ وتطمن راسك هههههههههههه

[بيرق العزة]

ابو اسامه ابو سعد راعي الهدد كل الاخوان الي مرو وسلمو واشارو وماشارو اقول لهم الله يبارك لكم وفيكم وفي مالكم وولادكم ويرزق كل واحد عزوبي منكم الزوجه الصالحه والي قد تزوج يتزوج ثانيه ويرزقكم بالذريه الصالحه قوووولو امين يالله يارب العالمين اللهم ااااااااامين ........ نعم انا معكم القطع غاليه شوي بس في نظري ان السيارات ماتطلب كثير وغير كذا اشكال سيارات المستوبيشي تغير كثير وصار منها مجارات لسوق وحقيقه هذي وجهه نظر فقط واكون غلطان بعداتفاق الجميع بعدم الرضاء على مستوبيشي

[ابو ناصر2020]

بنسبه للجيب المستوبيشي الصغير انا اعرف واحد شراه يمدح صرف البنزين مايصرف وقوي
بس ارجال راعي المستوبيشي ماهو راعي بر يعني دايم بديره وبصراحه الموتر ماينهضم.

[anas]

انا معاي باجيرو 2004 فل كامل ... سأتكلم عن قطع الغيار فقط حسب اسعار قسم الصيانة في الوكالة وكانت كالتالي :
قماشات امامية 238 ريال
قماشات خلفية 187 ريال
سير الماكينة ولا يأتي إلا واحد فقط 400 ريال
لمبة الزينون 500 ريال للواحدة اما الشمعة كاملة الواحدة 3600 ريال ( طبعا انوار الزينون تأتي في الفل كامل فقط)
القزاز الأما مي 1350 ريال
الصدام الأمامي 1600 ريال
الاسطب الخلفي الواحدة 740 ريال
اما البواجي فتقريبا 80 ريال
وما عدا ما ذكر من فلتر الهواء وفلتر الزيت رخيص فلم اذكره هنا
ولي عودة للتحدث عن المميزات سواء في البر او السفر إن شاء الله

يا اصحاب الباث فايندر بالله عليكم كم الزجاج الامامي وكم القماشات الامامية والخلفية وكم الصدام الامامي للباث فايندر ؟

[الكـاسـر]

يا ناشد الخير الله يعينك يوم انك تستشير كل يعطيك شور ويخلون راسك يفتر:confused: وانا ابفره لك زياده:cool: :D ولكن ثق ان الشباب كلن منهم يحب لك الخير
اولا: شكلك مقتنع بالسيارة والدليل الغالبيه ما اشروا عليك وترجع وتحاول تقنعهم يعني انك مقتنع وخالص وتحاول تقنع اللي حولك
ثانيا : لاحضت بعض الشباب متعصبين شوي للماركات يعني اللي معه تويوتا يبيك تاخذ تويوتا واللي معه نيسان يبيك تاخذ نيسان الخ
ثالثا : من خلال استشارتك يبدو انك تفضل ان تمتلك جيب من ذوات الحجم الوسط (برادو - باثفيندر - متسوبيشي -ايسوزو-هيونداي-هوندا) وفعلا شريحة كبيرة من الناس يفضل هذا النوع من السيارت
رابعا : نصيحتي لك اولا ان تستخير الخيرة المباركة وان تدرس الموضوع دراسه وافية وهذه نقاط قد تفيدك :
1- قوة السيارة وصلابتها
2- السعر
3-شعبية السيارة لدى العامة وهذي النقطه حط تحته ستين خط لانك سوف تواجه مشاكل منها عند البيع او عند احتياجك لبعض التجهيزات او قطع الغيار
4-الوكيل وهذي بعد حط تحته سته وستين الف خط لاني واجهت المشكله هذي مع الباثفيندر كانت سيارة جميله جدا وقوية وعمليه وما عليها اي كلام ولكن الوكيل يكرهك بالسيارة مشكلته غلاء واحتكار القطع هذا اذا توفر قطع (اذا توفر قطع) يعني يمكن ما يتوفر قطع هذيك الساعة تقشر بصل وتعرف ليش الناس يشترون كامري وهايلوكس
وشكرا لك وعذرا على الاطالة والله يستخير لك الخيرة المباركة

[الكونترولCONTROL]

ميتسوبيشي ب 71000 !!!!!!!!!
================
لا تضيع مع اللي ضاعوا
=============
اذا شفت سعرها بحدود 17000 فكر !!!

[راعي الهـــدد]

احسنت يالكاسر


واحسنت يالكنترول

صحيح حرام هلمبلغ عليها

[تمساح]

السلام عليكم يارجال
اخوي اخذ العلم الي يجمد على الشارب الدفع رباعي مستمر اغلبيته دفعه الاساسي أمامي تدري ليش قلتلك انه دفع موترك الي انت بشتريه امامي عشانه دفع رباعي مستمر وعلى فكره ترانوع الجيب الي انت تبي تاخذه suv يعني حجمه صغير موكبير ولو كبير مايجي 4سلندر دفع رباعي مستمر خلفي يجي امامي وانا واحد من المتابعين لي مجلة سعودي أوتو وهذا الكلام ما خذه من المجله نفسها وإذا انت راعي بر وتبي الشور اخذ اخذلك يا شروكي لبرتي أو اخذ باث فندر أو أخذلك ربع نيسان موديل 2004 ومافوق وترا نصيحه يربع جيب دفعه رباعي امامي مابنفع للبر ماينف الا الرباعي خلفي عزم ورساوه بالخط وقوة اداء بالبر وسلامتكم ياربع النشامى وأي استفسار انا جاهز للجميع عن الدفع الرباعي خلفي او الامامي على الاميل
humr_h2@hotmail.com

[أبوناصر]

رايي لا تقرب ها الموتر قطعه غاليه

وواحد معه باجيرو كل 3 شهور يغيير الفحمات ولا سعرها غالي فوق 350 ريال


وهذا كلام مجرب


والراي لك لكن لا تشتري إلا نيسان أو تويوتا


والله يوفقك

[العودالازرقhk]

اخوي ناشد الخير السلام عليكم ورحمة الله وبركاته
انا اظم صوتي للاخوان (راعي الهدد وابو اسامه وابوسعد)
الله يجمعنا وياهم فى الفردوس الاعلا
المتسوبيشي تراه فى البيع مشكله زبونه نادر والواحد مايدري عن ظروف الدنيا الله يكفينا شرها
والله يطرحك مطرح طيب ويسهل امرنا ومرك

[بيرق العزة]

الاخوان شوركم وهداية الله خلاااااص عدلنا ولاهو قولت اخوي الكاسر(فرار الراس ) ههههه اني ابي اقنع الشباب بالي انا مقتنع فيه بس انا احاول اقتنع للمميزات التي انا اطمح لها لهذا النوع ولا اي نوع اخر والاخوان الله يجزاهم بالجنه ماقصرو وفو وكفو الله يدلنا لصالح مداخلاتكم تاج على الراس وهذا طبعكم وافين والله يجمعنا بكم على خير والى الخير نبتغي والجنه غايتنا مشكورين وجزكم الله كل خير وهذا ابلغ ثناء مابعده ثناء (للمعلوميه) اخوكم ناشد الخير

[راعي الهـــدد]

أخوي العود الأزرق آمين


يالله ياكريم اجعلنا نصيد ونقنص على كيفنا في الجنه ولا واحد يردك


ولا تصريح ولا غيره


ولا شي

(( ولحم طير مما يشتهون ** وحور عين )) يالله ياكريم


لحم طير وكل مما تشتهي وحور حسان


يالله من فضلك لاتحرمنا واخوي العود الأزرق وجميع من نحب