فزعتكم الشروكي يطفي

[جزء من القلب]

السلام عليكم ورحمة الله وبركاته.

عندي شروكي مديل 99 تماتيك كان يشتغل ويمشي اوكيه ولكن اللعانه وديته المغسله وغسلته كامل والمكينه بعد غسلتها وصار مايشتغل وصبرت عليه ونظفت الاسلاك والديلكو وفيشات الحساسات وشتغل ولكن ظهرة لي علامه في الطبلون check gauges وصار يشتغل فتره ويطفي ويقعد اكثر من ربع ساعه وبعدين يشتغل ويتفتف ولايستقبل بانزين ويجلس شوي ويطفي وساعات يزبط ساعه وساعتين وترجع الحاله والعلامه على طول ماتروح وساعات اسمع زنة اطرمبة البانزين وساعات تروح يعني تشتغل وتطفي الطرمبه وديته الورشه وصار ليه اكثر من ثلاث ايام ولا عرف المشكله غير الكمبيوتر ونظف الحساسات وشيك عليه من والى دون فايده وحتى مروحة التبريد لرديتر وقفة ومايوصلها كهربه وانا الحين متحير من هالمشكله وأريد لها حل والسبب اني غسلت المكينه وطلعت لي الخرابات .

[basbadi]

شيك على الكمبيوتر اعتقد يحتاج تغيير
كان عندي قراند شيروكي وحصل معي نفس اللي قلت عليه
وطلع من الكمبيوتر غيرته ورجع ميه ميه

[SGL]

وعليكم السلام ورحمة الله وبركاته
أخوي شيك على حساس الهوا وعلى فيشه حساس الهوا الي راكب في قربة فلتر الهوا أو في الخرطوش فكه نظفه نظف فيشه وشيك على حساس الكرنك هذا علة الشروكي شيك على فيشه

[الهاوي11]

ششيك على حساس الكرنك . اغلب طفيات الشروكي منه

[جزء من القلب]

مشكور على تفاعلكم والله لايحرمنا منكم .
سويت اللي قلتوا عليه ولكن ماتغير شي وعلى العلم الضغط يوصل الى ثلاثه فقط عند دعس البنزين ومايتعداه والسياره على طول تتفتف : الخلط:

[كلاش2500]

يالغالى هذى اعراض حساس الحذاف.....تأكد من الفيش حقه ياانه مو راكب مضبوط يافيه موية ياانه الحساس محلول يعنى يبغاله شد......

[Jeeper]

علامة check gauges معناة واحد من الامبيرات عطلان (حراره - ضغط الزيت -البطاريه) شيك على الحساسات الخاصه بها

مشكلة التفتفه أعتقد يا حساس ال MAP او ال TPS ومكانها فوق الثلاجه

[جزء من القلب]

السلام عليكم ورحمة الله وبركاته .
امس خبرني صاحب الورشه وقالي كل شي سويته لسياره بدون فايده .
وقال المشكله احتمال كبير من ظفيرة السياره يبغا ليها تبديل كامله وانا احترت وماعرف شو اسوي هل ابدل الظفيره او اشيل السياره من عنده لان حتى لمبة الدبل في الطبلون صارت ماتشتغل والضغط بس يوصل الى الثلاثه وتفتف السياره وعلامة check gauges الى الان موجوده وماطفت والحل يعني ماعرف اصرف بهالمشكله .

[كلاش2500]

مااعتقد ان الظفيرة فيها شى ولا كان الجيب مااشتغل.....لكن في حل احتمال الكمبيوتر عندك ضرب...اول شى فك الكمبيوتر وناظر بالافياش اذا فيها رطوبة نشفها كذلك مدخل الافياش بالكمبيوتر....اذا زان الخير وأهله اذا لا...جرب كمبيوتر ثانى......وفى شى ثانى احتمال يكون الديلكو واذا جيبك كويلات افحص الكويلات.....
نصيحة لك واضح ان راعى الورشة موفاهم ود جيبك لناس يفهمون الشيروكى........وبالذات الورش اللى ترهم وتعدل بالشيروكيات.....او روح للمنتديات الخاصة بالتطعيس يفيدونك عن الورش...
بالتوفيق...........

[MSAN]

يالحبيب لا تستعجل..


علامة check gauges معناها انه في واحد من القيجات نازل ووصل مرحلة الخطر.. شف القيجات (الانبيرات - العدادات) الي قدامك وش الي نازل منها..؟؟؟
شف ضغط الزيت وفولت الكهرب والبنزين..

اذا كلها تمام أبيك تجرب شغلة..

جرب صب شوي بنزين في الثروتل وحاول تشغل السيارة شف بتشتغل والا لا..

وجرب افصل سلك البوجي واشبك فيه بوجي خارجي وشف بيشتغل والا لا..


واذا موترك كويل وأسلاك.. شيك على فيش الكويل.. يمكن جاه موية وخرب.. هالفيش بالذات ألعن فيش في الشروكيات كلها :(

كيف تتأكد من الكويل..؟ افصل السلك الي طالع منه ورايح على الديلكو.. واشبك فيه بوجي وخله يلمس المكينة وشغل السيارة وشوف البوجي بيطلع منه شرارة لونها أزرق والا لا


شف وش بيصير معك وعطني خبر.. بأتابع معك الين يشتغل موترك باذن الله

[جزء من القلب]

السلام عليكم ورحمة الله وبركاته .
اشكر كل شخص ساهم في حل مشكلتي والله لايحرمنا منكم ابد وجزاكم الله الف خير في هذا الشهر الكريم
امس سحبت السياره من عند الورشه وجبتها عند البيت وجلست امكنك عليها طول الليل ووصلت الى الخراب وصلحته بنفسي
وكان الخراب مثل ماخبرتوني عليه وطلع فيش اللي يركب في حساس الراكب في البخاخ متوسع واسلاكه ماتوصل كهربه للحساس .... ضيقته وركبته وصارت السياره اوكي تشتغل على طول وماتتفتف وعزمها عال العال وابشركم طفت لمبة التشييك اللي في الطبلون والضغط اصبع ممتاز اعطيها بنزين ويرتفع الضغط فوق فوق .. اشكركم على جهدكم الرائع

[أبوشريدح]

ما شاء الله تبارك الله
الحمد لله ان مشكلتك انحلت

هذا من فضل ربي
ثم من خيرات هذا المنتدى الغالي

احلى شيء يوم يتكاتف الجميع لحل اي مشكلة
{{{{{{{{{{{قوم تعاونوا ما ذلوا}}}}}}}}}}}}