ابي حل للشيهانه لو سمحتو

[هبوب]

عندي شيهانه جبليه بيتيه طول 13 ادعيها على الملوح وتجي ونقزها على الدس وتجي بس فيه عيب فيها اذا شلتها على الدس ومسحت على صدرها تكفخ كثير والدعوة تكفيخ حتى وهي مبرقعه احس انها متوحشه مع العالم انها صفت الريش كامل وارجو اجابه تحياتي

[طارق الحربي]

انا عندي وكريه مثل طيرك

مع التربيب والتدهيل تبي تتعلم واذا كفخت شد عليها السبق

[ابو عبـدالله]

وانا رأيي من رأي اخوي طارق ..

يمكن انه ما تعود على الدس ..

عموما انت شد عليه السبق و خله على الدس الين يركد .. وحاول انك تجلس وقت اطول معه ..

علشان يتدرب ويتعود عليك وعلى الدس .

وهذا رأيي المتواضع ورأي اخي طارق ..

وننتظر بقيه الصقاقير ..

ابو عبدالله

[آبو غلآ]

مر11حب اخوي ،،
بقولك شي اذا تبي طيرك يترك الكفخ ويركد
انقله كل يوم لو ساعتين في اليوم وبعدها صكه بالبرقع
ولاتفرع له الا في يدك يعني كثر النقل هو الي يركد
الطير ويخلي الطير يرتاح ويتعود وامسك سبوقه كل ماكفخ
ومع الايام يتغير ويزين طبعه ،،


لك احلى تحيه ،،

[سطام العتيبي]

كلامي من كلام اخوي شارب
وهذا هو الكلام الصحيح اذا بغيت طيرك يركد
ولا تفرع عنه الا وهو على يدك

[عذبي]

السلام عليكم اخوي هبوب
مشكله طيرك مثل ما قالو الاخوان هي قل شيلك لها حاول تشلها معك وين ما رحت وحاول توديها معك المجالس مع ربعك ثلاثه ايام وراح تترك ذا الطبيعه باذن الله
اخوك عذبي مجرب الطريقه مع حر ونفعت والله الله بالسهر مع الطير خله يسهر معك في المجلس

[البواردي99]

بيض لله وجوي اخونه شارب فنتو ها دا التركيد الصح
واحب اطيف على كلم اخوي ان الشيهانه ام عقلين ودا ما كنت معا ه علطو ل تدهل عليه تتوحش والكنك سويت شي

[القناص الغبر]

السلام عليكم
من رأي المتواضع اخوي
خاصه الشواهين مهب عيب تكفخ اذا فرعت بها على الدس
واحسن للشاهين اكون فيه وحاشه شوي
اما اذا تكفخ وهي مبرقعه هذي حلها
انك اتعشيه وهي برقعها كم مره وبعدها بتشوفها
كل ماشليتها ادور تحت في الدس ولاعاد هي بكافخه
والنقل اخوي للشاهين خاصه وقت الهدد مهب زين اجيب له ملووع
وانا افضل انك ماتنقلها بس ترببها شوي ومثل ماقلت لك عشها على الدس
وهي مبرقعه
وتقبل تحياتي اخوك (القناص الغبر)